ମହାବିରୋଡ଼,୩୧/୧୦: ଢେଙ୍କାନାଳ ବନଖଣ୍ଡ କାମାକ୍ଷାନଗର ପୂର୍ବାଞ୍ଚଳ ରେଞ୍ଜ କୋଟ ଗ୍ରାମରେ ଅଘଟଣ । ବିଲରୁ ଫେରୁଥିବା ବ୍ୟକ୍ତିଙ୍କୁ ଦଳିଦେଲା ଦନ୍ତା । ମୃତ ବ୍ୟକ୍ତି ସେହି ଗ୍ରାମର ନିଧିଆ ଦେହୁରୀ(୪୫) ବୋଲି ଜଣାପଡ଼ିଛି ।  

ସୂଚନା ମୁତାବକ, ନିଧିଆ ଗତକାଲି ସନ୍ଧ୍ୟା ୮ ସମୟରେ ନିଜ ବିଲକୁ ଯାଇଥିବା ବେଳେ ସେହି ସମୟରେ ଗ୍ରାମ ପାର୍ଶ୍ଵ ରେ ବନବିଭାଗ ଓ ଗ୍ରାମବାସୀ ମିଶି ହାତୀ ଘଉଡ଼ାଉ ଥିଲେ । ସେହି ସମୟରେ ନିଧିଆ ହାତୀ ସହ ମୁହାଁମୁହିଁ ହୋଇଯିବା ଫଳରେ ହାତୀଟି ତାଙ୍କୁ ଦଳି ଦେଇଥିଲା । ଫଳରେ ଘଟଣା ସ୍ଥଳରେ ନିଧିଆଙ୍କ ମୃତ୍ୟୁ ହୋଇଥିଲା । ଏହା ଦେଖି ପରିବାର ଲୋକେ ବନ ବିଭାଗକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ବନ ବିଭାଗର କର୍ମଚାରୀ ପହଞ୍ଚିଥିଲେ । ପରିବାର ଲୋକ ମୃତଦେହକୁ ବନ ବିଭାଗ ସହାୟତାରେ ଉଦ୍ଧାର କରି ବ୍ୟବଚ୍ଛେଦ ପାଇଁ କାମାକ୍ଷାନଗର ମେଡିକାଲରେ ଭର୍ତ୍ତି କରାଇଛନ୍ତି । ମୃତକଙ୍କ ପରିବାର ଲୋକଙ୍କୁ ସରକାରୀ ନିୟମ ଅନୁସାରେ କ୍ଷତିପୂରଣ ଯୋଗାଇଦେବା ପାଇଁ ବନବିଭାଗ ତରଫରୁ ସୂଚନା ମିଳିଛି ।