ନୂଆଦିଲ୍ଲୀ,୩୦।୧: ବହୁ ବର୍ଷର ଚେଷ୍ଟା ପରେ ଭାରତ ଓ ଚୀନର ସମ୍ପର୍କ ଭଲ ହେବାକୁ ଯାଉଛି। ତେବେ ଏହା ଭିତରେ ଚୀନ୍ ପୁଣିଥରେ ନିଜର କାର୍ଯ୍ୟକଳାପକୁ ବଦଳାଇ ପାରୁନି। ଏବେ ପୁଣିଥରେ ସୀମା ନିକଟରେ ନୂଆ ଖେଳ ଆରମ୍ଭ କରିଛି। ପିପୁଲ୍ସ ଲିବରେସନ୍ ଆର୍ମୀ(ଚୀନ୍ ସେନା) ଉଚ୍ଚତା ଥିବା ଅଞ୍ଚଳ ସହ କଠିନ ପରିସ୍ଥିତିରେ ଦୂରରେ ଥିବା ଅଞ୍ଚଳରେ ସୀମା ପୋଷ୍ଟ ପର୍ଯ୍ୟନ୍ତ ବିଜୁଳି ସପ୍ଲାଇ ବଢି ଯାଇଛି। ପିଏଲଏ ଡେଲି ଚଳିତ ମାସ ଆରମ୍ଭରୁ କହିଛି ଝିଞ୍ଜିୟାଙ୍ଗ ଉଇଗର ସ୍ବାୟତ କ୍ଷେତ୍ରର ଜାଇଦୁଲ୍ଳା ଓ ତିଦ୍ଦତ ସ୍ବାୟତ କ୍ଷେତ୍ରର ଗ୍ନାରୀ ପ୍ରଦେଶରେ ସୀମା ପୋଷ୍ଟ-ଚୀନ୍-ଭାରତ ସୀମାରେ ରଣନୈତିକ କ୍ଷେତ୍ର ସମ୍ପୂର୍ଣ୍ଣ ଭାବରେ ରାଷ୍ଟ୍ରୀୟ ବିଜୁଳି ଗ୍ରୀଡ୍କୁ କଭର କରି ଦିଆଯାଇଛି। ବର୍ଡର ଆଉଟପୋଷ୍ଟରେ ବିଜୁଳି ସପ୍ଲାଇ ବଢାଇକି ଚୀନ୍ ନିଜର ଇନଫ୍ରାଷ୍ଟ୍ରକଚରକୁ ମଜବୁତ କରିବାରେ ଲାଗିଛି।
ରିପୋର୍ଟରେ କୁହାଯାଇଛି, ଅଧିକାଂଶ ସୀମା ପୋଷ୍ଟ ଦ୍ବାରା ଉପଯୋଗ କରାଯାଉଥିବା ବିଜୁଳି ଓ ନବୀକରଣ ଶକ୍ତି ସୈନିକଙ୍କୁ ଶୀତଦିନରେ ଗରମ ଓ ସୁରକ୍ଷିତ ରଖିବା ପାଇଁ ମଜବୁତ ସହାୟତା ପ୍ରଦାନ କରିଥା,। ଏହା ସେନାରେ ସବୁ ଉଚ୍ଚତାରେ ଥିବା ସୀମା ସୁରକ୍ଷା ପୋଷ୍ଟର ଶକ୍ତି ସୁରକ୍ଷାରେ ଏକ ସରଞ୍ଚନାତ୍ମକ ପରିବର୍ତ୍ତନକୁ ମଧ୍ୟ ଦେଖାଯାଉଛି।’ ଚୀନ୍ ରିପୋର୍ଟରେ ମଧ୍ୟ ଦାବି କରାଯାଇଛି ଯେ, ଏହି ପଦକ୍ଷେପ ଦ୍ବାରା ଉଚ୍ଚରେ ଥିବା ସୈନିକଙ୍କୁ ଦୀର୍ଘ ସମୟ ଧରି ଚାଲିଆସୁଥିବା ସମସ୍ୟାକୁ କମ୍ କରିଛି, ଯାହାଫଳରେ ପିଇବା ପାଣି, ହିଟିଂ, ସ୍ନାନ ଓ ଅକ୍ସିଜେନ୍ ପର୍ଯ୍ୟନ୍ତ ମିଳିପାରୁଛି। ଚୀନ୍ ବହୁତ ସମୟ ଧରି ସୀମା ସୈନିକଙ୍କୁ ସପ୍ଳାଇ କରାଯାଉଥିବା ବିଜୁଳିକୁ ଭଲ କରିବାର ଚେଷ୍ଟାରେ ଲାଗି ରହିଛି। ଏହା ତା’ର ରଣନୀତିର ଏକ ଗୁରୁତ୍ବପୂର୍ଣ୍ଣ ଅଂଶ। ଏହି କାରଣରୁ ସେନା ଓ ରାଷ୍ଟ୍ରୀୟ ଶକ୍ତି ପ୍ରଶାସନ ୨୦୧୬ର ଶେଷରେ ସେନା ପାଇଁ ବିଜୁଳି ଗ୍ରୀଡ୍ ତିଆରି କରିବା ଓ ତାଙ୍କୁ ରାଷ୍ଟ୍ରୀ ଶକ୍ତି ସେବା ନେଟଓ୍ବର୍କ ସହ ଯୋଡିବା ପାଇଁ ଏକ ଗୁରୁତ୍ବପୂର୍ଣ୍ଣ ପ୍ରୋଜେକ୍ଟ ଆରମ୍ଭ କରିଛି। ଗତ ବର୍ଷ ଜାନୁଆରୀ ପର୍ଯ୍ୟନ୍ତ ଚୀନ୍ ନ୍ୟାସନାଲ ଗ୍ରୀଡ୍ରୁ ୭୦୦ ସୀମା ଚୌକି ସହ ଯୋଡା ଯାଇପାରେ।
