ନୀଳଗିରି,୨୫/୭(ଆ.ପ୍ର): ବାଲେଶ୍ଵର ଜିଲ୍ଲା ପଞ୍ଚଲିଙ୍ଗେଶ୍ୱର-ସନ୍ତରାଗଡ଼ିଆ ମୁଖ୍ୟ ରାସ୍ତା ଏବେ ମରଣଯନ୍ତା ପାଲଟିଛି। ଜଙ୍ଗଲ ଆଇନ ଏଥିପାଇଁ ବାଧକ ସାଜିଛି। ତେଣୁ ଇକୋ ସେନସିଟିଭ ଜୋନର ମନିଟରିଙ୍ଗ କମିଟିର ଅନୁମୋଦନ କରାଇ ଏହାର ସମାଧାନର ବାଟ କାଢି ତୁରନ୍ତ କାର୍ଯ୍ୟ ଆରମ୍ଭ କରିବା ପାଇଁ ଜଙ୍ଗଲ ପରିବେଶ ମନ୍ତ୍ରୀ ଗଣେଷ ରାମସିଂ ଖୁଣ୍ଟିଆଙ୍କ ସହିତ ଗୁରୁତ୍ୱପୂର୍ଣ୍ଣ ଆଲୋଚନା କରିବା ସହିତ ଏକ ପତ୍ର ଲେଖିଛନ୍ତି ବାଲେଶ୍ଵର ସାଂସଦ ପ୍ରତାପ ଷଡ଼ଙ୍ଗୀ।
ମନ୍ତ୍ରୀ ବାଲେଶ୍ୱର ଗସ୍ତରେ ଆସିଥବା ବେଳେ ଆଜି ସାଂସଦ ତାଙ୍କସହ ଗୁରୁତ୍ୱପୂର୍ଣ୍ଣ ଆଲୋଚନା କରିଥିଲେ। ମନ୍ତ୍ରୀ ମଧ୍ୟ ଘଟଣାକୁ ଗୁରୁତର ସହ ନେଇଥିବା ଜଣାପଡିଛି। ଟେକ୍ନିକାଲ ପ୍ରୋବ୍ଲେମ ଏବେ ସମାଧାନ ହୋଇସାରିଛି ଏବଂ ଏକ ମନିଟରିଙ୍ଗ କମିଟି ଖୁବଶୀଘ୍ର ଗଠନ କରି ରାସ୍ତା କାର୍ଯ୍ୟ ଆରମ୍ବ କରିବାକୁ ମନ୍ତ୍ରୀ ବିଭାଗୀୟ ସେକ୍ରେଟାରୀ,ଜିଲ୍ଲାପାଳ ଓ ଅନ୍ୟ ଅଧିକାରୀଙ୍କୁ ଜଣାଇଛନ୍ତି।
ପଞ୍ଚଲିଙ୍ଗେଶ୍ୱର ରାସ୍ତା ମରଣଯନ୍ତା ପାଲଟିଛି। କାରଣ ଦୀର୍ଘ ଦିନ ହେବ ଏହି ରାସ୍ତାରେ ଛୋଟବଡ଼ ଦୁର୍ଘଟଣା ଘଟୁଥିବା ଦେଖାଯାଇଛି। ତେବେ ମନ୍ତ୍ରୀଙ୍କ ସହିତ ସାଂସଦଙ୍କ ଆଲୋଚନା ରାସ୍ତା କାମ ଆରମ୍ଭ ହେବା ସୂଚନା ଅଞ୍ଚଳବାସୀଙ୍କୁ କିଛି କ୍ଷଣ ପାଇଁ ଆଶ୍ୱସ୍ତ ଆଣି ଦେଇପାରେ।
