ପ୍ରମୂଖ ଖବର
  • ନିଶାମୁକ୍ତ ହେବ ରାଜଧାନୀ: ନିଶା ବେପାରୀଙ୍କୁ ମିଳିବନି ନିସ୍ତାର, ଏସ୍‌ଟିଏଫ ଆରମ୍ଭ କରିବ ‘ଅପରେସନ ପ୍ରହାର’
  • ||
  • ବନ୍ୟାରେ ଭାସି ଯାଇଥିଲେ ଯୁବକ, ଗାଁ ପୋଖରୀରୁ ଉଦ୍ଧାର ହେଲା ମୃତଦେହ
  • ||
  • ପୁରୁଷୋତ୍ତମ ଏକ୍ସପ୍ରେସ ଶୌଚାଳୟରୁ ଯୁବକଙ୍କ ମୃତଦେହ ଠାବ, ତଦନ୍ତ ଆରମ୍ଭ କଲା ଜିଆର୍‌ପି
  • ||
  • ଦେଶର ଦକ୍ଷ ମୁଖ୍ୟମନ୍ତ୍ରୀ ତାଲିକାରେ ମୋହନ ମାଝୀ, ‘ଇଣ୍ଡିଆ ଟୁଡେ-ସିଭୋଟର’ ପକ୍ଷରୁ ‘ମୁଡ୍‌ ଅଫ ଦ ନେସନ’ ସର୍ଭେରେ ମିଳିଲା ଅଷ୍ଟମ ସ୍ଥାନ
  • ||
  • ଟାରିଫ୍‌କୁ ନେଇ ଡୋନାଲ୍ଡ ଟ୍ରମ୍ପଙ୍କୁ ଶକ୍ତ ଝଟକା; ଶୁଳ୍କକୁ ବେଆଇନ କହିଲେ ୟୁଏସ୍ କୋର୍ଟ
  • ||
  • ୩୧ରୁ ବଢ଼ିବ ବର୍ଷା, ସେପ୍ଟେମ୍ବର ୩ ଯାଏ ଦେଖାଇବ ପ୍ରକୋପ: ଆଜି ଅଧା ଓଡ଼ିଶାକୁ ୟେଲୋ ଆଲର୍ଟ
  • ||

ମୌରିଟେନିଆ ଉପକୂଳରେ ଓଲଟିଲା ଡଙ୍ଗା; ୪୯ ଯାତ୍ରୀ ମୃତ, ୧୦୦ରୁ ଅଧିକ ନିଖୋଜ

Published By : Tapas Panda | August 29, 2025 5:53 PM

ନୂଆଦିଲ୍ଲୀ: ଉତ୍ତର ଆଫ୍ରିକୀୟ ଦେଶ ମୌରିଟେନିଆ ଉପକୂଳରେ ଏକ ଯାତ୍ରୀବାହୀ ଡଙ୍ଗା ବୁଡ଼ି ଯାଇଥିବା ଜଣାପଡ଼ିଛି । ଏହି ଦୁର୍ଘଟଣାରେ ପ୍ରାୟ ୪୯ ଜଣଙ୍କ ମୃତ୍ୟୁ ହୋଇଛି ଏବଂ ୧୦୦ରୁ ଅଧିକ ନିଖୋଜ ଅଛନ୍ତି  । ମୌରିଟେନିଆର ପ୍ରବାସୀଙ୍କୁ ନେଇ ଯାଉଥିବା ଏହି ଡଙ୍ଗା ବୁଡ଼ି ଯିବା ଘଟଣା ଏବେ ସାରା ଦେଶରେ ହଇଚଇ ସୃଷ୍ଟି କରିଛି । ତେବେ ମୃତକଙ୍କ ସଂଖ୍ୟା ସଂପର୍କରେ ମୌରିଟେନିଆର ତଟରକ୍ଷୀ ବାହିନୀ ସୂଚନା ଦେଇଛି । ଶତାଧିକ ଲୋକ ନିଖୋଜ ଥିବା ଆଶଙ୍କା କରାଯାଉଛି । ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଛି । 

ତଟରକ୍ଷୀ ବାହିନୀର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ, ପାଟ୍ରୋଲିଂ ସମୟରେ ଡଙ୍ଗା ବୁଡ଼ି ଘଟଣା ଘଟିଥିଲା । ଆମେ ୧୭ ଜଣଙ୍କୁ ବଞ୍ଚାଇ ପାରିଛୁ । ଏବେ ସୁଦ୍ଧା ୪୯ ମୃତଦେହ ଉଦ୍ଧାର କରାଯାଇଛି । ସେପଟେ ପ୍ରାୟ ୧୦୦ ଜଣ ନିଖୋଜ ଅଛନ୍ତି । 

ଅନ୍ୟପକ୍ଷରେ ଏତେ ବଡ଼ ଦୁର୍ଘଟଣାରୁ ବର୍ତ୍ତି ଯାଇଥିବା ଜଣେ ଯାତ୍ରୀ କହିଛନ୍ତି, ଡଙ୍ଗାରେ ଜାମ୍ବିଆ ଏବଂ ସେନାଗଲ ନାଗରିକଙ୍କ ସମେତ ୧୬୦ ଜଣ ଥିଲେ । ମିଳିଥିବା ସୂଚନା ଅନୁସାରେ, ଡଙ୍ଗାରେ ଯାଉଥିବା ବେଳେ ଲୋକମାନେ କିଛି ଦୂରରୁ ଏକ ସହରରେ ଜଳୁଥିବା ଆଲୁଅ ଦେଖିବାକୁ ପାଇଥିଲେ। ଏହି ସମୟରେ ସମସ୍ତ ଯାତ୍ରୀ ଡଙ୍ଗାର ଗୋଟିଏ ପାର୍ଶ୍ବକୁ ଚାଲିଯାଇଥିଲେ । ଫଳରେ ଡଙ୍ଗାଟି ଓଲଟି ପଡ଼ିଥିଲା ।    

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.