ନୂଆଦିଲ୍ଲୀ, ୧୨/୧୦ : ବିଶ୍ବର ସବୁଠାରୁ ଧୂଆଁଧାର ବୋଲର ଜେମ୍ସ ଏଣ୍ଡରସନ ସେହି ବ୍ୟାଟରଙ୍କ ବିଷୟରେ କଥା ହୋଇଛନ୍ତି ଯାହାଙ୍କୁ ସେ ବିଶ୍ବ କ୍ରିକେଟର ସବୁଠାରୁ ଖତରନାକ୍ ଓପନର ବ୍ୟାଟର ମାନିଥାନ୍ତି । ଏକ ସାକ୍ଷାତକାରରେ ଏଣ୍ଡରସନ ସେହି ବ୍ୟାଟରଙ୍କ ନାଁର ଖୁଲାସା କରିଛନ୍ତି । ପ୍ରକାଶ ଯେ, ସାକ୍ଷାତକାର ସମୟରେ ତାଙ୍କୁ ପଚରାଯାଇଥିଲା କି ଆପଣଙ୍କ ନଜରରେ ରୋହିତ ଶର୍ମା ଏବଂ ବିରେନ୍ଦ୍ର ସେହଓ୍ବାଗଙ୍କ ମଧ୍ୟରେ କିଏ ବେଷ୍ଟ ଅଟନ୍ତି । ଏହା ଉପରେ ପୂର୍ବତନ ଇଂଲଣ୍ଡ ବୋଲର ରିଆକ୍ଟ କରିଛନ୍ତି ଏବଂ ସେ ବିନା କୌଣସି ନ ଭାବି ବିରେନ୍ଦ୍ର ସେହଓ୍ବାଗଙ୍କୁ ବାଛିଛନ୍ତି ।
ସେ କହିଛନ୍ତି କି, ସେହଓ୍ବାଗ ଏଥିଲାଗି ଖତରନାକ ଅଟନ୍ତି କି ସେ ଗୋଟିଏ ସମୟରେ ମ୍ୟାଚକୁ ବଦଳାଇପାରନ୍ତି । ସେ ଜଣେ ମ୍ୟାଚ୍ ଓ୍ବିନର ଥିଲେ । ସେହଓ୍ବାଗ ପ୍ରଥମ ବଲରେ ଆପଣଙ୍କ ବିପକ୍ଷରେ ଆକ୍ରମଣ କରିଥାନ୍ତି ଏବଂ ଆପଣଙ୍କ ବିପକ୍ଷରେ ଛକ୍କା ଲଗାତର ମାରିବାର କ୍ଷମତା ରଖିଥାନ୍ତିୁ। ତାଙ୍କ ସାମ୍ନାରେ ବୋଲିଂ କରିବା ମୋ ପାଇଁ ବହୁତ କଷ୍ଟ ରହୁଥିଲା । ସେ ଜଣେ ବହୁ ବିସ୍ଫୋଟକ ବ୍ୟାଟର ଅଟନ୍ତି ।
ପ୍ରକାଶ ଯେ, ସେହଓ୍ବାଗ ବିଶ୍ବ କ୍ରିକେଟର ସବୁଠାରୁ ଦବଙ୍ଗ କ୍ରିକେଟର ଭାବେ ଜଣାଶୁଣା ଅଟନ୍ତି । ସେହଓ୍ବାଗ ନିଜ ଟେଷ୍ଟ କ୍ୟାରିୟରରେ ୧୦୪ମ୍ୟାଚ୍ ଖେଳିଛନ୍ତି ଏବଂ ୮୫୮୬ରନ କରିବାରେ ସଫଳତା ହାସଲ କରିଛନ୍ତି । ସେହଓ୍ବାଗଙ୍କ ନାଁରେ ୨୩ଶତକ ଏବଂ ୩୨ଅର୍ଦ୍ଧଶତକ ରହିଛି। ବିରେନ୍ଦ୍ର ସେହଓ୍ବାଗ ଟେଷ୍ଟରେ ୮୨.୨୩ର ଷ୍ଟ୍ରାଇକ ରେଟ୍ ସହ ରନ୍ କରି ବିଶ୍ବକୁ ଆଶ୍ଚର୍ଯ୍ୟ କରିଦେଇଥିଲେ ।
