ବଲାଙ୍ଗୀର, ୨୩/୧୦: ବଲାଙ୍ଗୀର - ଟିଟିଲାଗଡ଼ ୨୬ ନମ୍ବର ଜାତୀୟ ରାଜପଥରେ ମର୍ମନ୍ତୁଦ ସଡ଼କ ଦୁର୍ଘଟଣା । ଏକ ବୁଲେଟ୍ ସହ ମୁହାଁମୁହିଁ ଧକ୍କା ହେଲା ବୀଜାଖମନ ନିକଟରେ ସଡ଼କ ଦୁର୍ଘଟଣାରେ ଜଣେ ଡାକ୍ତରଙ୍କ ମୃତ୍ୟୁ । ମୃତକ ଡାକ୍ତର ଜଣକ ଦେଓଗାଁ ଥାନା ହାତୀଶରା ଗାଁର ୨୮ ବର୍ଷୀୟ ଡାକ୍ତର ରବୀନ୍ଦ୍ର ରାୟ ବୋଲି ଜଣାପଡ଼ିଛି । 

ସୂଚନା ମୁତାବକ, ମଙ୍ଗଳବାର ଡାକ୍ତର ରବୀନ୍ଦ୍ର ରାୟ ବୁଲେଟରେ ଦେଓଗାଁ ଅଭିମୁଖେ ଯାଉଥିଲେ । ଏହି ସମୟରେ ବୀଜାଖମନ ନିକଟରେ ଅଟୋ ସହ ବୁଲେଟ୍ ମୁହାଁମୁହିଁ ଧକ୍କା ହୋଇଥିଲା । ଏହି ଦୁର୍ଘଟଣାରେ ଗୁରୁତର ହୋଇପଡ଼ିଥିଲେ ଡାକ୍ତର ରାୟ । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବରା ଦେଇଥିଲେ । ଖବର ପାଇ ଘଟଣାସ୍ଥଳରୋ ଟାଉନ ପୋଲିସ ପହଞ୍ଚି  ଗୁରୁତର ଡାକ୍ତର ରାୟଙ୍କୁ ବଲାଙ୍ଗିର ଭୀମ ଭୋଇ ଡାକ୍ତରଖାନାରେ ଭର୍ତ୍ତି କରିଥିଲା । ଡାକ୍ତରଖାନାରେ ଚିକିତ୍ସାଧିନ ଅବସ୍ଥାରେ ତାଙ୍କ ମୃତ୍ୟୁ ହୋଇଥିଲା । ଅନ୍ୟପଟେ ଦୁର୍ଘଟଣା ପରେ ଅଟୋଚାଳକ ଅଟୋ ଛାଡ଼ି ଫେରାର୍‌ ହୋଇଯାଇଛି । ଏନେଇ ଟାଉନ ପୋଲିସ ମାମଲା ରୁଜୁ କରି ତଦନ୍ତ କରୁଥିବା ଥାନା ଅଧିକାରୀ ଅବନୀ ସାହୁ କହିଛନ୍ତି । ସେପଟେ ଯୁବା ବୟସରେ ନିଜ ଡାକ୍ତର ପୁଅକୁ ହରାଇ ଭାଙ୍ଗି ପଡିଛନ୍ତି ରବୀନ୍ଦ୍ର ରାୟଙ୍କ ବାପା।