ମାଲକାନଗିରି, ୪/୫(ଆପ୍ର ) ସେୟାର ମାର୍କେଟରେ ଟଙ୍କା ଲଗାଇଲେ ତିନିମାସରେ ଅଧିକ ୨୦ ପ୍ରତିଶତ ଟଙ୍କା ମିଳିବ କହି ମାଲକାନଗିରି ଜିଲ୍ଲାରୁ ୫ଜଣ ଙ୍କ ନିକଟରୁ ପ୍ରାୟ ୩ କୋଟି ରୁ ଉର୍ଦ୍ଧ ଟଙ୍କା ଠକେଇ। ଠକକୁ ମାଲକାନଗିରି ପୁଲିସ ଗିରଫ କରି କୋର୍ଟ ଚାଲାଣ କରିଛି। ଗିରଫ ଅଭିଯୁକ୍ତ ଜଣକ ହେଲେ ଦେବଜିତ ତ୍ରିପାଠି।
ପୁଲିସ ସୂଚନା ଅନୁଯାଇ ବରଗଡ଼ ଜିଲ୍ଲା ଭିଏସ୍ ଏସ୍ ନଗର ଆଞ୍ଚଳ ର ଦେବ ଜିତ ତ୍ରିପାଠୀ ନାମକ ବ୍ୟକ୍ତି ମାଲକାନଗିରି ଜିଲ୍ଲା କୁ ଆସି ସି ଟ୍ରେଡିଙ୍ଗ ନାମକ ସଂସ୍ଥା ଖୋଲିଥିଲେ। ତିନିମାସ ରେ ଜମା ଟଙ୍କାର ୨୦ପ୍ରତିଶତ ଅଧିକ ଟଙ୍କା ମିଳିବାର ଲୋଭ ଦେଖାଇ ଗତ ୨୦୧୭ ମସିହାରୁ ୨୦୨୪ ମଧ୍ୟ ରେ ୫ ଜଣଙ୍କ ଠାରୁ ପ୍ରାୟ ୩କୋଟି ରୁ ଉର୍ଦ୍ଧ ଟଙ୍କା ଠକି ନେଇଥିଲେ। ଟଙ୍କା ମାଗିବାରୁ ଓଲଟି ଧମକ ଚମକ ଦେଇ ଥିଲେ। ମାଲକାନଗିରି ଥାନା ସ୍ଥ ତଳସାହି ଗ୍ରାମର କେ ଜିତେନ୍ଦ୍ର ପାତ୍ର ନାମକ ଫଳ ବ୍ୟବସାୟୀ ଙ୍କ ଠାରୁ ପ୍ରାୟ ୮୦ ଲକ୍ଷ ଓ ଅନ୍ୟ ମାନଙ୍କୁ ଠାରୁ ମଧ୍ୟ କୋଟି କୋଟି ଟଙ୍କା ଠକିଥିବାର ଜଣା ପଡିଛି। ଏ ସମ୍ପର୍କ ରେ ମାଲକାନଗିରି ଥାନାରେ ଅଭିଯୋଗ ହେବା ପରେ ମାଲକାନଗିରି ଏସପି ବିନୋଦ ପାଟିଲଙ୍କ ନିର୍ଦ୍ଦେଶ କ୍ରମେ ମାଲକାନଗିରି ଥାନା ଅଧିକାରୀ ଶ୍ରୀ କିଣ୍ଡୋ ଙ୍କ ନେତୃତ୍ୱ ରେ ଏକ ସ୍ୱତନ୍ତ୍ର ଟିମ ଗଠନ କରାଯାଇ ତଦନ୍ତ କରାଯାଇଥିଲା। ଅଭିଯୁକ୍ତ ତ୍ରିପାଠୀ ଆସାମ ରେ ଲୁଚି ରହିଥିବାର ଖବର ପାଇ ମାଲକାନଗିରି ପୁଲିସ ଟିମ ସେଠାରେ ପହଁଚି ଅଭିଯୁକ୍ତ କୁ ଗିରଫ କରି ମାଲକାନଗିରି କୁ ଆଣିଥିଲେ। ଅଭିଯୁକ୍ତ ଦେବଜୀତ ତ୍ରିପାଠୀଙ୍କୁ ଠକେଇ ଅଭିଯୋଗ ରେ ଗିରଫ କରି କୋର୍ଟ ଚାଲାଣ କରାଯାଇଛି ବୋଲି ଥାନାଅଧିକାରୀ ଶ୍ରୀ କିଣ୍ଡୋ କହିଛନ୍ତି।
