ନୂଆଦିଲ୍ଲୀ,୨୪/୧୧: ପର୍ଥ ଟେଷ୍ଟର ତୃତୀୟ ଦିନର ଖେଳ ଶେଷ ହୋଇଛି। ଏହି ମୁକାବିଲାରେ ଟିମ୍ ଇଣ୍ଡିଆ ବହୁତ ଆଗରେ ରହିଛି। ସେପଟେ ଆୟୋଜକ ଅଷ୍ଟ୍ରେଲିଆର ଅବସ୍ଥା ବେହାଲ ହେବା ପରି ଦେଖାଯାଉଥିଲା। ତୃତୀୟ ଦିନରେ କୋହଲିଙ୍କ ଧ୍ବସ୍ତବିଧ୍ବସ୍ତ ଶତକର ମଜା ଦେଖିବାକୁ ମିଳିଥିଲା। ସେହିପରି ଜସପ୍ରୀତ ବୁମ୍ରା ଏବଂ ମହମ୍ମଦ ସିରାଜ ବୋଲିଂରେ ହଇଚଇ ସୃଷ୍ଟି କରି ଅଷ୍ଟ୍ରେଲିଆର ୪.୨ ଓଭରରେ ୩ ୱିକେଟ୍ ନେଇଥିଲା। ବର୍ତ୍ତମାନ ଟିମ୍ ଇଣ୍ଡିଆ ବିଜୟଠାରୁ ମାତ୍ର ୭ ୱିକେଟ୍ ଦୂରରେ ଅଛି।
ଏମିତି ଥିଲା ସାରା ଦିନର ମ୍ୟାଚ୍:
ତୃତୀୟ ଦିନ ଟିମ୍ ଇଣ୍ଡିଆ ବ୍ୟାଟିଂରୁ ଏହାର ଅଭିଯାନ ଆରମ୍ଭ କରିଥିଲା। ଭାରତୀୟ ଦଳ ୧୭୨/୦ ରନ୍ ସହିତ ତୃତୀୟ ଦିନର ଖେଳ ଆରମ୍ଭ କରିଥିଲା। ଦଳ ପକ୍ଷରୁ ଯଶସ୍ୱୀ ଜୟସୱାଲ ଏବଂ କେ.ଏଲ୍ ରାହୁଲ କ୍ରିଜରେ ଥିଲେ। ଜୈସୱାଲ ଚମତ୍କାର ପ୍ରଦର୍ଶନ ସ୍ବରୁପ ୧୫ ଚୌକା ଓ ୩ ଛକା ସହାୟତାରେ ୧୬୧ ରନ୍ର ଏକ ଦର୍ଶନୀୟ ଇନିଂସ ଖେଳିଥିଲେ। ଏଥି ସହିତ ରାହୁଲଙ୍କ ବହୁତ ସମର୍ଥନ ରହିଥିଲା। ରାହୁଲ ୫ ଚୌକା ସହାୟତାରେ ୭୭ ରନ୍ ସଂଗ୍ରହ କରିଥିଲେ। ଉଭୟ ୱିକେଟ୍ ପାଇଁ ୨୦୧ ରନ୍ ଭାଗିଦାରୀ କରିଥିଲେ।
ଜୟସ୍ୱାଲ ଏବଂ ରାହୁଲଙ୍କ ୱିକେଟ୍ ପରେ ଟିମ୍ ଇଣ୍ଡିଆ କ୍ରମାଗତ ଭାବେ କିଛି ୱିକେଟ୍ ହରାଇଥିଲା। ତା’ପରେ ବିରାଟ କୋହଲି ମଇଦାନକୁ ଓହ୍ଲାଇ ଏକ ଚମତ୍କାର ଶତକ ହାସଲ କରିଥିଲେ। କୋହଲି ୮ଟି ଚୌକା ଏବଂ ୨ଟି ଛକା ସହାୟତାରେ ୧୦୦ ରନ୍ ସ୍କୋର କରିଥିଲେ। ଏହାରି ଭିତରେ ନୀତୀଶ କୁମାର ରେଡ୍ଡୀ ଶେଷରେ କୋହଲିଙ୍କୁ ବହୁତ ସମର୍ଥନ କରିଥିଲେ। ରେଡ୍ଡୀ ୨୭ ବଲରେ ୩ ଚୌକା ଓ ୨ ଛକା ସହାୟତାରେ ୩୮ ରନ ସ୍କୋର କରିଥିଲେ। କୋହଲିଙ୍କ ଶତକ ପୂରଣ କରିବା ପରେ ଟିମ୍ ଇଣ୍ଡିଆ ୪୮୭/୬ ରନ୍ରେ ଇନିଂସ ଘୋଷଣା କରିଥିଲା। ଇନିଂସ ଘୋଷଣା ସହିତ ଟିମ୍ ଇଣ୍ଡିଆ ଅଷ୍ଟ୍ରେଲିଆ ଆଗରେ ୫୩୪ ରନ୍ର ଲକ୍ଷ ରଖିଥିଲା।
ଦ୍ବିତୀୟ ଇନିଂସରେ ଅଷ୍ଟ୍ରେଲିଆ ସ୍କୋର:
ଟାର୍ଗେଟକୁ ପିଛା କରି ଅଷ୍ଟ୍ରେଲିଆ ତୃତୀୟ ଦିନ ଖେଳ ଶେଷ ସୁଦ୍ଧା ୩ ୱିକେଟ୍ ହରାଇଥିଲା। ଦିନ ଶେଷ ସୁଦ୍ଧା ଅଷ୍ଟ୍ରେଲିଆର ସ୍କୋର ୪.୨ ଓଭରରେ ୧୨/୩ ରନ୍ ରହିଥିଲା। ଏଥିରେ ଜସପ୍ରୀତ ବୁମ୍ରା ୨ଟି ଏବଂ ମହମ୍ମଦ ସିରାଜ ଗୋଟିଏ ୱିକେଟ୍ ନେଇଥିଲେ।
