ନୂଆଦିଲ୍ଲୀ: ବଲିଉଡ ଅଭିନେତ୍ରୀ ତଥା ବିଜେପି ସାଂସଦ କଙ୍ଗନା ରାଣାୱତଙ୍କୁ ଚଣ୍ଡିଗଡ଼ ବିମାନ ବନ୍ଦରରେ ଜଣେ CISF ଗାର୍ଡ ଚାପୁଡ଼ା ମାରିଛନ୍ତି । ଅଭିନେତ୍ରୀ ଏହା ଉପରେ ଅଭିଯୋଗ ଆଣି କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି । ଚାପୁଡ଼ା ମାରିଥିବା ଗାର୍ଡଙ୍କ ନାମ କୁଲବିନ୍ଦର କୌର ବୋଲି କୁହାଯାଉଛି ।
କଙ୍ଗନା ରାଣାୱତଙ୍କ ରାଜନୈତିକ ପରାମର୍ଶଦାତାଙ୍କ ଅନୁଯାୟୀ, ଚଣ୍ଡୀଗଡ ବିମାନବନ୍ଦର ଭିତରେ ଜଣେ ସିଆଇଏସଏଫ ମହିଳା ଗାର୍ଡ କଙ୍ଗନା ରାନାୱତଙ୍କୁ ଚାପୁଡ଼ା ମାରିଛନ୍ତି । ସେ ଦାବି କରିଛନ୍ତି ଯେ ସିଆଇଏସ୍ଏଫ୍ ଗାର୍ଡଙ୍କୁ ହଟାଇ ଦିଆଯାଉ ଏବଂ ଯଥାଶୀଘ୍ର ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ । ଦାବି କରାଯାଇଛି ଯେ କୃଷକ ଆନ୍ଦୋଳନ ବିରୋଧରେ କହିଥିବାରୁ ସିଆଇଏସ୍ଏଫ୍ ଗାର୍ଡ କଙ୍ଗନା ରାନାୱତଙ୍କ ଉପରେ ରାଗିଥିଲେ ।
ସୂଚନାଥାଉକି, ମାଣ୍ଡିରୁ ଲୋକସଭା ନିର୍ବାଚନ ଜିତିବା ପରେ କଙ୍ଗନା ରାଣାଓ୍ବତ ଆଜି ଦିଲ୍ଲୀ ଯାଇଛନ୍ତି । ଏହି ସମୟରେ ଚଣ୍ଡିଗଡ଼ ବିମାନବନ୍ଦରରୁ ଚାପୁଡ଼ା ମାରିବା ଖବର ଆସିଛି । ସୋସିଆଲ ମିଡିଆରେ ତାଙ୍କ ଫଟୋ ସେୟାର କରୁଥିବାବେଳେ କଙ୍ଗନା କହିଥିଲେ ଯେ, ସେ ସଂସଦକୁ ଯାଉଛନ୍ତି । କଙ୍ଗନା ଇନଷ୍ଟାଗ୍ରାମରେ ମଧ୍ୟ ତାଙ୍କ ଫଟୋ ସେୟାର କରିଛନ୍ତି।
ବିଜେପି ଏହି ଅଭିନେତ୍ରୀଙ୍କୁ ନିଜ ଘର ହିମାଚଳର ମାଣ୍ଡି ଆସନରୁ ପ୍ରାର୍ଥୀ କରିଥିଲା । ଟିକେଟ ପାଇବା ମାତ୍ରେ କଙ୍ଗନା ଏଠାରେ ଜୋରଦାର ପ୍ରଚାର କରିଥିଲେ ଏବଂ ୭୪୭୫୫ ଭୋଟରେ ଜିତି ନିଜର ରାଜନୈତିକ ଇନିଂସରେ ଆରମ୍ଭ କରିଛନ୍ତି ।