ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି (୧୭ ସେପ୍ଟେମ୍ବର) ରେ ତାଙ୍କର ୭୪ ତମ ଜନ୍ମଦିନ ପାଳନ କରିଛନ୍ତି । ଏହି ଅବସରରେ ପ୍ରଧାନମନ୍ତ୍ରୀ ମୋଦୀଙ୍କୁ ଦେଶ ବିଦେଶରୁ ଜନ୍ମଦିନର ଶୁଭେଚ୍ଛା ମିଳୁଛି। ଏହି ସମୟରେ ଇଟାଲୀର ପ୍ରଧାନମନ୍ତ୍ରୀ ଜର୍ଜିଆ ମେଲୋନି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ୭୪ ତମ ଜନ୍ମଦିନ ପାଇଁ ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ଶୁଭେଚ୍ଛା ଜଣାଇଛନ୍ତି । 

ଜର୍ଜିଆ ମେଲୋନି ଏହି ପୋଷ୍ଟରେ କହିଛନ୍ତି ଯେ,"ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଜନ୍ମଦିନର ଶୁଭକାମନା । ମୁଁ ନିଶ୍ଚିତ ଯେ ଇଟାଲୀ ଏବଂ ଭାରତ ମଧ୍ୟରେ ଆମର ବନ୍ଧୁତା ଏବଂ ସହଯୋଗକୁ ଆଗକୁ ବଢାଇବା ଜାରି ରଖିବୁ । ଯାହାକି ବିଶ୍ବର ଆହ୍ବାନକୁ ମୁକାବିଲା କରିବ । ସୂଚନାଥାଉକି,ଯେ ପ୍ରଧାନମନ୍ତ୍ରୀ ମୋଦୀ ୧୭ ସେପ୍ଟେମ୍ବର ୧୯୫୦ ରେ ଗୁଜୁରାଟର ବଡନଗରରେ ଜନ୍ମଗ୍ରହଣ କରିଥିଲେ । କ୍ରମାଗତ ତୃତୀୟ ଥର ପାଇଁ ଭାରତର ପ୍ରଧାନମନ୍ତ୍ରୀ ଭାବରେ ନିର୍ବାଚିତ ହୋଇଥିବା ନରେନ୍ଦ୍ର ମୋଦୀ ହେଉଛନ୍ତି ଦ୍ୱିତୀୟ ପ୍ରଧାନମନ୍ତ୍ରୀ।

ଅନ୍ୟପକ୍ଷରେ ଯଦି ଆମେ ଜର୍ଜିଆ ମେଲୋନିଙ୍କ କଥା କହିବା ତେବେ, ରାଜନୀତିରେ ପ୍ରବେଶ କରିବା ପୂର୍ବରୁ ଜର୍ଜିଆ ମେଲୋନି ଜଣେ ସାମ୍ବାଦିକ ଥିଲେ । ସେ ୪୫ ବର୍ଷ ବୟସରେ ଇଟାଲୀର ପ୍ରଧାନମନ୍ତ୍ରୀ ହୋଇଥିଲେ । ଜର୍ଜିଆ ମେଲୋନି ୧୫ ଜାନୁୟାରୀ ୧୯୭୭ ରେ ରୋମରେ ଜନ୍ମଗ୍ରହଣ କରିଥିଲେ । ତାଙ୍କର ଏକ ଝିଅ ମଧ୍ୟ ଅଛି, ଜର୍ଜିଆ ମେଲୋନିଙ୍କ ପିତା ଜଣେ ଆକାଉଣ୍ଟାଣ୍ଟ ଥିଲେ । ଜର୍ଜିଆ ୨୦୦୮ମସିହାରେ ୩୧ ବର୍ଷ ବୟସରେ ଇଟାଲୀର ସର୍ବ କନିଷ୍ଠ ମନ୍ତ୍ରୀ ହୋଇଥିଲେ।