ନୂଆଦିଲ୍ଲୀ,୧୭।୬: ଥମୁନି ବିମାନ ଯାତ୍ରା ପ୍ରତି ବିପଦ। ଅହମ୍ମଦାବାଦରେ ଭୟଙ୍କର ବିମାନ ଦୁର୍ଘଟଣା ପରେ ଯାତ୍ରା  ପାଇଁ ବଢୁଛି ଭୟ।   ଦିଲ୍ଲୀରୁ କୋଚି ଯାଉଥିବା ଇଣ୍ଡିଗୋ ଏୟାରଲାଇନ୍ସର ବିମାନକୁ ମିଳିଛି ବୋମା ଧମକ। ଏହାପରେ ବିମାନକୁ ନାଗପୁରରେ କରାଯାଇଥିଲା ସୁରକ୍ଷିତ ଅବତରଣ। ପ୍ରୋଟୋକଲ୍ ଅନୁସାରେ ବିମାନର ସମ୍ପୂର୍ଣ୍ଣ ଭାବରେ ଯାଞ୍ଚ କରାଯାଇଥିଲା। ଗତ ୫ ଦିନ ମଧ୍ୟରେ ବିମାନକୁ ବୋମା ଧମକ ଦେବାର ଏହା ହେଉଛି ତୃତୀୟ ଆକ୍ରମଣ। ଏହା ପୂର୍ବରୁ ସୋମବାର ଲୁଫତାନ୍ସା ଏୟାରଲାଇନ୍ସର ବିମାନକୁ ମଧ୍ୟ ବୋମା ଧମକ ମିଳିଥିଲା। ଏହି ବିମାନ ଜର୍ମାନରୁ ହାଇଦ୍ରାବାଦ ଆସୁଥିଲା। ସେଭଳି ଶୁକ୍ରବାର ଫୁକେଟରୁ ଉଡାଣ ଭରିଥିବା ଏୟାର ଇଣ୍ଡିଆ ବିମାନକୁ ବମ୍ ଧମକ ମିଳିଥିଲା। ଏହାପରେ ବିମାନ ଫୁକେଟ୍ ଏୟାରପୋର୍ଟରେ ଲ୍ୟାଣ୍ଡ କରିଥିଲା।  

ସେପଟେ ପୁଣି ଏୟାରଇଣ୍ଡିଆ ବିମାନରେ ଯାନ୍ତ୍ରିକ ତ୍ରୁଟି ।ଇଞ୍ଜିନରେ ସମସ୍ୟା ଯୋଗୁଁ ଆମେରିକାର ସାନ୍ ଫ୍ରାନସିସ୍କୋରୁ ମୁମ୍ବାଇ ଅଭିମୁଖେ ଆସୁଥିବା ବିମାନର କୋଲକାତାରେ ଏମରଜେନ୍ସିଂ ଲ୍ୟାଣ୍ଡିଂ। ସେପେଟ ଆମେରିକାର ସାନ୍ ଫ୍ରାନ୍ସିସ୍କୋରୁ ମୁମ୍ବାଇ ଆସୁଥିବା ଏୟାର ଇଣ୍ଡିଆ ବିମାନରେ ଯାନ୍ତ୍ରିକ ତ୍ରୁଟି। ଏହି କାରଣରୁ ଯାତ୍ରୀଙ୍କୁ କୋଲକାତା ଏୟାରପୋର୍ଟରେ ଓହ୍ଲାଇବାକୁ ପଡିଛି। ଏହି ଘଟଣା ମଙ୍ଗଳବାର ଭୋର ସମୟରେ ଦେଖିବାକୁ ମିଳିଛି। ଯାତ୍ରୀଙ୍କୁ ସୁରକ୍ଷା ଦୃଷ୍ଟିରୁ ପାଇଲଟ ଏହି ନିଷ୍ପତ୍ତି ନେଇଛନ୍ତି । ତେବେ ଏହା ପୂର୍ବରୁ ଗତକାଲି   ଘଟିଥିଲା ସମାନ ଘଟଣା। ହଂକଂରୁ ଦିଲ୍ଲୀ ଅଭିମୁଖେ ଯାଉଥିବା ଏୟାର ଇଣ୍ଡିଆ ବିମାନ ମଝି ଆକାଶରେ ଯାନ୍ତ୍ରିକ ତ୍ରୁଟି ଯୋଗୁଁ ହଂକଂ ଫେରିଥିଲା ।