ତେଲକୋଇ, ୩୦/୧୧: ତେଲକୋଇ ରେଞ୍ଜରେ ପ୍ରାଣ ହରାଇଲା ମାଈ ହାତୀ ।  କନ୍ତଲେଇ ଗାଁ ବାଦିରଘେରା ଜମିରେ ପଡିଛି ହାତୀର ମୃତଦେହ । ହାତୀଟିର ମୃତ୍ୟୁର କାରଣ ଅସ୍ପଷ୍ଟ ରହିଥିବା ବେଳେ ଦନ୍ତା ଆକ୍ରମଣରେ ମାଈ ହାତୀର ମୃତ୍ୟୁ ହୋଇଥିବା ସନ୍ଦେହ କରାଯାଉଛି । କେନ୍ଦୁଝର ଜିଲ୍ଲା ତେଲକୋଇ ରେଞ୍ଜ ଅଞ୍ଚଳର କନ୍ତଲେଇ ଗାଁରେ ଏଭଳି ଘଟଣା ଘିଟିଛି । 

ସୂଚନା ମୁତାବକ, କନ୍ତଲେଇ ଗାଁ ବାଦିରଘେରା ଜମିରେ ହାତୀଟିର ମୃତଦେହ ପଡ଼ି ରହିଥିବାର ଗାଁଲୋକେ ଦେଖିଥିଲେ । ଏହା ଦେଖି ତୁରନ୍ତ ବନ ବିଭାଗର କର୍ମଚାରୀଙ୍କୁ ଖବର ଦାଇଥିଲେ । ଖବର ପାଇ ଘଟଣାସ୍ଥଳରେ ବନ ବିଭାଗର କର୍ମଚାରୀ ପହଞ୍ଚିଥିଲେ । ସେଠାରେ ପହଞ୍ଚି ହାତୀଟିର ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛନ୍ତି । ମୃତ ହାତୀର ଶରୀରରେ  କ୍ଷତ ଚିହ୍ନ ରହିଛି । ହାତୀଟିର ମୃତ୍ୟୁର କାରଣ ଅସ୍ପଷ୍ଟ ଥିବା ବେଳେ ଦନ୍ତା ଆକ୍ରମଣରେ ମୃତ୍ୟୁ ହୋଇଥିବା ନେଇ ସନ୍ଦେହ କରାଯାଉଛି।