ବଡ଼ବିଲ, ୨୯/୧୧: ଦଶ ଚକିଆ ଟ୍ରକ୍‌କୁ ପଛପଟୁ ଧକ୍କା ଦେଲା ଟ୍ରଲର । ଦୁର୍ଘଟଣାରେ ଚାଲିଗଲା ଟ୍ରଲର ଡ୍ରାଇଭରଙ୍କ ଜୀବନ । ମୃତକ ଝାଡ଼ଖଣ୍ଡ ଚତ୍ରା ଜିଲ୍ଲାର କୈଳାସ କୁମାର ସିଂ ବୋଲି ପରିଚୟ ମିଳିଛି । କେନ୍ଦୁଝର ଜିଲ୍ଲା ଯୋଡ଼ା ଥାନା ଅନ୍ତର୍ଗତ ଏନଏଚ୍ ୨୦ ବିଲେଇପଦାରେ ଏଭଳି ଘଟଣା ଘଟିଛି । 

ସୂଚନା ମୁତାବକ, ବିଲେଇପଦା ଶିବ ମନ୍ଦିର ନିକଟ ରାସ୍ତା ଉପରେ ଏକ ଦଶ ଚକିଆ ଟ୍ରକ୍‌ ଠିଆ ହୋଇଥିଲା । ଏହି ସମୟରେ ଏକ ଟ୍ରଲର ଦ୍ରୁତ ଗତିରେ ଆସି ଉକ୍ତ ଟ୍ରକ୍‌କୁ ପଛପଟୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ହିଁ ଟ୍ରଲର ଡ୍ରାଇଭରଙ୍କ ମୃତ୍ୟୁ ହୋଇଥିଲା । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ଯୋଡ଼ା ଥାନା ପୋଲିସ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଏହା ସହ ଘଟଣାର ତଦନ୍ତ ମଧ୍ୟ ଚଳାଇଛି ପୋଲିସ।