ନୂଆଦିଲ୍ଲୀ,୦୫/୧୧: ଖୁସି ଖବର । ୧୪୦ କୋଟି ଭାରତୀୟଙ୍କ ଦୀର୍ଘ ଦିନର ସ୍ବପ୍ନ ସତ ହେବାକୁ ଯାଉଛି । ଭାରତରେ ଆୟୋଜିତ ହେବ ୨୦୩୬ ଅଲିମ୍ପିକ୍ସ ଓ ପାରା ଅଲିମ୍ପିକ୍ସ । ଏ ନେଇ ଆଉ ପାଦେ ଆଗେଇଛି ଭାରତୀୟ ଅଲିମ୍ପିକ୍ସ ସଂଘ । ୨୦୩୬ ଅଲମ୍ପିକ୍ସ ସଂସ୍କରଣ ଭାରତରେ ଆୟୋଜନ କରିବାକୁ ଆଇଓଏ ଆନୁଷ୍ଠାନିକ ଭାବେ ଆଗ୍ରହ ପ୍ରକାଶ କରିଥିବା ଜଣାପଡିଛି । ଭାରତୀୟ ଅଲିମ୍ପିକ୍ସ ସଂଘ ଅକ୍ଟୋବର ୧ରେ ଅନ୍ତର୍ଜାତୀୟ ଅଲମ୍ପିକ୍ସ କମିଟିକୁ ଚିଠି ପଠାଇଥିବା ରିପୋର୍ଟ ପ୍ରକାଶ ପାଇଛି ।

୨୦୩୬ ଅଲିମ୍ପିକ୍ସ ଭାରତରେ ଆୟୋଜନ କରିବା କରି ପ୍ରଧାନମନ୍ତ୍ରୀ ଅନେକ ସମୟରେ କହି ଆସୁଥିଲେ । ପ୍ୟାରିସ ଅଲମ୍ପିକ୍ସରେ ଭାଗ ନେଇଥିବା ଆଥଲେଟମାନଙ୍କ ସହ କଥା ହୋଇ ଏ ବିଷୟରେ ଆଲୋଚନା କରିଥିଲେ । ଏବେ ତାହା ସତ ହେବାକୁ ଯାଉଛି । ଗୋଟିଏ ପାହାଚ ଆଗକୁ ଆଗେଇଛି ପ୍ରକ୍ରିୟା । ୨୦୩୬ ଅଲିମ୍ପିକ୍ସ ଆୟୋଜନ କରିବାକୁ ଭାରତ ସମେତ ୧୦ ଦେଶ ପ୍ରାରମ୍ବିକ ଆଗ୍ରହ ଦେଖାଇଛନ୍ତି । ସେଥି ମଧ୍ୟରୁ ମେକ୍ସିକୋ, ଇଣ୍ଡୋନେସିଆ, ତୁର୍କୀ, ପୋଲାଣ୍ଡ, ଇଜିପ୍ଟ ଏବଂ ଦକ୍ଷିଣ କୋରିଆ ରହିଛନ୍ତି ।

ଚଳିତ ପ୍ୟାରିସ ଅଲମ୍ପିକ୍ସରେ ଭାରତ ୬ ପଦକ ଜିତିଥିଲା । ଯେଉଁଥିରେ ୫ଟି ରୌପ୍ୟ ଓ ଗୋଟିଏ କାଂସ୍ୟ ପଦକ ଥିଲା । ମେଡାଲ ତାଲିକାରେ ଭାରତ ୭୧ତମ ସ୍ଥାନରେ ରହି ଅଭିଯାନ ଶେଷ କରିଥିଲା । ଆମେରିକା ୧୨୬ ପଦକ ଶହ ଶୀର୍ଷରେ ଥିଲା