ରାଉରକେଲା, ୦୪/୧୧ : ରାଉରକେଲାରେ ଯୁବକଙ୍କୁ ଗୁଳିମାଡ଼। ଟ୍ରାଫିକ ଗେଟ୍ ମାର୍କେଟରେ ଜଣେ ଯୁବକଙ୍କୁ ଗୁଳିମାଡ଼ ହୋଇଛି। ୨ରୁ ୩ ଜଣ ଦୁର୍ବୃତ୍ତ ଫାଇରିଂ କରି ଫେରାର୍ ହୋଇଯାଇଛନ୍ତି। ଯୁବକଙ୍କ ଛାତିରେ ଗୁଳି ବାଜିଛି। ଗୁରୁତର ଯୁବକ ଜଣଙ୍କ ହେଉଛନ୍ତି ଆଭେଦ ରାୟ।

ସୂଚନାନୁଯାୟୀ, ସୋମବାର ସକାଳେ ଟ୍ରାଫିକ ଗେଟ୍ ମାର୍କେଟରେ ୨ରୁ ୩ ଜଣ ଦୁର୍ବୃତ୍ତଙ୍କ ସହ ଆଭେଦ ରାୟଙ୍କ ବଚସା ହୋଇଥିଲା। ଏଥିରେ ଉତ୍ତ୍ୟକ୍ତ ହୋଇ ଦୁର୍ବୃତ୍ତମାନେ ତାଙ୍କ ଉପରକୁ ଗୁଳିମାଡ଼ କରି ଫେରାର୍ ହୋଇଯାଇଥିଲେ। ଆଭେଦଙ୍କ ଛାତିରେ ଗୁଳି ବାଜିଛି। ତାଙ୍କୁ ଗୁରୁତର ଅବସ୍ଥାରେ ରାଉରକେଲା ସରକାରୀ ଡାକ୍ତରଖାନାରେ ଭର୍ତ୍ତି କରାଯାଇଛି। ୨ ରାଉଣ୍ଡ୍ ଫାଇରିଂ ହୋଇଥିବା ସୂଚନା ମିଳିଛି। ଘଟଣାସ୍ଥଳରେ ପ୍ଲାଣ୍ଟସାଇଟ୍ ପୋଲିସ ଛାନଭିନ୍ ଚଳାଇଛି। ଆଭେଦ ପୂର୍ବରୁ ଡ଼ବଲ ମର୍ଡର ମାମଲାରେ ଜେଲ ଯାଇ ଜାମିନରେ ଆସିଥିବା ଜଣାପଡିଛି।