ନୂଆଦିଲ୍ଲୀ,୨୬/୦୩: ଖୁସି ଖବର । ଏବେ ଶସ୍ତା ହେବ ଚିକିତ୍ସା । ପ୍ରଥମ ସ୍ୱଦେଶୀ ଏମଆରଆଇ ମେସିନ୍ ବିକଶିତ କରିଛି ଭାରତ । ଆସନ୍ତା ଅକ୍ଟୋବର ୩୧ ତାରିଖରେ ଦିଲ୍ଲୀ ଏମ୍ସରେ ଏହାକୁ ଇନଷ୍ଟଲ କରାଯିବ । ଏହାର ମୁଖ୍ୟ ଉଦ୍ଦେଶ୍ୟ ହେଉଛି ଏମଆରଆଇ ସ୍କାନିଂ ଖର୍ଚ୍ଚ ହ୍ରାସ କରିବା ସହ ବାହାରୁ ମେସିନ୍ ଆଣିବା ଉପରେ କମ୍ ନିର୍ଭର କରିବା ।
ଅକ୍ଟୋବର ୩୧ ସୁଦ୍ଧା ଇନଷ୍ଟଲ- ଦିଲ୍ଲୀ ଏମ୍ସର ନିର୍ଦ୍ଦେଶକ ଡା. ଏମ୍ ଶ୍ରୀନିବାସ କହିଛନ୍ତି, ଭାରତ ଏବଂ ପୋଷ୍ଟ ଅପରେଟିଭ ତଦାରଖ , ଆଇସିୟୁ, ଏମଆରଆଇରେ ଅଧିକାଂଶ ଉପକରଣ ବାହାରୁ ଆମଦାନୀ ହେଉଛି । ଏହାକୁ ହ୍ରାସ କରିବାକୁ ଆତ୍ମନିର୍ଭର ଭାରତ ହେବାକୁ ଗୋଟିଏ ପାଦ ଆଗକୁ ପଦକ୍ଷେପ ନିଆଯାଇଛି । ଇଲେକ୍ଟ୍ରୋନିକ୍ସ ଏବଂ ଇନଫ୍ରମେସନ ଟେକ୍ନୋଲୋଜି ମନ୍ତ୍ରଣାଳୟ ଜରିଆରେ ସୋସାଇଟି ଫର ଏଲ୍ପାଇଡ ମାଇକ୍ରୋୱେବ ଇଲେକ୍ଟ୍ରୋନିକ ଇଞ୍ଜିନିୟରିଂ ଆଣ୍ଡ ରିସର୍ଜ (SAMEER) ସହ ବୁଝାମଣା ହୋଇଛି । ଭାରତ ଦ୍ବାରା ବିକଶିତ ପ୍ରଥମ ସ୍ୱଦେଶୀ ଏମଆରଆଇ ମେସିନକୁ ଅକ୍ଟୋବର ୩୧ ସୁଦ୍ଧା ଦିଲ୍ଲୀ ଏମ୍ସରେ ଲଗାଯିବ । ଏହାର ମୁଖ୍ୟ ଉଦ୍ଦେଶ୍ୟ ହେଉଛି ଆମଦାନୀ ନିର୍ଭରଶୀଳତା ଓ ଚିକିତ୍ସା ଖର୍ଚ୍ଚ ହ୍ରାସ କରିବା । ଚିକିତ୍ସା କ୍ଷେତ୍ରରେ ଅଧିକ ଆତ୍ମନିର୍ଭରଶୀଳ ହେବ ଭାରତ ।
ଏମ୍ସର ଜଣେ ବରିଷ୍ଠ ଅଧିକାରୀ କହିଛନ୍ତି, ୧.୫ ଟେସଲା ଏମଆରଆଇ ମେସିନ୍ ଆସନ୍ତା ୭ ମାସ ମଧ୍ୟରେ କିମ୍ବା ଚଳିତ ବର୍ଷ ଅକ୍ଟୋବର ସୁଦ୍ଧା ଏହାକୁ ଇନଷ୍ଟଲ କରାଯିବ । ବର୍ତ୍ତମାନ ଦେଶରେ ପାଖାପାଖି ୮୦ରୁ ୮୫ ପ୍ରତିଶତ ଚିକିତ୍ସା ଉପକରଣ ଆବଶ୍ୟକତା ପୂରଣ ହୋଇଛି । ଆର୍ଥିକ ବର୍ଷ ୨୦୨୩-୨୪ରେ ଦେଶରେ ଚିକିତ୍ସା ଉପକରଣ ବିଲ୍ ୬୮,୮୮୬ କୋଟି ଯାଏଁ ପହଞ୍ତିଥିଲା । ଯାହା ଆର୍ଥିକ ବର୍ଷ ୨୦୨୩ରେ ୧୩ ପ୍ରତିଶତ ଅଧିକ ।
