ନୂଆଦିଲ୍ଲୀ,୩୦/୦୮: ଜର୍ମାନର ଚାକିରି ସଙ୍କଟ । ଦିନକୁ ଦିନ ବଢୁଛି ବେରୋଜଗାର । ଫେଡେରାଲ ଏମ୍ପ୍ଲଏମେଣ୍ଟ ଏଜେନ୍ସିଂ ଅନୁଯାୟୀ ଦେଶରେ ଏକ ଦଶନ୍ଧି ମଧ୍ୟରେ ପ୍ରଥମ ଥର ପାଇଁ ବେକାରୀ ସଂଖ୍ୟା ୩୦ ଲକ୍ଷକୁ ବୃଦ୍ଧି ହୋଇଛି । ଏପରି ବେରୋଜଗାର ସ୍ଥିତି ଦେଶକୁ ଆର୍ଥିକ ମାନ୍ଦାବସ୍ଥାରୁ ବଞ୍ଚାଇ ପାରିବ ନାହିଁ । ବେରୋଜଗାର ବୃଦ୍ଧି ହେବା ମଧ୍ୟମାର୍ଗ ମେଣ୍ଟ ସରକାରଙ୍କ କମ ସମୟରେ ଅଧିକ ଲାଭ ପାଇଁ ନିବେଶ ଯୋଜନାକୁ ବାଜିରେ ଲଗାଇଛି ।
ସଂଖ୍ୟାଗୁଡ଼ିକ କିପରି ବଢୁଛି ?
ଅଗଷ୍ଟ ସୁଦ୍ଧା ବେକାରୀ ସଂଖ୍ୟା ୪୬,୦୦୦ରୁ ବୃଦ୍ଧି ପାଇ ୩.୦୨୫ ମିଲିୟନରେ ପହଞ୍ଚିଛି । ବେକାରୀ ହାର ୦.୧ % ପ୍ରତିଶତ ବୃଦ୍ଧି ପାଇ ୬.୪% ହୋଇଛି । ଜୁଲାଇ ତୁଳନାରେ ଅଗଷ୍ଟରେ ୯,୦୦୦ ହ୍ରାସ ହୋଇଛି । ଗତ ବର୍ଷ ଅଗଷ୍ଟ ତୁଳନାରେ, ବେକାରୀ ଏପର୍ଯ୍ୟନ୍ତ ୧୫୩,୦୦୦କୁ ବୃଦ୍ଧି ହୋଇଛି । ଶ୍ରମ ଚାହିଦା ହ୍ରାସ ପାଉଛି । ଅଗଷ୍ଟରେ ୬୩୧,୦୦୦ ନିଯୁକ୍ତି ସୃଷ୍ଟି ହୋଇଥିଲେ । ପୂର୍ବବର୍ଷ ତୁଳନାରେ ଏହା ୬୮,୦୦୦ କମ୍ ।
ନିଯୁକ୍ତିଦାତାଙ୍କ ମତାମତ- ଜର୍ମାନ ନିଯୁକ୍ତିଦାତା ସଂଘର ମୁଖ୍ୟ ରେନର ଡଲଗର କହିଛନ୍ତି ଯେ, ପ୍ରାୟ ତିନି ବର୍ଷର ମାନ୍ଦାବସ୍ଥା ଏବେ ଶ୍ରମ ବଜାର ଉପରେ ପ୍ରଭାବ ପକାଉଛି । ୩୦ ଲକ୍ଷ ବୋରାଜଗାର ପାଇଁ ରାଜନୈତିକ ନିଷ୍କ୍ରିୟତାକୁ ଦାୟୀ କରିଛନ୍ତି । ବ୍ୟାପକ ଅର୍ଥବ୍ୟବସ୍ଥା ଏବେ ବି ଅଟକି ରହିଛି । ଲାଗାତାର ୨ ବର୍ଷର ମାନ୍ଦାବସ୍ଥା ପରେ ଜିଡିପି ୦.୩ % ହ୍ରାସ ହୋଇଛି । ବିଶେଷ କରି ଶିଳ୍ପ କ୍ଷେତ୍ରରେ ହ୍ରାସ ଏବଂ ଆମେରିକାର ଟାରିଫ୍ ନୀତି ଯୋଗୁଁ ଚାପ ପଡିଛି । ଆମେରିକୀୟ ବ୍ୟବସାୟ ବିପଦରେ ପଡିଥିବା ନେଇ ଯନ୍ତ୍ରପାତି ନିର୍ମାତାମାନେ ଚେତାବନୀ ଦେଇଛନ୍ତି । ଅନେକ କମ୍ପାନୀ ଅଧିକ ଛଟେଇ କରିବାକୁ ଯୋଜନା କରୁଛନ୍ତି ।
