ନୂଆଦିଲ୍ଲୀ,୨୯/୧୦ : ଲକ୍ଷ୍ନୌ ସୁପର ଜାୟଣ୍ଟ୍ସଙ୍କ ରିଟେନଶନ ଲିଷ୍ଟରେ ବହୁତ ବଡ଼ ଅପଡେଟ୍ ସାମ୍ନାକୁ ଆସିଛି । କ୍ରିକବଜ ଅନୁସାରେ ଓ୍ବେଷ୍ଟଇଣ୍ଡିଜର ଓ୍ବିକେଟକିପର ବ୍ୟାଟର ନିକୋଲସ ପୁରନ ମଙ୍ଗଳବାର ଏଲଏସଜିର ମାଲିକ ସଞ୍ଜିବ ଗୋୟନକାଙ୍କୁ ଭେଟିବାକୁ ଆରପିଜିଏସ ହାଉସ ପହଞ୍ଚିଥିଲେ । ଏହି ରିପୋର୍ଟରେ କୁହାଯାଇଛି କି ପୁରନ ଆଗାମୀ କେତେକ ସିଜନ ଖେଳିବା ଲାଗି ଡିଲ୍ ସାଇନ କରି ନେଇଛନ୍ତି । ସମ୍ଭବତଃ ପୁରନ ଏବେ ଆଇପିଏଲ୍୨୦୨୫ ଲାଗି ଡିଲ୍ ପାଇଥିବା ପ୍ରଥମ ଖେଳାଳୀ ହୋଇଯାଇଛନ୍ତି ।
ସୂଚନା ଅନୁସାରେ ନିକୋଲସ ପୂରନଙ୍କୁ ପ୍ରଥମ ରିଟେନଶନ ଭାବେ ତଥା ୧୮କୋଟି ଟଙ୍କାରେ ରିଟନ କରାଯାଇଛି । ବିସିସିଆଇ ଦ୍ବାରା ଜାରି ହୋଇଥିବା ରିଟେନଶନ ପଲିସି ଅନୁସାରେ ପ୍ରଥମ ନମ୍ବରରେ ରିଟନ ହେବାକୁ ଥିବା ଖେଳାଳୀଙ୍କୁ ୧୮କୋଟି ଟଙ୍କାର ରାଶି ମିଳିବ । କିନ୍ତୁ ଟିମ୍ ନିଜ ହିସାବରେ ଖେଳାଳୀଙ୍କୁ ଏହାଠାରୁ ଅଧିକ ଟଙ୍କା ଦେଇ ରିଟନ କରିପାରନ୍ତି । ପ୍ରକାଶ ଯେ, ପୁରନଙ୍କୁ ଗତ ଥର ଅକ୍ସନରେ ଏଲଏସଜି ୧୬କୋଟି ଟଙ୍କାରେ କିଣିଥିଲା । ତଥା ଏଥର ତାଙ୍କୁ ୨କୋଟି ଟଙ୍କାର ଲାଭ ହେଉଛି ।
କ୍ରିକବଜ ଅନୁସାରେ ଲକ୍ଷ୍ନୌ ସୁପର ଜାୟଣ୍ଟ୍ସର ଜନୈକ ଅଧିକାରୀ କହିଛନ୍ତି କି, ନିକୋଲାସ ପୁରନ ଏଲଏସଜି ଲାଗି ପ୍ରତିବଦ୍ଧ ଅଟନ୍ତି ଏବଂ ବିଜୟର ମାନସିକତା ନେଇ ଆଗକୁ ବଢିବାକୁ ଚାହୁଁଛନ୍ତି । ତାଙ୍କର ଭାବିବାର ପ୍ରକ୍ରିୟା ଭିନ୍ନ ଅଟେ ଏବଂ କୌଣସି ବି ବ୍ୟାଟିଂ କ୍ରମ ଏବଂ କୌଣସି ବି ପରିସ୍ଥିତିରେ ଭଲ ପ୍ରଦର୍ଶନ କରିବାରେ ସକ୍ଷମ ଅଟନ୍ତି । ପୁରନଙ୍କୁ ରିଟନ କରାଯିବା ଖବର ଏଭଳି ସମୟରେ ଆସୁଛି ଯେତେବେଳେ କେଏଲ ରାହୁଲଙ୍କୁ ଏଲଏସଜିରୁ ରିଲିଜ କରାଯିବାର ଚର୍ଚ୍ଚା ଚରମ ସୀମାରେ ରହିଛି ।
