ନୟାଗଡ, ୩୦।୪ : ରତନପୁରରେ ବୃଦ୍ଧା ରଜନୀ ସାହୁଙ୍କୁ ଗାଁ ଦାଣ୍ଡରେ ହତ୍ଯା କରିବା ଘଟଣାର ବିଚାର କରି ନୟାଗଡ ଜିଲ୍ଲା ଓ ଦୌରାଜଜ ଅଭିଯୁକ୍ତ ସନ୍ତୋଷ ବେହେରାଙ୍କୁ ଆଜୀବନ କାରାଦଣ୍ଡାଦେଶ ଶୁଣାଇଛନ୍ତି।
୨୦୨୨ ମସିହା ସେପ୍ଟେମ୍ବର ୯ତାରିଖରେ ଟାଉନଥାନା ରତନପୁରରେ ଏକ ବିଭତ୍ସ ହତ୍ଯାକାଣ୍ଡ ହୋଇଥିଲା । ଜମିବାଡି ବିବାଦକୁ କେନ୍ଦ୍ରକରି ବୃଦ୍ଧା ରଜନୀ ସାହୁଙ୍କୁ ସେହି ଗାଁର ସନ୍ତୋଷ ବେହେରା ଗାଁ ଦାଣ୍ଡରେ ଗୋଡାଇ ଗୋଡାଇ କଟୁରୀରେ ହାଣି ଅତି ବିଭତ୍ସ ଭାବେ ହତ୍ଯା କରିଥିଲା । ରଜନୀ ପୋଖରୀରୁ ଗାଧୋଇସାରି ଘରକୁ ଫେରୁଥିବା ସମୟରେ ଏହି କାଣ୍ଡ କରିଥିଲା ସନ୍ତୋଷ । ୧୩ଜଣ ସାକ୍ଷୀ ଏବଂ ପ୍ରତ୍ୟକ୍ଷଦର୍ଶୀଙ୍କ ବୟାନକୁ ଭିତ୍ତି କରି ଜିଲ୍ଲା ଓ ଦୌରାଜଜ ଅଭିଯୁକ୍ତ ସନ୍ତୋଷଙ୍କୁ ଆଜୀବନ କାରାଦଣ୍ଡାଦେଶ ସହ ୧୦ହଜାରଟଙ୍କା ଜରିମାନା ନିର୍ଦ୍ଦେଶ ଦେଇଛନ୍ତି । ସରକାରଙ୍କ ତରଫରୁ ବିଷ୍ଣୁପ୍ରସନ୍ନ ମହାପାତ୍ର ଏହି ମାମଲା ପରିଚାଳନା କରିଥିଲେ ।