ନୂଆଦିଲ୍ଲୀ,୩୦/୦୧: ଜାପାନର ରାଜଧାନୀ ଟୋକିଓ ନିକଟସ୍ଥ ସାଇତାମା ପ୍ରଦେଶରେ ଏକ ବଡ଼ ଦୁର୍ଘଟଣା ଘଟିଛି। ଏଠାରେ ରାସ୍ତା ମଝିରେ ଏକ ବିରାଟ ଖାଲ ସୃଷ୍ଟି ହେବା ଯୋଗୁ ଏକ ଟ୍ରକ ଦୁର୍ଘଟଣାଗସ୍ତ ହୋଇଥିଲା। ଡ୍ରାଇଭର ମଧ୍ୟ ଗାଡ଼ି ଭିତରେ ଫଶି ରହିଥିବା ସୂଚନା ରହିଛି। ଟ୍ରକ୍ ଡ୍ରାଇଭରଙ୍କୁ ଉଦ୍ଧାର କରିବା ପାଇଁ ଏକ ବଡ଼ ଅଭିଯାନ ଚାଲିଛି। କିନ୍ତୁ ଏପର୍ଯ୍ୟନ୍ତ କୌଣସି ସଫଳତା ମିଳିନାହିଁ। କିନ୍ତୁ ଏବେ ଲୋକଙ୍କୁ କମ୍ ପାଣି ବ୍ୟବହାର କରିବାକୁ ଅନୁରୋଧ କରାଯାଇଛି। ଅନ୍ୟପକ୍ଷରେ, ଅଗ୍ନିଶମ ବିଭାଗର ଜଣେ ଅଧିକାରୀ କହିଛନ୍ତି ଯେ ଭୂସ୍ଖଳନର ଆଶଙ୍କା ଥିବାରୁ ଘଟଣାସ୍ଥଳରେ ଭାରୀ ଯନ୍ତ୍ରପାତି ବ୍ୟବହାର କରାଯାଉ ନାହିଁ।
ଜାପାନୀ କର୍ତ୍ତୃପକ୍ଷ ପ୍ରାୟ ୧୨ ଲକ୍ଷ ଲୋକଙ୍କୁ ଏକ ବଡ଼ ଅପିଲ କରିଛନ୍ତି। ଅଧିକାରୀମାନେ ଜନସାଧାରଣଙ୍କୁ ଗାଧୋଇବା ଏବଂ ପୋଷାକ ଧୋଇବା ପାଇଁ କମ୍ ପାଣି ବ୍ୟବହାର କରିବାକୁ ଅନୁରୋଧ କରିଛନ୍ତି। ଏହା ଯୋଗୁଁ, ସ୍ୱେରେଜ୍ ଲିକେଜ୍ ରୋକାଯାଇପାରିବ। ପ୍ରକୃତରେ, ସ୍ୱେରେଜ୍ ଲିକେଜ୍ ଯୋଗୁଁ ଟ୍ରକ୍ ଡ୍ରାଇଭରଙ୍କୁ ବାହାରକୁ ବାହାରିବାରେ ଅସୁବିଧା ହେଉଛି। ସିଙ୍କ୍ହୋଲରେ ପାଣି ଲିକ୍ ହେବା ଜାରି ରହିଛି। "ଆମେ ଡ୍ରାଇଭରଙ୍କ ଜୀବନ ବଞ୍ଚାଇବା ପାଇଁ ପ୍ରଥମ ପ୍ରାଥମିକତା ଦେଉଛୁ ବୋଲି ସାଇତାମା ପ୍ରଦେଶର ଜଣେ ଅଧିକାରୀ ଗୁରୁବାର ଏଏଫପିଙ୍କୁ କହିଛନ୍ତି।
ବିବୃତ୍ତିରେ, ଜଣେ ଅଧିକାରୀ କହିଛନ୍ତି ଯେ, ଉଦ୍ଧାର କାର୍ଯ୍ୟରେ ଅସୁବିଧାର ସମ୍ମୁଖୀନ ହେବାକୁ ପଡ଼ୁଛି। ଏହି କାରଣରୁ, ସ୍ୱେରେଜ ବ୍ୟବସ୍ଥାକୁ ପୁନରୁଦ୍ଧାର କରିବାକୁ ସମୟ ଲାଗିପାରେ। ଏହି ଅଞ୍ଚଳରେ କିଛି ନର୍ଦ୍ଦମା ପାଣି ସଂଗ୍ରହ ବାହାର କରାଯାଉଛି। ଏହାକୁ ନିକଟସ୍ଥ ନଦୀରେ ଛଡାଯାଇଛି। ଜାପାନୀ କର୍ତ୍ତୃପକ୍ଷ ନିକଟବର୍ତ୍ତୀ ୨୦୦ ଘର ଖାଲି କରିବାକୁ ନିର୍ଦ୍ଦେଶ ଦେଇଛନ୍ତି। ପ୍ରକୃତରେ, ସିଙ୍କ୍ ହୋଲ୍ଟି ଆହୁରି ଚଉଡା ହେବାରେ ଲାଗିଛି। ୭୪ ବର୍ଷୀୟ ଟ୍ରକ୍ ଡ୍ରାଇଭରଙ୍କୁ ଶେଷ ଥର ପାଇଁ ମଙ୍ଗଳବାର ଦିନ ସିଙ୍କହୋଲ୍ ଭିତରେ ଦେଖିବାକୁ ମିଳିଥିଲା।
ରାସ୍ତା ମଝିରେ ଏକ ବଡ଼ ଖାଲ ସୃଷ୍ଟି ହୋଇଛି। ଏହା ଅନୁମାନ କରାଯାଉଛି ଯେ ସ୍ୱେରେଜ୍ ପାଇପ୍ ଭୂତଳରେ ଫାଟି ଯିବା କାରଣରୁ ଏହି ଖାଲ ସୃଷ୍ଟି ହୋଇଛି। ଏହି କାରଣରୁ, ବିପୁଳ ପରିମାଣରେ ପାଣି ଲିକେଜ୍ ହେଉଛି। ଏହି କାରଣରୁ ରାସ୍ତାର ହୋଇଥିବା ଖାଲଟି ଧିରେ ଧିରେ ଚଉଡ଼ା ହେବାରେ ଲାଗିଛି। ସିଙ୍କ୍ହୋଲଟି ନର୍ଦ୍ଦମା ପାଣିରେ ପୂର୍ଣ୍ଣ ହୋଇ ରହିଛି। ଏହା ପାଖରେ ଆଉ ଏକ ଖାଲ ସୃଷ୍ଟି ହୋଇଛି। ଅଧିକାରୀମାନେ କହିଛନ୍ତି ଯେ ନର୍ଦ୍ଦମା ପାଣି ଏବେ ବି ଲିକ୍ ହେଉଛି।
