ନୂଆଦିଲ୍ଲୀ: ଇଣ୍ଡୋନେସିଆର ଜାଭା ଦ୍ୱୀପରେ ଅବସ୍ଥିତ ପାହାଡି ଗାଁରେ ହଠାତ୍ ବନ୍ୟା ଓ ଭୂସ୍ଖଳନ ପାଇଁ ବିନାଶ ଘଟିଛି। ଭୂସ୍ଖଳନ ଯୋଗୁଁ ଏଠାରେ ୧୦ ଜଣଙ୍କର ମୃତ୍ୟୁ ହୋଇଥିବାବେଳେ ଦୁଇ ଜଣ ନିଖୋଜ ଥିବା ଜଣାପଡିଛି । ଅଧିକାରୀ ମାନେ ସୋମବାର ଏ ସମ୍ପର୍କରେ ସୂଚନା ଦେଇଛନ୍ତି। ସୁକାବୁମିରେ ଥିବା ଉଦ୍ଧାରକାରୀ କମାଣ୍ଡ ପୋଷ୍ଟର ମୁଖ୍ୟ ଲେଫ୍ଟନାଣ୍ଟ କର୍ଣ୍ଣେଲ ୟୁଡି ହରିୟାନ୍ତୋ କହିଛନ୍ତି ଯେ, ଗତ ସପ୍ତାହରୁ ପ୍ରବଳ ବର୍ଷା ଯୋଗୁଁ ନଦୀ ଗୁଡ଼ିକ ଫୁଲିବାରେ ଲାଗିଛି । ଏଥିପାଇଁ ୧୭୦ରୁ ଅଧିକ ଗାଁରେ ଏବେ ବନ୍ୟା ଘେରରେ ରହିଛି ।
ହରିୟାଣ୍ଟୋ କହିଛନ୍ତି ଯେ ଭୂସ୍ଖଳନ, ବନ୍ୟା ଏବଂ ପ୍ରବଳ ପବନ ୧୭୨ ଟି ଗାଁକୁ ଧ୍ୱଂସ କରିଦେଇଛି । ଏଥିପାଇଁ ୩ ହଜାରରୁ ଅଧିକ ଲୋକ ଅସ୍ଥାୟୀ ସରକାରୀ ଆଶ୍ରୟସ୍ଥଳୀରେ ଆଶ୍ରୟ ନେଇଛନ୍ତି । ଅତ୍ୟଧିକ ବିପଦପୂର୍ଣ୍ଣ ଯୋଗୁଁ ୪ଶହରୁ ଅଧିକ ଘର ବିପଦରେ ଥିବାରୁ ପ୍ରାୟ ଏକ ହଜାର ଲୋକଙ୍କୁ ସ୍ଥାନାନ୍ତର କରିବାକୁ ଅଧିକାରୀ ମାନେ ଚେତାବନୀ ଦେଇଛନ୍ତି। ଏହି ବିପର୍ଯ୍ୟୟ ୫୩୯ ହେକ୍ଟର ଚାଷଜମି, ୩୧ ଟି ସେତୁ, ୮୧ ଟି ରାସ୍ତା ନଷ୍ଟ କରିଥିବା ବେଳେ ୧୧୭୦ ଘର ଛାତ ପର୍ଯ୍ୟନ୍ତ ବୁଡ଼ି ଯାଇଛି ।
ଉଦ୍ଧାରକାରୀ କମାଣ୍ଡ ପୋଷ୍ଟର ମୁଖ୍ୟ ଲେଫ୍ଟ ହରିୟାଣ୍ଟୋ କହିଛନ୍ତି ଯେ ସୋମବାର ଦିନ ସବୁଠାରୁ ଅଧିକ ପ୍ରଭାବିତ ଗ୍ରାମରୁ ଉଦ୍ଧାର କର୍ମଚାରୀ ମାନେ ୧୦ ଟି ମୃତଦେହ ଉଦ୍ଧାର କରିଛନ୍ତି । ମୃତକଙ୍କ ମଧ୍ୟରେ ତିନି ଜଣ ଶିଶୁ ମଧ୍ୟ ଥିଲେ । ସେ କହିଛନ୍ତି ଯେ ଉଦ୍ଧାର କର୍ମଚାରୀ ମାନେ ନିଖୋଜ ଥିବା ଆଉ ଦୁଇଜଣ ଗ୍ରାମବାସୀଙ୍କୁ ଖୋଜୁଛନ୍ତି ।
