ନୂଆଦିଲ୍ଲୀ, ୦୮/୦୮ : ଆଣ୍ଡରସନ-ତେନ୍ଦୁଲକର ଟ୍ରଫିର ଏକ ଘଟଣାକୁ ନେଇ ରିଷଭ ପନ୍ତଙ୍କୁ କ୍ଷମା ମାଗିଲେ ଫାଷ୍ଟ ବୋଲର କ୍ରିସ୍ ୱକ୍ସ କ୍ଷମା ମାଗିଛନ୍ତି । ପଞ୍ଚମ ଟେଷ୍ଟରେ ୱକ୍ସ ଆହତ ହୋଇଥିଲେ । ଫିଲ୍ଡିଂ ବେଳେ ତାଙ୍କ ବାମ କାନ୍ଧ ଭାଙ୍ଗି ଯାଇଥିଲା । ତଥାପି ସେ ଅନ୍ତିମ ଦିବସରେ ବ୍ୟାଟିଂ କରିବାକୁ ଓହ୍ଲାଇଥିଲେ । ତାଙ୍କ ବାମ ହାତକୁ ବନ୍ଧାଯାଇ ସ୍ୱେଟର ଭିତରେ ରଖାଯାଇଥିଲା । ସେ କେବଳ ଡାହାଣ ହାତରେ ବ୍ୟାଟ୍ ଧରି ବ୍ୟାଟିଂ କରିବାର ଓଭାଲ ଗ୍ରାଉଣ୍ଡକୁ ଓହ୍ଲାଇଥିଲେ । ଡାହାଣ ହାତରେ ସେ ଏଲବୋ ଗାର୍ଡ ଲଗାଇଥିବାରୁ ବାମ ହାତି ବ୍ୟାଟର ଭାବେ ଗାର୍ଡ ନେବା ଏକ ପ୍ରକାର ସ୍ପଷ୍ଟ ଥିଲା । ମାତ୍ର ସେ ବ୍ୟାଟିଂ କରିବାକୁ ସୁଯୋଗ ପାଇବା ପୂର୍ବରୁ ଇଂଲଣ୍ଡ ଅଲ୍ ଆଉଟ୍ ହୋଇଯାଇଥିଲା । ଗୋଟିଏ ହାତ ଭାଙ୍ଗିବା ସତ୍ତ୍ବେ ଦଳ ପାଇଁ ବ୍ୟାଟିଂ କରିବାକୁ ଓହ୍ଲାଇବା ଏକ ସାହସିକ ପଦକ୍ଷେପ ଥିଲା । ଏଥିପାଇଁ ତାଙ୍କୁ ବହୁ ପ୍ରଶଂସା କରାଯାଇଥିଲା । ମ୍ୟାଚ୍ ପରେ ଭାରତୀୟ ଦଳର ସମସ୍ତ ଖେଳାଳି ତାଙ୍କୁ ସମ୍ମାନ ଜଣାଇଥିଲେ ।
ସେପଟେ ଚତୁର୍ଥ ଟେଷ୍ଟ ମ୍ୟାଚ୍ ଆହତ ହୋଇ ଟିମ୍ରୁ ବାଦ୍ ପଡ଼ିଥିବା ପନ୍ତ ସୋସିଆଲ ମିଡ଼ିଆରେ ୱକ୍ସଙ୍କ ଫଟୋ ସହ ସାଲ୍ୟୁଟ୍ ଇମୋଜି ଅପଲୋଡ୍ କରିଥିଲେ । ଏହା ଦେଖିବା ପରେ ୱକ୍ସ ତାଙ୍କୁ ଧନ୍ୟବାଦ ଜଣାଇଥିଲେ । ଜବାବରେ ପନ୍ତ ତାଙ୍କ ନିକଟକୁ ଏକ ଭଏସ ମେସେଜ ପଠାଇଥିଲେ । ସେ କହିଥିଲେ, ‘ଆଶା କରୁଛି ତୁମେ ଖୁବ୍ ଶୀଘ୍ର ଫିଟ୍ ହେବ ଓ ଆମେ ପୁଣି ଥରେ ଗ୍ରାଉଣ୍ଡ ଭିତରେ ସାମ୍ନା ସାମ୍ନି ହେବା ।’ ପନ୍ତଙ୍କ ମେସେଜ ୱକ୍ସଙ୍କ ମନୋବଳ ବଢ଼ାଇ ଦେଇଥିଲା । ପରେ ୱକ୍ସ ମଧ୍ୟ ତାଙ୍କୁ କ୍ଷମା ମାଗିଥିଲେ । କାରଣ ଚତୁର୍ଥ ଟେଷ୍ଟରେ ୱକ୍ସଙ୍କ ବଲ୍ରେ ହିଁ ପନ୍ତ ଆହତ ହୋଇଥିଲେ ।
