ଶ୍ରୀନଗର,୫।୧୧:  ଜମ୍ମୁ-କଶ୍ମୀରର ବାନ୍ଦିପୋରା ଜିଲ୍ଲାର କେସ୍ତୁନ ବନାଞ୍ଚଳରେ ସୁରକ୍ଷାବଳ ଓ ଆତଙ୍କବାଦୀଙ୍କ ମଧ୍ୟରେ ସଂଘର୍ଷ। ଏଥିରେ ଜଣେ ଆତଙ୍କବାଦୀ ନିହତ ହୋଇଥିବାର ସୂଚନା ମିଳିଛି। ଦୁଇଜଣ ଆତଙ୍କବାଦୀ ଲୁଚିଥିବାର ଖବର ପରେ ସେନା ପକ୍ଷରୁ ଆତଙ୍କବାଦୀଙ୍କ ଆଡ୍ଡା ଉପରେ ସର୍ଚ୍ଚ ଅପରେସନ୍ କରାଯାଇଥିଲା। ଜଣେ ଆତଙ୍କୀ ନିହତ ହୋଇଥିବା ବେଳେ ଆଉ ଜଣଙ୍କର ମୃତ୍ୟୁ ହୋଇଛି। 

ସଂଘର୍ଷ ବେଳେ ସୁରକ୍ଷାବଳ ସମ୍ପୂର୍ଣ୍ଣ ଅଞ୍ଚଳକୁ ଘେରାଉ କରିନେଇଛି। ୨୬ ଆସାମ ରାଇଫଲ୍ସର ଏକ ଟିମକୁ ପୁରା ଅଞ୍ଚଳରେ ମୁତୟନ କରାଯାଇଛି, ଯାହାକି ଆତଙ୍କବାଦୀଙ୍କ ସନ୍ଧାନରେ ଥିଲା। ଏହି ଘଟଣାକୁ ଦୃଷ୍ଟିରେ ରଖି ସୁରକ୍ଷା ଆହୁରି କଡାକଡି କରି ଦିଆଯାଇଛି। 

ଏହା ପୂର୍ବରୁ ଗତ ରବିବାର ଆତଙ୍କବାଦୀମାନେ ସଣ୍ଡେ ବଜାର ଉପରେ ଗ୍ରେନେଡ୍ ଆକ୍ରମଣ କରିଥିଲା। ଏଥିରେ ୧୦ ଜଣ ଆହତ ହୋଇଥିଲେ। ସେଭଳି ଦିନକ ପୂର୍ବରୁ ଖାନୟାରରେ ମଧ୍ୟ ସୁରକ୍ଷାବଳ ଓ ଆତଙ୍କବାଦୀଙ୍କ ମଧ୍ୟରେ ସଂଘର୍ଷ ହୋଇଥିଲା। ଏଥି‌ରେ ଜଣେ ଆତଙ୍କୀ ନିହତ ହୋଇଛି।