ନୂଆଦିଲ୍ଲୀ : ଏଲନ ମସ୍କଙ୍କ ସୋସିଆଲ ମିଡ଼ିଆ ପ୍ଲାଟଫର୍ମ ଏକ୍ସ ବ୍ୟବହାର କରୁଥିବା ୟୁଜରଙ୍କ ପାଇଁ ଭଲ ଖବର। ଏଲନ ମସ୍କଙ୍କର ଗ୍ରୋକ୍ ଏଆଇ (Grok AI) ଚାଟବଟ୍ ଏବେ ସବୁ ୟୁଜରଙ୍କ ପାଇଁ ମୁକ୍ତ ହୋଇ ଯାଇଛି, ଅର୍ଥାତ୍ ବର୍ତ୍ତମାନ ସବୁ ୟୁଜର ବିନା କୌଣସି ଅର୍ଥ ଦେୟରେ ଗ୍ରୋକ୍ ଏଆଇକୁ ମାଗଣାରେ ଆକ୍ସେସ କରି ପାରିବେ।
ଗ୍ରୋକ୍କୁ ସର୍ବପ୍ରଥମେ ମସ୍କଙ୍କ ଏକ୍ସଏଆଇ ୨୦୨୩ ରେ ଲଞ୍ଚ କରିଥିଲା ଏବଂ ଏହାକୁ ଏକ୍ସ ସହ ଇଣ୍ଟିଗ୍ରେଟ୍ କରାଯାଇ ଥିଲା, କିନ୍ତୁ ପ୍ରଥମେ ଏହି ଚାଟବଟ୍ ଯାଏ ପହଞ୍ଚିବା ପାଇଁ ୟୁଜରଙ୍କୁ ଏକ୍ସର ପ୍ରିମିୟମ ସବ୍ସକ୍ରିପସନ କିଣିବାକୁ ପଡ଼ୁଥିଲା। ଏବେ କମ୍ପାନୀ ଏହାକୁ ସବୁ ୟୁଜରଙ୍କ ପାଇଁ ମାଗଣା କରିଦେଇଛି। ଯେଉଁଥିରେ ଏହାର ସିଧା ମୁକାବିଲା ଚାଟ୍ଜିପିଟି , ଜେମିନି ଓ କ୍ଲାଓଡ୍ ଭଳି ଚାଟବଟ୍ରେ ଦେଖିବାକୁ ମିଳିବ।
ଲାଇଭ୍ ମିଣ୍ଟ ନିଜର ରିପୋର୍ଟରେ କହିଛି , ଏକ୍ସଏଆଇ ଏବେସୁଦ୍ଧା ସବୁ ୟୁଜରଙ୍କ ପାଇଁ ଗ୍ରୋକ୍ର ଉପଲବ୍ଧତାର ସ୍ପଷ୍ଟ କରୁଥିବା କୌଣସି ଔପଚାରିକ ବୟାନ ଜାରି କରାଯାଇ ନାହିଁ, କିନ୍ତୁ ଅନେକ ୟୁଜର ଏକ୍ସ ପ୍ରିମିୟମ ସବ୍ସକ୍ରିପସନକୁ ନକିଣି ମଧ୍ୟ ଗ୍ରୋକ୍ ଯାଏ ଆକ୍ସେସ୍ ପ୍ରାପ୍ତ କରିବାର ନିଜର ଅନୁଭବ ସେୟାର କରିଛନ୍ତି। ଆମେ ଏହା ସ୍ପଷ୍ଟ କରି ପାରିବୁ ଯେ, ଗ୍ରୋକ୍ ଏଆଇ ବାସ୍ତବରେ ଆମର ଏକ୍ସ ଫିଡ୍ରେ ସାମିଲ ହୋଇ ଯାଇଛି।
ଫ୍ରି ଭର୍ସନରେ କଣ କଣ କରି ପାରିବେ ୟୁଜର –
ଏହି କଥାକୁ ଧ୍ୟାନ ଦେବେ ଯେ,ଗ୍ରୋକ୍ ଏଆଇର ଫ୍ରି ଭର୍ସନ କିଛି ଲିମିଟେସନ୍ସ ସହ ଆସିଥାଏ। ଏକ୍ସରେ ସେୟାର କରାଯାଇ ଥିବା ପୋଷ୍ଟ ଅନୁସାରେ , ୟୁଜର ପ୍ରତି ଦୁଇ ଘଣ୍ଟାରେ ସର୍ବାଧିକ ୧୦ଟି ମେସେଜ୍ ପଠାଇ ପାରିବେ ଏବଂ ପ୍ରତିଦିନ ସର୍ବାଧିକ ୩ଟି ଫଟୋକୁ ହିଁ ବିଶ୍ଳେଷଣ କରି ପାରିବେ।
ନିଜର ପ୍ରତିଦ୍ୱନ୍ଦୀଙ୍କ ବିପରୀତ, ଗ୍ରୋକ୍ ବର୍ତ୍ତମାନ ଏକ୍ସରେ ହିଁ ଇନ-ବିଲ୍ଟ ଅଛି, କିନ୍ତୁ ରିପୋର୍ଟ ଅନୁସାରେ ଏହାକୁ ଶୀଘ୍ର ଚାଟ୍ଜିପିଟି ଓ ଜେମିନି ପରି ଏକ ଷ୍ଟାଣ୍ଡଅଲୋନ ଆପ୍ ଭାବେ ଲଞ୍ଚ କରାଯାଇ ପାରେ। କହି ରଖୁଛୁ କି ଚାଟ୍ଜିପିଟି ଓ ଜେମିନି ଆପ୍ ଅନେକ ଦିନରୁ ଆଇଓଏସ ଓ ଆଣ୍ଡ୍ରଏଡରେ ଉପଲବ୍ଧ ଅଛି।
ବର୍ତ୍ତମାନରେ , ଗ୍ରୋକ୍ ପୂର୍ବର ଫଟୋକୁ ହିଁ ବିଶ୍ଳେଷଣ କରି ପାରିବ ଏବଂ ଏଲନ ମସ୍କ ଏହା ମଧ୍ୟ ହିଣ୍ଟ ଦେଇଛନ୍ତି ଯେ, ଚାଟ୍ବଟ୍ ଶୀଘ୍ର ପିଡିଏଫ୍ ଓ ୱାର୍ଡ ଭଳି ଫର୍ମାଟରେ ଡକ୍ୟୁମେଣ୍ଟସକୁ ପ୍ରୋସେସ୍ କରିବାର କ୍ଷମତା ହାସଲ କରି ପାରିବ।
