ନୀଳଗିରି,୫/୧୧ : କାଳୀପୂଜା ମେଳା ଦେଖିବା ପାଇଁ ଯାଇଥିଲେ ମା-ପୁଅ। ଅଧରାତିରେ ଘରେ କଳାକନା ବୁଲାଇଲେ ଦୁବୃର୍ତ୍ତ। ଲୁଟିନେଲେ ୪୦ ହଜାର ଟଙ୍କା ସହ୧୫ ଲକ୍ଷ ଟଙ୍କାର ସୁନାଗହଣା। ଏଭଳି ଲୁଟ ଘଟଣା ବାଲେଶ୍ୱର ଜିଲ୍ଲା ନୀଳଗିରି ବ୍ଲକର ପୋଡ଼ାଶୁଳ ଗାଁର ଘଟଣା । 

ସୂଚନା ଅନୁଯାଇ, ସଞ୍ଜୀବ କୁମାର ବେହେରା ଏବଂ ସୁଦିପ୍ତା ବେହେରା ଓ ତାଙ୍କ ପୁଅ ତିନି ଜଣ ପୋଡ଼ାଶୁଳ ସ୍ଥିତ ଘରେ ବସବାସ କରନ୍ତି। ସଞ୍ଜୀବ ଭଦ୍ରକ ଜିଲ୍ଲା ଚାନ୍ଦବାଲି SDJM କୋର୍ଟରେ ନାଜର ଭାବେ କାର୍ଯ୍ୟ କରୁଥିବା ବେଳେ ସେ ସେଇଠାରେ ହିଁ ରୁହନ୍ତି। ଘରେ ସ୍ତ୍ରୀ ଏବଂ ପୁଅ ରୁହନ୍ତି। ପୋଡ଼ାଶୁଳର କାଳୀପୂଜା ପାଇଁ ମେଳା ଚାଲୁଥିବା ବେଳେ ଯାତ୍ରା ଦେଖିବା ଯାଇଥିଲେ। ଗଲାବେଳେ ପଡୋଶୀ ଘରେ ଚାବି ଦେଇ ଯାଇଥିଲେ। ମାତ୍ରା ଯାତ୍ରା ଅଧାରୁ ଦେଖି ଘରକୁ ଆସିବା ବେଳକୁ ଘରର ମୁଖ୍ୟ ଫାଟକରେ ତାଲା ଭଙ୍ଗା ଯାଇଥିବା ଦେଖିବାକୁ ପାଇଥିଲେ। ତୁରନ୍ତ ସୁଦିପ୍ତା ଘରେ ପଶି ଦେଖିଲା ବେଳକୁ ଗଡ଼ରେଜ ଚାବି ଭାଙ୍ଗିଯାଇଥିବା ଦେଖେିବାକୁ ପାଇଥିଲେ। ଘରେ ଥିବା ପାଖାପାଖି ୪୦ ହଜାର ଟଙ୍କା ସହତ ୧୫ ଲକ୍ଷରୁ ଅଧିକ ଟଙ୍କାର ଗହଣା ଚୋରି ହେଇଯାଇଛି। ତେବେ ଘରେ କେହି ନଥିବା ର ସୁଯୋଗ ନେଇ କେହି ଦୁବୃର୍ତ୍ତ ଚୋରି କରିଥିବା କହିଛନ୍ତି ସୁଦିପ୍ତା ବେହେରା ଅଭିଯୋଗ କରିଛନ୍ତି।