ଫୁଲବାଣୀ,୯/୮ ; ସମସ୍ତଙ୍କ ଭଳି ରାଖୀ ପୂର୍ଣ୍ଣିମା ପାଳିଛନ୍ତି ଯୋଡାମୁଣ୍ଡ ଶିଶୁ ଜଗା ଓ ଭଉଣୀ ସୁଭଦ୍ରା। ଜିଲ୍ଲା ମୂଖ୍ୟ ଚିକିତ୍ସାଳୟର ମାତୃ ଓ ଶିଶୁ ସ୍ୱାସ୍ଥ୍ୟ କେନ୍ଦ୍ରରେ ଜଗା ହାତରେ ରାକ୍ଷୀ ବାନ୍ଧିଛି ଭଉଣୀ ସୁଭଦ୍ରା ।  ରାକ୍ଷୀ ପିନ୍ଧେଇ ମିଠା ଖୁଆଇ ଥିଲା। ଭଉଣୀ ସୁଭଦ୍ରାକୁ ପୋଷାକ ଉପହାର ଦେଇଥିଲା ଜଗା। ପାଖରେ ଉପସ୍ଥିତ ଥିଲେ ବାପା ମା ଏବଂ ଡାକ୍ତରଖାନା କର୍ମଚାରୀ।

 ସୂଚନାଯୋଗ୍ୟ, ଜଗା ମୁଣ୍ଡର  ଶେଷ ଅସ୍ତ୍ରୋପଚାର ଦିଲ୍ଲୀ  ଏମ୍ସରେ ହେବା ବାକି ରହିଛି l ଏବେ ତାର ସ୍ୱାସ୍ଥ୍ୟ ଠିକ ରହିଥିବା ବେଳେ ପାଠ ପଡ଼ିବାକୁ ମନ ବଳାଉଛି ଜଗା। ଏଥିପାଇଁ ବ୍ୟବସ୍ଥା କରିବାକୁ ଗୁହାରୀ କରିଛନ୍ତି ଜଗାର ମା’ ପୁଷ୍ପାଞ୍ଜଳି।