ବାରଣାସୀ,୫।୧୧: ଉତ୍ତର ପ୍ରଦେଶର ବାରଣାସୀରୁ ଆସିଛି ଭୟଙ୍କର ହତ୍ୟା ମାମଲା। ଭେଲୁପୁର ଥାନା ଅନ୍ତର୍ଗତ ଭୈଦେନୀରେ ଜଣେ ବ୍ୟକ୍ତି ନିଜ ପରିବାରର ୪ ଜଣଙ୍କୁ ଗୁଳିକରି ହତ୍ୟା ପରେ ନିଜେ କରିଛି ଆତ୍ମହତ୍ୟା। ଖବର ଅନୁସାରେ, ରାଜେନ୍ଦ୍ର ଗୁପ୍ତା ନାମକ ଜଣେ ବ୍ୟକ୍ତି ନିଜ ପତ୍ନୀ ଓ ତିନି ସନ୍ତାନଙ୍କୁ ହତ୍ୟା କରିବା ପରେ ନିଜେ ଆତ୍ମହତ୍ୟା କରିଛି।
ମୃତକଙ୍କ ମଧ୍ୟରେ ରାଜେନ୍ଦ୍ରର ପତ୍ନୀ ନିତୁ ଗୁପ୍ତା(୪୫), ପୁଅ ନଭନୀତ ଗୁପ୍ତା(୨୫), ପୁଅ ଶୁଭେନ୍ଦର ଗୁପ୍ତା(୧୫) ଓ ଝିଅ ଗୌରାଙ୍ଗି ଗୁପ୍ତା(୧୬ ) ରହିଛନ୍ତି। ଘଟଣାସ୍ଥଳରେ ପହଁଞ୍ଚି ପୋଲିସ ତଦନ୍ତ ଆରମ୍ଭ କରିଛି। ମିଳିଥିବା ସୂଚନା ଅନୁସାରେ, ଭୈଦେନୀ ସ୍ଥିତ ପାଓ୍ବାର ହାଉସ ଆଗରେ ଥିବା ଗଳିରେ ରାଜେନ୍ଦ୍ର ଗୁପ୍ତା ନିଜ ପରିବାର ସହ ରହୁଥିଲା। ପରିବାରରେ ବୃଦ୍ଧ ମା’, ପତ୍ନୀ ନିତୁ, ଝିଅ ଗୌରାଙ୍ଗି ଓ ପୁଅ ନଭନେନ୍ଦ୍ର ଓ ସୁଭେନ୍ଦ୍ର ଥିଲେ।
ମଙ୍ଗଳବାର ପଡୋଶୀ ପୋଲିସକୁ ଏନେି ସୂଚନା ଦେଇଥିଲେ। ଘଟଣାସ୍ଥଳରେ ପହଁଞ୍ଚିଥିବା ପୋଲିସ ରାଜେନ୍ଦ୍ରଙ୍କ ଘରକୁ ଯିବା ବେଳେ ୪ଟି ମୃତଦେହ ଦେଖିଥିଲା। ପ୍ରଥମେ ଲାଗୁଥିଲା ଅଭିଯୁକ୍ତ ରାଜେନ୍ଦ୍ର ଘଟଣାସ୍ଥଳରୁ ଫେରାର ହୋଇଯାଇଛି। କିନ୍ତୁ ଆଉ ଏକ ରୁମ୍ରେ ପଡିଥିଲା ରାଜେନ୍ଦ୍ରର ମୃତହେଦ। ପାଖରେ ମଧ୍ୟ ଏକ ପିସ୍ତଲ ଥିଲା।ସନ୍ଦେହ କରାଯାଉଛି ଯେ, ସେ ଆତ୍ମହତ୍ୟା କରିଛି। ଘଟଣା ସମୟରେ ଘରେ ରାଜେନ୍ଦ୍ରର ବୃଦ୍ଧା ମା’ ଥିଲେ, କିନ୍ତୁ ତାଙ୍କୁ ଏ ବିଷୟରେ କିଛି ଜଣାନଥିଲା। ଅଧିକ ବୟସ ହୋଇଥିବାରୁ ସେ ଚଲାବୁଲା କିମ୍ବା ଭଲରେ କଥା ମଧ୍ୟ କହିପାରୁନାହାନ୍ତି।
ପଡୋଶୀଙ୍କ କହିବା ଅନୁସାରେ, ରାଜେନ୍ଦ୍ର ଜଣେ ତାନ୍ତ୍ରିକର ସମ୍ପର୍କରେ ଥିଲା। ସେ ତାନ୍ତ୍ରିକର କହିବା ଅନୁସାରେ,ନିଜ ପତ୍ନୀଙ୍କୁ କାମରେ ବାଧା ବୋଲି ଭାବିନେଇଥିଲା। ଏହି କାରଣରୁ ସେ ଦ୍ବିତୀୟ ବିବାହ ମଧ୍ୟ କରିବାକୁ ଚାହୁଁଥିଲା। ଏହି କାରଣରୁ ସ୍ବାମୀ-ସ୍ତ୍ରୀ ମଧ୍ୟରେ ସବୁବେଳେ ଝଗଡା ହେଉଥିଲା। ଏହା ପୂର୍ବରୁ ଏହି ଘରେ ୫ ଜଣଙ୍କୁ ମଧ୍ୟ କରାଯାଇଥିଲା। ରାଜେନ୍ଦ୍ରର ତା’ର ବାପା, ଦୁଇଜଣ ଗାର୍ଡ ଏବଂ ତାର ଭାଇ ଏବଂ ଭାଇର ପତ୍ନୀଙ୍କୁ ହତ୍ୟା କରିବା ମାମଲାରେ ଜେଲ୍କୁ ମଧ୍ୟ ଯାଇଥିଲା। ଏବେ ସେ ନିଜ ପତ୍ନୀ ଓ ପିଲାଙ୍କୁ ହତ୍ୟା କରିଛି। ପୋଲିସ ରାଜେନ୍ଦ୍ର ସହ ତାନ୍ତ୍ରିକର ମଧ୍ୟ ସନ୍ଧାନରେ ରହିଛି।
ରାଜେନ୍ଦ୍ର ଗୁପ୍ତା ପାଖରେ ଟଙ୍କାର କିଛି ଅଭାବ ନଥିଲା। ତା ପାଖରେ ସହରରେ ମୋଟ ୪ଟି ଘର ରହିଛି। ଦୁଇଟି ଘରେ ୫୦ଟି ଲେଖାଏଁ ରୁମ୍ ରହିଛି। ଯେଉଁ ଘରେ ହତ୍ୟାକାଣ୍ଡ ଘଟିଛି ସେଥିରୁ ୨୦ଟି ରୁମ୍ରୁ ୮୦ ହଜାର ଟଙ୍କାର ଭଡା ଆସୁଥିଲା। ୩୦ଟି ରୁମ୍ର ଭଡା ଦୁଇ ଲକ୍ଷରୁ ଅଧିକ ଥିଲା। ଏହାଛଡା ଭୈଦେନୀରେ ଥିବା ଆଉ ଏକ ଘରୁ ଦୁଇ ଲକ୍ଷରୁ ଅଧିକ ରେଣ୍ଟ ଆସୁଥିଲା। ଏହାଛଡା ସେ ଦେଶୀ ମଦଭାଟିର ମାଲିକ ଥିଲା। କେବଳ ସେତିକି ନୁହେଁ ତା ପାଖରେ ୧୦୦ ଅଟୋ ରିକ୍ସା ମଧ୍ୟ ଥିଲା।
ଏଭଳି ଏକ ଜଘନ୍ୟ ହତ୍ୟାକାଣ୍ଡ ବିଷୟରେ ମଙ୍ଗଳବାର ମଧ୍ୟାହ୍ନରେ ଜଣାପଡିଥିଲା। ଯେତେବେଳେ ଘରୋଇ ସହାୟିକା ରେଣୁ ବର୍ମା ରୋଷଇ କରିବାକୁ ଆସିଥିଲେ। ସୋମବାର ରୋଷେଇ କରି ସେ ଚାଲିଯାଇଥିଲେ, କିନ୍ତୁ ମଙ୍ଗଳବାର ଯେତେବେଳେ ଆସିଥିଲେ ରକ୍ତ ଜୁଡୁବୁଡୁ ଅବସ୍ଥାରେ ଘରର ୪ ଜଣଙ୍କୁ ଦେଖି ପୋଲିସକୁ ଖବର ଦେଇଥିଲେ।କୁହାଯାଉଛି ଯେ, ରାଜେନ୍ଦ୍ରର ବଡ଼ ପୁ୍ର ନଭନେନ୍ଦ୍ର ବେଙ୍ଗାଲୁରର ଏକ ମଲ୍ଟି ନ୍ୟାସନାଲ କମ୍ପାନୀରେ ଇଞ୍ଜିନିୟର ଥିଲେ। ସେ ଦୀପାବଳିରେ ଘରକୁ ଆସିଥିଲେ। ଛଟ୍ ପୂଜାର ପ୍ରସ୍ତୁତି ଚାଲିଥିଲା। ସାନ ପୁଅ ଏବଂ ଝିଅ ଦୁହେଁ ଡିପିଏସ୍ରେ ପଢୁଛନ୍ତି।
