ନୂଆଦିଲ୍ଲୀ,୦୪/୦୩: ରୟାଲ ଟ୍ୟାଲେଞ୍ଜର୍ସ ବେଙ୍ଗାଲୁରୁ ବିପକ୍ଷ ମ୍ୟାଚରେ ଚେନ୍ନାଇ ୨ ରନ୍ରେ ପରାସ୍ତ ହୋଇଛି । ଏହି ପରାଜୟର ଦୋଷ ନିଜକୁ ନିଜେ ଦେଇଛନ୍ତି ଅଧିନାୟକ ମହେନ୍ଦ୍ର ସିଂହ ଧୋନୀ । ସେ ବ୍ୟାଟିଂ କରିବାକୁ ଆସିବା ପରେ କିଛି ବଡ ସଟ୍ ଖେଳି ଚାପ କମ୍ କରି ପାରିଥାନ୍ତେ ହେଲେ ଏମିତି କରିବାରେ ବିଫଳ ହୋଇଥିଲେ ବୋଲି ମ୍ୟାଚ ପରେ କହିଛନ୍ତି ଅଧିନାୟକ ଧୋନୀ ।
ବେଙ୍ଗାଲୁରୁ ବିପକ୍ଷରେ ୮ଟି ବଲରେ ୧ ଛକା ସହିତ ୧୨ ରନ କରିଥିଲେ । ଏହି ମ୍ୟାଚରେ ଆୟୁଷ ମାତ୍ରେ ଜବରଦସ୍ତ ଇନିଂସ ଖେଳିଥିଲେ । ଯାହାକୁ ପୁରସ୍କାର ସମାରୋହରେ ଧୋନୀ ପ୍ରଶଂସା କରିଥିଲେ । ସେହି ସମୟରେ ଧୋନୀ କହିଥିଲେ, ଲକ୍ଷ୍ୟ ହାସଲ କରି ନପାରିଥିବାରୁ ତାର ସବୁ ଦୋଷ ମୋ ଉପରେ ନେଉଛି । ଯେବେ ମୁଁ ବ୍ୟାଟିଂ କରିବାକୁ ଗଲି, ଯେତେକି ବଲରେ ଯେତିକି ରନ ଦରକାର ଥିଲା, ତେବେ ମୋତେ କିଛି ବଡ ସଟ ଖେଳି ଚାପ କମ୍ କରିବାର ଥିଲା । ମାତ୍ର ଏମିତି କିଛି କରିପାରିଲି ନାହିଁ । ସେଫର୍ଡ ଡେଥ ଓଭରରେ ଭଲ ଖେଳିଥିଲେ । ଆମେ ସବୁ ପ୍ରୟାସ କରୁଥିଲୁ ତାଙ୍କୁ ଅଟକାଇବାକୁ । ହେଲେ ସେ ସବୁ ବଲରେ ପ୍ରହାର କରିଥିଲେ ।''
ସେ ଆହୁରି କହିଛନ୍ତି, ''ଆମେ ଭଲ ବୋଲିଂ କରିଥିଲୁ । ୟର୍କରକୁ ସଠିକ ଲେନ୍ଥରେ ପକାଇବା ଅଭ୍ୟାସ କରିବାକୁ ହେବ । ଏଥିରେ ଆମକୁ ସୁଧାର ଆଣିବାକୁ ହେବ । ଯଦି ୟର୍କର ପକାଇ ପାରୁନାହୁଁ ତେବେ ପଥିରାଣାଙ୍କ ପରି ସଟ୍ ବଲକୁ ମଧ୍ୟ ବିଚାରକୁ ନିଆଯାଇପାରେ ।''
ଅଧିକ ପଢନ୍ତୁ...IPL-2025: ଲଗାତାର ଚତୁର୍ଥ ବିଜୟ ହାସଲ କଲା ବାଙ୍ଗାଲୋର; ୨ ରନର ମ୍ୟାଚ୍ ହାରିଲା ଚେନ୍ନାଇ
ଆଇପିଏଲ ସିଜିନ୍ ୧୮ରୁ ୫ ଥରର ଚାମ୍ପିଆନ୍ ଚେନ୍ନାଇ ବିଦା ହୋଇଛି । କେବେଳ ସମ୍ମାନ ପାଇଁ ବଳକା ମ୍ୟାଚ ଖେଳୁଛି ଦଳ । ଶନିବାର ବେଙ୍ଗାଲୁରୁ ବିପକ୍ଷରେ ମ୍ୟାଚ ଖେଳିଥିଲା ଚେନ୍ନାଇ । ପ୍ରଥମେ ବ୍ୟାଟିଂ କରି ୨୧୧ରନ କରିଥିଲା । ସେଫର୍ଡ ଓ ଜାଡେଜା ଅର୍ଦ୍ଧଶତକ କରିଥିଲେ । ହେଲେ ତାହା ବୃଥା ଯାଇଥିଲା । ୨ ରନରେ ବାଜି ମାରି ନେଇଥିଲା ଆରିସିବି । ଏହି ବିଜୟ ପଏଣ୍ଟ ଟେବୁଲ ଟପ୍ରେ ରହିଛି ରୟାଲ ଟ୍ୟାଲେଞ୍ଜର୍ସ ବେଙ୍ଗାଲୁରୁ ।
