କୋଲକାତା,୦୧/୦୬: ଲୋକସଭା ନିର୍ବାଚନର ସପ୍ତମ ପର୍ଯ୍ୟାୟରେ ପଶ୍ଚିମବଙ୍ଗର ଦକ୍ଷିଣ ୨୪ ପରଗଣାର କୁଲତଲିରେ ହଠାତ୍ ଜନତାଙ୍କ ହଙ୍ଗାମା ଦେଖିବାକୁ ମିଳିଛି। ଅସନ୍ତୁଷ୍ଟ ଜନତା ମତଦାନ ବୁଥରେ ଜବରଦସ୍ତ ପ୍ରବେଶ କରି ଏକ ଇଭିଏମ୍ ଉଠାଇ ନିକଟସ୍ଥ ପୋଖରୀରେ ଫିଙ୍ଗିଦେବାରୁ ଭୋଟ୍ ପ୍ରକ୍ରିୟା ପ୍ରଭାବିତ ହୋଇଥିଲେ। ତେବେ କିଛି ଭୋଟରଙ୍କୁ ମତଦାନ ବୁଥରେ ପ୍ରବେଶ କରିବାରେ ରୋକିବାରୁ ସେତେବେଳେ ଏହା ଘଟିଥିଲା। କାହିଁକି ପ୍ରବେଶ କରିବାକୁ ବାରଣ କରାଗଲା ବୋଲି ସ୍ଥାନୀୟ ଲୋକମାନେ କ୍ରୋଧିତ ହୋଇ ଜବରଦସ୍ତ ମତଦାନ କେନ୍ଦ୍ରରେ ପ୍ରବେଶ କରିଥିଲେ। ସେମାନେ ଜବରଦସ୍ତ ଭୋଟର ଭେରିଫାଏଡ୍ ପେପର ଅଡିଟ୍ ଟ୍ରେଲ୍ ସହିତ ଥିବା ଇଭିଏମ୍କୁ ଉଠାଇ ପୋଖରୀରେ ଫିଙ୍ଗି ଦେଇଥିଲେ। ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି।
ଏଥିସହିତ, ଯାଦବପୁର ଲୋକସଭା ନିର୍ବାଚନମଣ୍ଡଳୀର ଭାଙ୍ଗର ସତୁଲିଆ ଅଞ୍ଚଳରେ ଉତ୍ତେଜନା ବୃଦ୍ଧି ପାଇଥିବାର ଖବର ଆସିଥିଲା। ସୂଚନା ଅନୁଯାୟୀ, ଏହି ହିଂସାରେ ଅନେକ ଆଇଏସ୍ଏଫ୍ ଲୋକଙ୍କ ଉପରେ ଆକ୍ରମଣ ହେତୁ ହିଂସା ଆହୁରି ବଢ଼ିଥିଲା। କୁହାଯାଉଛି ଯେ ଏହି ଅଞ୍ଚଳରେ ଦେଶୀ ବୋମା ତିଆରି ହେତୁ ପରିସ୍ଥିତି ଆହୁରି ବିଗିଡି ଯାଇଛି।
ପଶ୍ଚିମବଙ୍ଗର ମୁଖ୍ୟ ନିର୍ବାଚନ ଅଧିକାରୀ ଏକ୍ସରେ ଏ ବିଷୟରେ ସୂଚନା ଦେଇଛନ୍ତି। ସେ କହିଛନ୍ତି ଯେ,' ଆଜି ସକାଳ ୬.୪୦ରେ ୧୯- ଜୟନଗର (ଏସସି)ପିସିର ୧୨୯- କୁଲତଲି ଏସିରେ ବେନିମାଧପୁର ଏଫ୍ପି ସ୍କୁଲ ପାଖରେ ନିର୍ବାଚନୀ କାର୍ଯ୍ୟରେ ଜଡ଼ିତ ଥିବା ଅଧିକାରୀଙ୍କ ଇଭିଏମ୍ ଏବଂ ଅନେକ କାଗଜପତ୍ର ଅସନ୍ତୁଷ୍ଟ ଲୋକ ଛଡ଼ାଇ ନେଇଛନ୍ତି। ତେବେ ଅଧିକାରୀଙ୍କ ଦ୍ୱାରା ଏଫ୍ଆଇଆର୍ ପଞ୍ଜିକୃତ ହୋଇଛି ଏବଂ କାର୍ଯ୍ୟାନୁଷ୍ଠାନ ଆରମ୍ଭ ହୋଇଛି। ଅବଶିଷ୍ଟ ସମସ୍ତ ୬ ଟି ବୁଥରେ ଭୋଟ୍ ବିନା କୌଣସି ଅସୁବିଧାରେ ଚାଲିଛି ଏବଂ ସେକ୍ଟର ଅଧିକାରୀଙ୍କୁ ନୂତନ ଡକ୍ୟୁମେଣ୍ଟ୍ ଏବଂ ଇଭିଏମ୍ ପ୍ରଦାନ କରାଯାଉଛି।