କଟକ, ୦୨/୦୬: ଜବର ଦଖଲ ଜମିରେ ମୋରମ ପକାଇବାକୁ ନେଇ ଗଣ୍ଡଗୋଳ। ଦୁଇ ଭାଇଙ୍କୁ ଗୋଡ଼ାଇ ଗୋଡ଼ାଇ ଘର ଆଗରେ ହାଣିଲେ ପଡ଼ୋଶୀ । ଗୁରୁତର ଅବସ୍ଥାରେ ଦୁଇ ଭାଇଙ୍କୁ କଟକ ଏସସିବିରେ ଭର୍ତ୍ତି କରାଯାଇଛି । ବାଙ୍କୀ ପୁଲିସ ଘଟଣାସ୍ଥଳରେ ତଦନ୍ତ ଜାରି ରଖିଛି । କଟକ ଜିଲ୍ଲା ବାଙ୍କୀ ଥାନା ଅନ୍ତର୍ଗତ ବାଆଁରା ପଞ୍ଚାୟତ ରାମଚଣ୍ଡୀ ଗାଆଁରେ ଅଭାବନୀୟ ଘଟଣା ଘଟିଛି।
ସୂଚନା ମୁତାବକ, ଜବର ଦଖଲ ଜମିରେ ମୋରମ ପକାଇବାକୁ ନେଇ ସନ୍ତୋଷ ସାହୁ ଓ ତାଙ୍କ ସାନ ଭାଇଙ୍କର ତାଙ୍କ ପଡ଼ୋଶୀଙ୍କ ସହ ଗଣ୍ଡଗୋଳ ହେଇଥିଲା । ପରେ ଏହା ଉଗ୍ର ରୂପ ନେଇଥିଲା । ଦୁଇ ଭାଇଙ୍କୁ ଗୋଡ଼ାଇ ଗୋଡ଼ାଇ ଘର ଆଗରେ ହାଣିଥିଲେ ପଡ଼ୋଶୀ । ପରେ ଗୁରୁତର ଅବସ୍ଥାରେ ଦୁଇଭାଇଙ୍କୁ ଏସସିବିରେ ଭର୍ତ୍ତି କରାଯାଇଛି। ଏନେଇ ଖବର ପାଇବା ପରେ ବାଙ୍କୀ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି।
