ପ୍ରମୂଖ ଖବର
  • ନିଶାମୁକ୍ତ ହେବ ରାଜଧାନୀ: ନିଶା ବେପାରୀଙ୍କୁ ମିଳିବନି ନିସ୍ତାର, ଏସ୍‌ଟିଏଫ ଆରମ୍ଭ କରିବ ‘ଅପରେସନ ପ୍ରହାର’
  • ||
  • ବନ୍ୟାରେ ଭାସି ଯାଇଥିଲେ ଯୁବକ, ଗାଁ ପୋଖରୀରୁ ଉଦ୍ଧାର ହେଲା ମୃତଦେହ
  • ||
  • ପୁରୁଷୋତ୍ତମ ଏକ୍ସପ୍ରେସ ଶୌଚାଳୟରୁ ଯୁବକଙ୍କ ମୃତଦେହ ଠାବ, ତଦନ୍ତ ଆରମ୍ଭ କଲା ଜିଆର୍‌ପି
  • ||
  • ଦେଶର ଦକ୍ଷ ମୁଖ୍ୟମନ୍ତ୍ରୀ ତାଲିକାରେ ମୋହନ ମାଝୀ, ‘ଇଣ୍ଡିଆ ଟୁଡେ-ସିଭୋଟର’ ପକ୍ଷରୁ ‘ମୁଡ୍‌ ଅଫ ଦ ନେସନ’ ସର୍ଭେରେ ମିଳିଲା ଅଷ୍ଟମ ସ୍ଥାନ
  • ||
  • ଟାରିଫ୍‌କୁ ନେଇ ଡୋନାଲ୍ଡ ଟ୍ରମ୍ପଙ୍କୁ ଶକ୍ତ ଝଟକା; ଶୁଳ୍କକୁ ବେଆଇନ କହିଲେ ୟୁଏସ୍ କୋର୍ଟ
  • ||
  • ୩୧ରୁ ବଢ଼ିବ ବର୍ଷା, ସେପ୍ଟେମ୍ବର ୩ ଯାଏ ଦେଖାଇବ ପ୍ରକୋପ: ଆଜି ଅଧା ଓଡ଼ିଶାକୁ ୟେଲୋ ଆଲର୍ଟ
  • ||

ଏୟାର ଶୋ' ବେଳେ ଅଘଟଣ; ମଝି ଆକାଶକୁ ଖସିଲା F-16 ଫାଇଟର ଜେଟ୍, ପାଇଲଟ ମୃତ

Published By : Ankita S | August 29, 2025 9:38 AM

ନୂଆଦିଲ୍ଲୀ,୨୯/୦୮: ପୋଲାଣ୍ଡରେ ଏୟାର ଶୋ ଅଭ୍ୟାସ ବେଳେ ବଡ଼ ଦୁର୍ଘଟଣା ଘଟିଛି । ମଝି ଆକାଶରୁ ଚକ୍ରି ପରି ଘୁରି ଘୁରି ଖସି ପଡ଼ିଲା F-16 ଫାଇଟର ଜେଟ୍ । ନିଆଁ ପିଣ୍ଡୁଳାରେ ପରିଣତ ହେଲା ଯୁଦ୍ଧ ବିମାନ । ଦୁର୍ଘଟଣାରେ ପାଇଲଟଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ଅଘଟଣ ସମୟର ଭୟଙ୍କର ଦୃଶ୍ୟ କ୍ୟାମେରାରେ କଏଦ ହୋଇଛି । ପୋଲାଣ୍ଡର ଉପପ୍ରଧାନମନ୍ତ୍ରୀ ଭ୍ଲାଦିସ୍ଲାଭ କୋସିନିଆକ-କାମିଜ ଘଟଣା ବାୟୁସେନା ପାଇଁ ଏକ ବଡ଼ କ୍ଷତି ବୋଲି କହି ଦୁଃଖ ପ୍ରକାଶ କରିଛନ୍ତି । ଏହି ଘଟଣାଟି କେନ୍ଦ୍ରୀୟ ପୋଲାଣ୍ଡର ରାଡୋମ ସହରରେ ଘଟିଛି ।

ଅଗଷ୍ଟ ୨୮ରେ ସ୍ଥାନୀୟ ସମୟର ୭ଟା ୨୫ମିନିଟ୍‌ରେ ଦୁର୍ଘଟଣା ଘଟିଛି । ଏଫ୍‌-୧୬ ଟାଇଗର ଡେମୋ ଟିମ୍‌ର ବିମାନ ରଡାଁମ ଏୟରଶୋର ପ୍ରସ୍ତୁତି କରୁଥିଲା । ଭିଡିଓରେ ଦେଖିବାକୁ ମିଳିଛି ଜେଟ୍‌ଟି ଏକ ବେରଲ ରୋଲ କରୁଥିଲା । ଅଚାନକ ନିୟନ୍ତ୍ରଣ ହରାଇ ଖସି ପଡିଥିଲା । ରନୱେରେ ଅଗ୍ନି ପିଣ୍ଡୁଳା ହୋଇ ଖସି ପଡିଛି । ପାଇଲଟ ମେଜର ମେସି ସ୍ଲେଭ ଫାଇଟର ଜେଟ୍‌ ଚଲାଉଥିଲେ । ସେ ଏଫ-୧୬ର ଲିଡର ଥିଲେ  । ପୋଲାଣ୍ଡର ଜଣେ ଅନୁଭବୀ ପାଇଲଟ ଥିଲେ । ସେ ନିକଟରେ ୟୁକେରେ ରୟାଲ ଇଣ୍ଟରନ୍ୟାସନାଲ ଏୟର ଟେଟୁ ୨୦୨୫ରେ 'ଶ୍ରେଷ୍ଠ ଓଭରୱାର୍ଲ୍ଡ ଫ୍ଲାଇଙ୍ଗ ଡେମା' ସମ୍ମାନରେ ସମ୍ମାନିତ ହୋଇଥିଲେ । ଦୁର୍ଘଟଣା ସମୟର ଭୟଙ୍କର ଦୃଶ୍ୟ କ୍ୟାମେରାରେ କଏଦ ହୋଇଛି । ଯାହାକୁ ଦେଖିଲେ ଛାତି ଥରାଇ ଦେବ ।

ପୋଲାଣ୍ଡ ଉପପ୍ରଧାନମନ୍ତ୍ରୀ ଏବଂ ପ୍ରତିରକ୍ଷା ମନ୍ତ୍ରୀ ଭ୍ଲାଦିସ୍ଲାଭ କୋସିନିଆକ-କାମିଜ କହିଛନ୍ତି, F-16 ଜେଟ୍‌ର ପାଇଲଟ ଜଣେ ସାହାସୀ ଅଧିକାରୀ ଥିଲେ ଯିଏକି ସର୍ବଦା ଦେଶ ସେବାରେ ସମର୍ପିତ ଥିଲେ । ତାଙ୍କୁ ଶ୍ରଦ୍ଧାଞ୍ଜଳି ଦେଉଛି । ପୋଲାଣ୍ଡ ପ୍ରଧାନମନ୍ତ୍ରୀ ଡୋନାଲ୍ଡ ତୁସ୍କା ପାଇଲଟଙ୍କ ପରିବାରକୁ ସମବାଦନା ଜଣାଇଛନ୍ତି । ଏହି ଅଘଟଣ ପରେ  ୩୦-୩୧ ଅଗଷ୍ଟରେ ହେବାକୁ ଥିବା ଏୟାର ଶୋ ରଦ୍ଦ କରାଯାଇଛି । ଏହା ପୋଲାଣ୍ଡର ସବୁଠୁ ବଡ଼ ଆଭିଏସନ ଇଭେଣ୍ଟ ଥିଲା । ଯେଉଁଥିରେ ୧.୮୦ ଲକ୍ଷ ଲୋକ ସାମିଲ ହେବାର ଥିଲା ।


Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.