ଚଣ୍ଡିଗଡ଼ –ବିଜେପି ସାଂସଦ କଙ୍ଗନା ରଣାୱତଙ୍କୁ ଚଣ୍ଡିଗଡ଼ ବିମାନବନ୍ଦରରେ ଚାପୁଡା ମାରିବା ଘଟଣା। ବହିଷ୍କୃତ ହୋଇଥିବା ମହିଳା ସିଆଇଏସଏଫ୍ କନଷ୍ଟେବଲ କୁଲବିନ୍ଦର କୌରଙ୍କ ସମର୍ଥନରେ କୃଷକ ସଙ୍ଗଠନ ମୋହାଲିରେ ନ୍ୟାୟର ରାଲି କରିଛି। ଏଥିରେ ବହୁ ସଂଖ୍ୟାରେ କୃଷକ ସାମିଲ ହୋଇଛନ୍ତି। ବିକ୍ଷୋଭ ପ୍ରଦର୍ଶନରେ ଭାରତୀୟ କୃଷକ ୟୁଥ୍ ୟୁନିୟନ , ସଂଯୁକ୍ତ କୃଷକ ମୋର୍ଚ୍ଚା ( ଅଣ ରାଜନୈତିକ) ଓ କୃଷକ ଶ୍ରମିକ ସଂଘର୍ଷ ସମିତି ଆଦି ସଙ୍ଗଠନ ସାମିଲ ଅଛି। ସକାଳ ୧୦ଟାରେ ମୋହାଲିର ଫେଜ୍ ୮ରେ ଅମ୍ୱ ସାହେବ ଗୁରୁଦ୍ୱାରାରୁ ଆରମ୍ଭ ହୋଇ ଏହି ମାର୍ଚ୍ଚ ସେକ୍ଟର ୭୬ ସ୍ଥିତ ଏସଏସପି କାର୍ଯ୍ୟାଳୟ ଆଡ଼କୁ ବଢିଛି। ପ୍ରଦର୍ଶନକୁ ଦେଖି ସୁରକ୍ଷା –ବ୍ୟବସ୍ଥା କଡ଼ାକଡ଼ି କରିଦିଆ ଯାଇଛି।
କୃଷକ ଦାବି କରୁଛନ୍ତି କି, ମହିଳା ଯବାନଙ୍କ ବିରୋଧରେ ରୁଜୁ କେସ୍ ଫେରେଇ ନିଆଯାଉ ଏବଂ ପୁଣି ତାଙ୍କୁ ଚାକିରି ଦିଆଯାଉ । ଏହାସହ ସେ କଙ୍ଗନାଙ୍କ ବିରୋଧରେ କେସ୍ ରୁଜୁ କରିବାକୁ ଦାବି କରୁଛନ୍ତି । ସଂଯୁକ୍ତ କୃଷକ ମୋର୍ଚ୍ଚାର ନେତା ସରୱନ ସିଂହ ପନ୍ଧେର କହିଛନ୍ତି କି କଙ୍ଗନା ରଣାୱତଙ୍କ ବିରୋଧରେ , କୃଷକ ଆନ୍ଦୋଳନରେ ଧାରଣାରେ ବସିଥିବା ମହିଳା କୃଷକଙ୍କୁ ୧୦୦-୧୦୦ ଟଙ୍କା ଦେଇ ଭିଡ଼ ଜମେଇବା ନେଇ ତାଙ୍କର ବିବାଦୀୟ ବୟାନ , କୃଷକଙ୍କୁ ଆତଙ୍କୀ ଓ ଉଗ୍ରବାଦୀଙ୍କ ସହ ଯୋଡ଼ିବାକୁ ନେଇ ଅଭିଯୋଗ ଦେଇ, କେସ୍ ରୁଜୁ କରାଇବାର ଦାବି କରାଯାଇଛି।
ପନ୍ଧେର କହିଛନ୍ତି କୁଲବିନ୍ଦର କୌରଙ୍କ ଉପରେ ମିଛ କେସ୍ ରୁଜୁ କରି ତାଙ୍କୁ ଫସାଇ ଦିଆ ଯାଇଛି ,ଯାହାକୁ ଏବେସୁଦ୍ଧା ଯେଉଁ ଚାପୁଡା ମାରିବାର ଅଭିଯୋଗ ଲଗାଯାଉଛି , ଏହାକୁ ନେଇ କୌଣସି ପ୍ରମାଣ ବା ଭିଡ଼ିଓ ସାମନାକୁ ଆସିନାହିଁ।