ପ୍ରତିବର୍ଷ ଫାଲଗୁନ ମାସର ପୂର୍ଣ୍ଣିମା ତିଥିରେ ବେଶ୍ ଉତ୍ସାହର ସହିତ ହୋଲି ପର୍ବ ପାଳନ ହୋଇଥାଏ। ଚଳିତ ବର୍ଷ ହୋଲି ପର୍ବ ୧୪ ମାର୍ଚ୍ଚରେ ପାଳନ କରାଯିବ। ଚଳିତ ହୋଲିକୁ ଜ୍ୟୋତିଷ ଶାସ୍ତ୍ର ଅନୁସାରେ ମଧ୍ୟ ବେଶ୍ ସ୍ୱତନ୍ତ୍ର ବିବେଚନା କରାଯାଉଛି। ଏହି ହୋଲିରେ ଚନ୍ଦ୍ରଗ୍ରହଣ ହେବାକୁ ଯାଉଛି। ଏଥିସହ ଏଥର ହୋଲିରେ ଗଜକେଶରୀ ରାଜଯୋଗ ମଧ୍ୟ ହେବ।
ଗଜକେଶରୀ ରାଜଯୋଗକୁ ଜ୍ୟୋତିଷ ଶାସ୍ତ୍ରରେ ଏକ ଶକ୍ତିଶାଳୀ ରାଜଯୋଗ ଭାବରେ ବିବେଚନା କରାଯାଏ। ଗଜକେଶରୀ ରାଜଯୋଗ ଗୁରୁ ବୃହସ୍ପତି ଏବଂ ମନର କାରକ ଚନ୍ଦ୍ର ଦ୍ୱାରା ହେବ। ଯେତେବେଳେ ଏହି ଦୁଇଟି ଗ୍ରହ ମିଶିଯାଆନ୍ତି, ସେତେବେଳେ ଏହି ଯୋଗ ସୃଷ୍ଟି ହୁଏ। ଏଥର ହୋଲିରେ ଚନ୍ଦ୍ର ବୃଷ ରାଶିରେ ଗୋଚର କରିବେ। ଏଠାରେ ଗୁରୁ ବୃହସ୍ପତି ପୂର୍ବରୁ ଗୋଚର କରୁଛନ୍ତି। ଏପରି ପରିସ୍ଥିତିରେ, ବୃଷ ରାଶିରେ ଏହି ଦୁଇଟିର ସଂଯୋଗ ହେବ ଏବଂ ଗଜକେଶରୀ ରାଜଯୋଗ ସୃଷ୍ଟି ହେବ। ଏହି ଗଜକେଶରୀ ରାଜଯୋଗ ଯୋଗୁଁ କିଛି ରାଶିର ଲୋକଙ୍କ ଭାଗ୍ୟ ଚମକିପାରେ । ସେମାନେ ପ୍ରଚୁର ଆର୍ଥିକ ଲାଭ ପାଇପାରିବେ। ତେବେ ଆସନ୍ତୁ ଜାଣିବା ଏହି ଭାଗ୍ୟବାନ ରାଶିମାନଙ୍କ ବିଷୟରେ।
ମିଥୁନ ରାଶି:ମିଥୁନ ରାଶିର ଲୋକଙ୍କ ପାଇଁ ଗଜକେଶରୀ ରାଜଯୋଗ ବେଶ ଶୁଭ ସାବ୍ୟସ୍ତ ହୋଇପାରେ। ଏହି ରାଜଯୋଗ ମିଥୁନ ରାଶିର ଦ୍ୱାଦଶ ଘରେ ଗଠିତ ହେବ। ଏହି ସମୟରେ ମିଥୁନ ରାଶିର ଲୋକମାନେ ଟଙ୍କା ସଞ୍ଚୟ କରିବାରେ ସଫଳ ହୋଇପାରନ୍ତି। ଚାକିରି କରୁଥିବା ଲୋକଙ୍କ ପାଇଁ ଏହି ସମୟ ଭଲ ରହିବ। ସମ୍ପତ୍ତି କାରବାରରେ ଲାଭ ହୋଇପାରେ।
ସିଂହ ରାଶି:ସିଂହ ରାଶିର ଲୋକଙ୍କ ପାଇଁ ଗଜକେଶରୀ ରାଜଯୋଗ ଲାଭଦାୟକ ହୋଇପାରେ। ଏହି ରାଜଯୋଗ ସିଂହ ରାଶିର ଦଶମ ଘରେ ଗଠିତ ହେବ। ଏହି ସମୟରେ ସିଂହ ରାଶିର ଲୋକଙ୍କ ଆର୍ଥିକ ସ୍ଥିତିରେ ଉନ୍ନତି ହୋଇପାରେ। ଏହି ସମୟ ବ୍ୟବସାୟିକ ଲୋକଙ୍କ ପାଇଁ ଭଲ ରହିବ। ବ୍ୟବସାୟରେ ଲାଭ ହୋଇପାରେ। ଆପଣ ଆପଣଙ୍କର ବ୍ୟବସାୟକୁ ବିସ୍ତାର କରିବା ପାଇଁ ଏକ ଯୋଜନାରେ କାମ କରିପାରିବେ। ଚାକିରି କରୁଥିବା ଲୋକଙ୍କୁ ପଦୋନ୍ନତି ମିଳିପାରେ। ବେକାରୀମାନେ ଚାକିରି ପାଇପାରିବେ।
ମକର ରାଶି: ମକର ରାଶିର ଲୋକଙ୍କ ପାଇଁ ଗଜକେଶରୀ ରାଜଯୋଗ ବହୁତ ଅନୁକୂଳ ହୋଇପାରେ। ଏହି ରାଜଯୋଗ ମକର ରାଶିର ପଞ୍ଚମ ଘରେ ଗଠିତ ହେବ। ଏହି ସମୟରେ ସିଂହ ରାଶିର ବ୍ୟକ୍ତିମାନଙ୍କୁ ହଠାତ୍ ଆର୍ଥିକ ଲାଭ ମିଳିପାରେ। ଆର୍ଥିକ ପରିସ୍ଥିତି ପୂର୍ବ ଅପେକ୍ଷା ଉନ୍ନତ ହୋଇପାରେ। ସମ୍ପତ୍ତିରେ ନିବେଶ କରିପାରନ୍ତି।
