ନୂଆଦିଲ୍ଲୀ : ଯଦି ଆପଣ ସିଷ୍ଟେମେଟିକ୍‌ ଇନଭେଷ୍ଟମେଣ୍ଟ ପ୍ଲାନ୍‌ (ଏସଆଇପି)ରେ ନିବେଶ କରିବାକୁ ପ୍ଲାନ କରିଛନ୍ତି ତ, ଏହି ଖବର ଆପଣଙ୍କ ପାଇଁ ନିହାତି ଜରୁରୀ। କୋଟକ ମହିନ୍ଦ୍ରା ଆସେଟ୍‌ ମ୍ୟାନେଜମେଣ୍ଟ କମ୍ପାନୀ ଲିମିଟେଡ୍‌ (କେଏମଏଏମସି) ‘ଛୋଟ ଏସଆଇପି’ ଆରମ୍ଭ କରିବାକୁ ଘୋଷଣା କରିଛନ୍ତି। ଏହା କୋଟକ ମହିନ୍ଦ୍ରା ମ୍ୟୁଚୁଆଲ ଫଣ୍ଡର ସବୁ ଯୋଗ୍ୟ ସ୍କିମ୍‌ ପାଇଁ ଉପଲବ୍ଧ ହେବ। ଏହି ପଦକ୍ଷେପ ସହ କୋଟକ ମ୍ୟୁଚୁଆଲ ଫଣ୍ଡ ଭାରତୀୟ ନିବେଶକଙ୍କୁ ଏକ ସହଜ ଓ ସୁଲଭ ଇନଭେଷ୍ଟମେଣ୍ଟ ଅପସନ ପ୍ରଦାନ କରିବାର ଲକ୍ଷ୍ୟ ରଖିଛି। ସେବି ଓ ଏଏମଏଫଆଇ ଦ୍ୱାରା ନିକଟରେ ଆରମ୍ଭ କରାଯାଇ ଥିବା ଛୋଟ ସିପ୍‌ (ସ୍ମଲ୍‌ ଟିକେଟ୍‌ ଏସଆଇପି)ର ଆରମ୍ଭ ସହ ଏହି ପଦକ୍ଷେପ ଆହୁରି ପ୍ରମୁଖ ହୋଇ ଯାଏ।

କୋଟକ ମହିନ୍ଦ୍ରା ଆସେଟ୍‌ ମାନେଜମେଣ୍ଟ କମ୍ପାନୀ ଲିମିଟେଡ୍‌ର ମାନେଜିଂ ଡାଇରେକ୍ଟର ନିଲେଶ ଶାହ କହିଛନ୍ତି – ଭାରତର ମୋଟ ଜନସଂଖ୍ୟା ମଧ୍ୟରୁ କେବଳ ୫.୪ କୋଟି ୟୁନିକ୍‌ ଇନଭେଷ୍ଟର ହିଁ ମ୍ୟୁଚୁଆଲ ଫଣ୍ଡରେ ନିବେଶ କରିଥା’ନ୍ତି , ଯେଉଁଥିରୁ ଦେଶରେ ମ୍ୟୁଚୁଆଲ ଫଣ୍ଡର ବ୍ୟାପକ ବିସ୍ତାରର ବଡ଼ ସମ୍ଭାବନା ଅଛି।

୨୫୦ ଟଙ୍କା ନିବେଶ –

ଛୋଟ ସିପ୍‌ ଅନୁସାରେ, କେହି ବି ନୂଆ ନିବେଶକ କେବଳ ୨୫୦ ଟଙ୍କାର ସର୍ବନିମ୍ନ ରାଶିରୁ ନିବେଶ ଆରମ୍ଭ କରି ପାରିବେ। ଛୋଟ ଭାରତୀୟ ନିବେଶକଙ୍କ ପାଇଁ ଏହି ପଦକ୍ଷେପ ଏକ ବରଦାନ ସାବ୍ୟସ୍ତ ହୋଇପାରେ। ଏବେ ବିନା ବଡ଼ ରାଶିର ଆବଶ୍ୟକତାରେ ନିବେଶକ ସ୍ୱପ୍ନକୁ ସାକାର କରିବା ପାଇଁ ନିବେଶ କରିବା ଆରମ୍ଭ କରି ପାରନ୍ତି। କୋଟକ ମହିନ୍ଦ୍ରା ଆସେଟ୍‌ ମାନେଜମେଣ୍ଟ କମ୍ପାନୀ ଲିମିଟେଡ୍‌ କୌଣସି ବି ରିଟର୍ନ  / ଭବିଷ୍ୟର ରିଟର୍ନର ଗ୍ୟାରେଣ୍ଟ ବା ପ୍ରତିଶ୍ରୁତି ଦେଇ ନଥାଏ। 

ସର୍ବନିମ୍ନ ନିବେଶ ରାଶି : ୨୫୦ ଟଙ୍କା ପ୍ରତି ମାସ 

ଇଲିଜିବିଲିଟି : କେବଳ ପ୍ରଥମ ଥର ମ୍ୟୁଚୁଆଲ ଫଣ୍ଡ ନିବେଶକ 

ଇନଭେଷ୍ଟମେଣ୍ଟ ମୋଡ :  କେବଳ ଗ୍ରୋଥ୍‌ ଅପସନ 

କମିଟମେଣ୍ଟ : ସର୍ବନିମ୍ନ ୬୦ ମାସିକ କିସ୍ତି 

ପେମେଣ୍ଟ ଅପସନ : କେବଳ NACH ବା UPI  ଅଟୋ-ପେ 

ଫେବ୍ରୁଆରୀରେ ଏସବିଆଇର ଥିଲା ଆରମ୍ଭ –

ଏହା ପୂର୍ବରୁ ଏସବିଆଇ ମ୍ୟୁଚୁଆଲ ଫଣ୍ଡ ଫେବ୍ରୁଆରୀ ମାସରେ ୨୫୦ ଟଙ୍କା ମାସିକ ନିବେଶର ଏସଆଇପି ଆରମ୍ଭ କରିଥିଲା। ଏହି ନିବେଶ ଉତ୍ପାଦ ଏସବିଆଇ ୟୋନୋ ଆପ୍‌ର ବ୍ୟତୀତ ଫାଇନାନ୍ସିଆଲ ଟେକ୍ନୋଲଜି ପ୍ଲାଟଫର୍ମ ପେଟିଏମ୍‌, ଜେରୋଧା ଓ ଗ୍ରୋ ଆଦିରେ ଉପଲବ୍ଧ ହେବ। ଏହାକୁ ଗାଁ  , ଟାଉନ ଓ ସହର ଅଞ୍ଚଳର ସ୍ଲମ୍‌ ସେଭର ଓ ପ୍ରଥମ ଥର ନିବେଶକାରୀଙ୍କୁ ଆର୍ଥିକ ସମାବେଶର ପରିସରକୁ ଆଣିବା ପାଇଁ ନିବେଶ କରିବାରେ ସକ୍ଷମ କରିବା ପାଇଁ ପ୍ରସ୍ତୁତ କରାଯାଇଛି।