ବଡ଼ବିଲ, ୦୨/୧୨: ହାଇୱା ଧକ୍କାରେ ଚାଲିଗଲା ସାଇକେଲ୍ ଆରୋହୀଙ୍କ ଜୀବନ । ମୃତକ କୋହ୍ଲ ହୁଣ୍ଡୁଳା ଅଞ୍ଚଳର ୫୫ ବର୍ଷିୟ ସୋନାରାମ୍ ମୁଣ୍ଡା ବୋଲି ଜଣା ପଡିଛି । କେନ୍ଦୁଝର ଜିଲ୍ଲା ଯୋଡା ଥାନା ଅନ୍ତର୍ଗତ ସିଆଳିଯୋଡ଼ା ପାର୍କିଂ ନିକଟରେ ଏଭଳି ଘଟଣା ଘଟିଛି । 

ସୂଚନା ମୁତାବକ, ବ୍ୟକ୍ତି ଜଣକ ସିଆଳିଯୋଡ଼ା ପାର୍କିଂ ନିକଟରେ ସାଇକେଲ ରଖୁଥିବା ବେଳେ ଦ୍ରୁତ ଗତିରେ ଏକ ହାଇୱା ଆସି ତାଙ୍କୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ହିଁ ବ୍ୟକ୍ତିଙ୍କ ମୃତ୍ୟୁ ହୋଇଥିଲା । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ଯୋଡା ଥାନା ପୋଲିସ ପହଞ୍ଚି ବ୍ୟକ୍ତିଙ୍କ ମୃତଦେହ ଯବତ କରି ବ୍ୟବଚ୍ଛେଦ ପାଇଁ ପଠାଇଛି । ଏହା ସହ ଘଟଣାର ତଦନ୍ତ ଚଳାଇଛି ପୋଲିସ ।