ରାୟଗଡ଼ା,୦୯/୧୧: ସେବା ଆଶ୍ରମରୁ ଚତୁର୍ଥ ଶ୍ରେଣୀ ଛାତ୍ରର ଝୁଲନ୍ତା ମୃତଦେହ ଠାବ । ହତ୍ୟା ଅଭିଯୋଗ କରିଲେ ପରିବାର ଲୋକେ । ମୃତକ ଖୁରିଗାଁ ଗାଁର କୁନା ଝଡିଆଙ୍କ ୧୧ ବର୍ଷୀୟ ପୁତ୍ର ଖଗେଶ୍ବର ଝଡିଆ ବୋଲି ଜଣାପଡ଼ିଛି । ରାୟଗଡ଼ା ଜିଲ୍ଲା କାଶୀପୁର ବ୍ଲକ୍ ଚନ୍ଦ୍ରଗିରି ସଦର ପଞ୍ଚାୟତ ଉଚ୍ଚପ୍ରଥମିକ ବିଦ୍ୟାଳୟରେ ଏଭଳି ଘଟଣା ଦେଖିବାକୁ ମିଳିଛି । 

ସୂଚନା ମୁତାବକ, ଖୁରିଗାଁ ଗାଁର କୁନା ଝଡିଆଙ୍କ ୧୧ ବର୍ଷୀୟ ପୁତ୍ର ଖଗେଶ୍ବର ଝଡିଆ ଚନ୍ଦ୍ରଗିରି ଉଚ୍ଚପ୍ରଥମିକ ବିଦ୍ୟାଳୟରେ ରହି ଚତୁର୍ଥ ଶ୍ରେଣୀରେ ପାଠୁ ପଢୁଥିଲେ । ତେବେ ନଭେମ୍ୱର ୮ ତାରିଖରେ ବଡି ଭୋରରୁ ବିଦ୍ୟାଳୟ କତୃପକ୍ଷ ଝୁଲନ୍ତା ଅବସ୍ଥାରେ ଖଗେଶ୍ୱରର ମୃତଦେହ ଦେଖି ତୁରନ୍ତ କାଢି ଦେଇଥିଲେ । ପରେ ଏନେଇ ବିଦ୍ୟାଳୟ କତୃପକ୍ଷ କାଶୀପୁର ଥାନାରେ ଖବର ଦେଇଥିଲେ । ଖବର ପାଇ ରାୟଗଡ଼ା ଏସଡିପିଓ ରଶ୍ମି ରଞ୍ଜନ ସେନାପତି ଏକ ସାଇଣ୍ଟିଫିକ୍‌ ଟିମ୍‌ ସହ ଘଟଣାସ୍ଥଳରେ ପହଞ୍ଚିଥିଲେ । ସେଠାରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛନ୍ତି । 

ତେବେ କେଉଁ କାରଣରୁ ଖଗେଶ୍ୱରର ମୃତ୍ୟୁ ଘଟିଲା ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇ ପାରି ନାହିଁ । ଅନ୍ୟପଟେ ଏହା ଏକ ହତ୍ୟାକାଣ୍ଡ ବୋଲି ପୋଲିସ ଆଗରେ ଅଭିଯୋଗ କରିଛନ୍ତି ଖଗେଶ୍ୱରର ପରିବାର ଲୋକେ । ଶନିବାର ଖଗେଶ୍ୱରର ମୃତଦେହର ବ୍ୟବଚ୍ଛେଦ ହେବ । ଏନେଇ କାହାର ପ୍ରତିକ୍ରିୟା ମିଳିପାରିନଥିବା ବେଳେ ଘଟଣାର ତଦନ୍ତ ଚାଲିଥିବା ରାୟଗଡା ଏସଡିପିଓ ରଶ୍ମିରଞ୍ଜନ ସେନାପତି କହିଛନ୍ତି ।