ଜାମୁକୋଳି ମଞ୍ଜିର ପାଉଡର ପ୍ରକୃତିର ଏକ ଅମୂଲ୍ୟ ଉପହାର । ଯାହା ସ୍ୱାସ୍ଥ୍ୟ ପାଇଁ ବହୁତ ଲାଭଦାୟକ। ଆୟୁର୍ବେଦରେ ଏହାର ବିଶେଷ ଗୁରୁତ୍ୱ ରହିଛି। ଏହା ପାଚନ ପ୍ରକ୍ରିୟାକୁ ସୁଦୃଢ଼ କରିବା ଏବଂ ଶରୀରକୁ ବିଷମୁକ୍ତ କରିବାରେ ସାହାଯ୍ୟ କରେ। ଏହାର ଔଷଧୀୟ ଗୁଣ ଯୋଗୁଁ ଘରୋଇ ଉପଚାରରେ ମଧ୍ୟ ଲୋକପ୍ରିୟ । ପ୍ରସିଦ୍ଧ ଆୟୁର୍ବେଦିକ ଗ୍ରନ୍ଥ 'ଚରକ ସଂହିତା'ରେ ଜାମୁ କୋଳିର ସମ୍ପୂର୍ଣ୍ଣ ବ୍ୟବହାର ବିଷୟରେ ଉଲ୍ଲେଖ କରାଯାଇଛି। ଜାମୁ କୋଳିର ଛାଲି, ପତ୍ର, ଫଳ, ମଞ୍ଜି ଏବଂ ମୂଳ ଇତ୍ୟାଦି ଆୟୁର୍ବେଦିକ ଔଷଧ ତିଆରିରେ ବ୍ୟବହୃତ ହୋଇଥାଏ।
ପ୍ରି ଡାଇବେଟିଜ୍ କିମ୍ବା ମଧୁମେହ ରୋଗୀଙ୍କ ପାଇଁ ଲାଭଦାୟକ-
ଜାମୁକୋଳି ଖାଇବା ପରେ, ଏହାର ମଞ୍ଜିକୁ ଫୋପାଡ଼ି ଦେବା ପରିବର୍ତ୍ତେ, ସେଗୁଡ଼ିକୁ ଏକ ସଫା ପାତ୍ରରେ ସଂଗ୍ରହ କରି ଖରାରେ ଶୁଖାନ୍ତୁ । ଏହା ପରେ ଏହାର ପାଉଡର ତିଆରି କରନ୍ତୁ। ଏହାର ପାଉଡରର ଅନେକ ଲାଭ ଅଛି। ଯଦି ଆପଣ ପ୍ରି-ଡାଇବେଟିସ୍ କିମ୍ବା ଡାଇବେଟିସ୍ ରୋଗୀ, ତେବେ ଏହି ପାଉଡର ଆପଣଙ୍କ ପାଇଁ ବହୁତ ଲାଭଦାୟକ। ଏହି ପାଉଡର ବ୍ୟବହାର କରିବା ଦ୍ୱାରା ଶରୀରରେ ଇନସୁଲିନ୍ ସ୍ତର ବୃଦ୍ଧି ହୋଇଥାଏ । ଯଦି ମଧୁମେହ ରୋଗୀମାନେ ଜାମୁ କୋଳି ମଞ୍ଜି ପାଉଡର ସେବନ କରନ୍ତି, ତେବେ ସେମାନଙ୍କ ରକ୍ତରେ ଶର୍କରା ସ୍ତର ନିୟନ୍ତ୍ରଣ ହୋଇ ରହିବ। ମଧୁମେହ ପୂର୍ବରୁ ଏହି ପାଉଡର ଖାଇବା ଦ୍ୱାରା ମଧୁମେହ ରୋଗକୁ ରୋକାଯାଇପାରିବ ।
ରକ୍ତଚାପକୁ ନିୟନ୍ତ୍ରଣରେ ରଖିବାରେ ସାହାଯ୍ୟ କରେ-
ଜାମୁ କୋଳିର ମଞ୍ଜିରେ ଥିବା ଗୁଣ ରକ୍ତଚାପକୁ ନିୟନ୍ତ୍ରଣ କରିବାରେ ସାହାଯ୍ୟ କରିଥାଏ । ଏହା ବ୍ୟତୀତ ଶରୀରକୁ ବିଷମୁକ୍ତ କରିବାରେ ସାହାଯ୍ୟ କରେ। ପ୍ରତିଦିନ ଜାମୁକୋଳି ମଞ୍ଜିର ପାଉଡର ବ୍ୟବହାର କରି ଶରୀରକୁ ବିଷମୁକ୍ତ କରାଯାଇପାରିବ। ଏହାକୁ ସେବନ କରିବା ଦ୍ୱାରା ଶରୀରରେ ଜମା ହୋଇଥିବା ଅପରିଷ୍କାର ପଦାର୍ଥ ବାହାରି ହୋଇଯାଏ, ଅର୍ଥାତ୍ ଶରୀର ବିଷମୁକ୍ତ ହୋଇଯାଏ।
ଜାମୁ କୋଳିର ମଞ୍ଜିରେ ଆଣ୍ଟିଅକ୍ସିଡେଣ୍ଟ ଗୁଣ ମିଳିଥାଏ । ଯାହା ଶରୀରକୁ ମୁକ୍ତ ରାଡିକାଲ୍ସରୁ ରକ୍ଷା କରିବାରେ ପ୍ରଭାବଶାଳୀ। ଏହାର ପାଉଡର ସେବନ କରିବା ଦ୍ଵାରା ଯକୃତ କୋଷଗୁଡିକ ସୁରକ୍ଷା ପାଇଥାଏ। ଏହା ବ୍ୟତୀତ ଏହା ହୃତ୍ପିଣ୍ଡ ସ୍ୱାସ୍ଥ୍ୟ ପାଇଁ ମଧ୍ୟ ବହୁତ ଭଲ। ଏହି ପାଉଡର ସେବନ ମେଦବହୁଳତାକୁ ହ୍ରାସ କରିବାରେ ମଧ୍ୟ ସହାଯ୍ୟ କରିଥାଏ।
ଆୟୁର୍ବେଦିକ ଡାକ୍ତରଙ୍କ ସହିତ ପରାମର୍ଶ କରିବା ଗୁରୁତ୍ୱପୂର୍ଣ୍ଣ-
ଜାମୁକୋଳି ମଞ୍ଜିର ପାଉଡର ଖାଇବା ପୂର୍ବରୁ ଆୟୁର୍ବେଦିକ ଡାକ୍ତରଙ୍କ ସହିତ ପରାମର୍ଶ କରିବା ଗୁରୁତ୍ୱପୂର୍ଣ୍ଣ। କାରଣ ବେଳେବେଳେ ଏହାର ସେବନ ପେଟ ଯନ୍ତ୍ରଣା, ଏସିଡିଟି ଏବଂ ଜଳାପୋଡ଼ା ହେବା ଭଳି ସମସ୍ୟା ସୃଷ୍ଟି କରିପାରେ । ତେଣୁ ଡାକ୍ତରଙ୍କ ସହିତ ପରାମର୍ଶ କରିବା ଆବଶ୍ୟକ।
