ନୂଆଦିଲ୍ଲୀ,୧୮।୫:  ଭାରତରେ ବର୍ତ୍ତମାନ ପାକିସ୍ତାନ ଗୁପ୍ତଚରଙ୍କୁ ଗିରଫ କରିବା ସହ ତାଙ୍କ ବିରୋଧରେ ନିଆଯାଉଛି କଡ଼ା କାର୍ଯ୍ୟାନୁଷ୍ଠାନ। ନିକଟରେ ହରିୟାଣାର ଜ୍ୟୋତି ମାଲହୋତ୍ରା ଏବଂ ଅନ୍ୟ ଛଅ ଜଣଙ୍କୁ ଗିରଫ କରାଯାଇଛି। ଏମାନେ ପାକିସ୍ତାନୀ ଗୁପ୍ତଚର ବୋଲି ଅଭିଯୋଗ ହୋଇଛି ଏବଂ  ତଦନ୍ତ ଜାରି ରହିଛି। ଯଦି ତଦନ୍ତରେ ତାଙ୍କ ବିରୋଧରେ ଅଭିଯୋଗ ସତ ପ୍ରମାଣିତ ହୁଏ, ତେବେ ତାଙ୍କୁ କଠୋର ଦଣ୍ଡ ମିଳିବ ବୋଲି ଆଶା କରାଯାଉଛି। ପହଲଗାମ୍ ଆକ୍ରମଣ ଘଟଣା ପରେ ଆଜିକାଲି ଗୁପ୍ତଚର ଓ ସ୍ଲିପରସେଲ୍ ଶବ୍ଦ ବହୁବାର ଶୁଣିଥିବେ। ଏମାନଙ୍କ କାମ କ’ଣ ଏବଂ ଦୁହିଁଙ୍କ ମଧରେ କ’ଣ ପାର୍ଥକ୍ୟ ରହିଛି?

ଗୁପ୍ତଚର ତୁରନ୍ତ ମିଶନ ପାଇଁ କାମ କରନ୍ତି ଏବଂ ଜଣେ ସ୍ଲିପର ସେଲ୍ ହେଉଛି ଏକ ନିଷ୍କ୍ରିୟ ଏଜେଣ୍ଟ। ଯିଏକି ଭବିଷ୍ୟତର ଆତଙ୍କବାଦୀ କାର୍ଯ୍ୟକଳାପ ପାଇଁ ମାନସିକ ଭାବରେ ପ୍ରସ୍ତୁତ ଥାଏ। ଜଣେ ଗୁପ୍ତଚରର ମୁଖ୍ୟ କାମ ହେଉଛି ମିଶନକୁ ତୁରନ୍ତ ସମାପ୍ତ କରିବା। ଯଦିଓ ଗୁପ୍ତଚରମାନେ ଖୋଲାଖୋଲି ଭାବରେ ସେମାନଙ୍କର କାମ କରନ୍ତି, କିନ୍ତୁ ସେମାନେ ଗୁପ୍ତ ଭାବରେ ରୁହନ୍ତି। ଗୁପ୍ତଚରମାନଙ୍କର ଏକ ନିର୍ଦ୍ଦିଷ୍ଟ ଲକ୍ଷ୍ୟ ଥାଏ ଏବଂ ସେମାନଙ୍କୁ ସମୟ ସୀମା ମଧ୍ୟରେ ଏହାକୁ ପୂରଣ କରିଥାନ୍ତି।  ଗୁପ୍ତଚରମାନଙ୍କର ମୁଖ୍ୟ କାମ ହେଉଛି ସୂଚନା ସଂଗ୍ରହ କରିବା। ସେମାନେ ଡକ୍ୟୁମେଣ୍ଟ, ଫଟୋଗ୍ରାଫ୍ କିମ୍ବା ଅନ୍ୟ କୌଣସି ଉପାୟରେ ସୂଚନା ସଂଗ୍ରହ କରନ୍ତି। ଯାହା ସାହାଯ୍ୟରେ ସେମାନଙ୍କ ଦେଶ ଶତ୍ରୁ ପାଖରେ ପହଞ୍ଚିବା ପାଇଁ ଏକ ଭଲ ରାସ୍ତା ପାଏ, କାରଣ ସମସ୍ତ ଗୁପ୍ତ ସେମାନେ ପ୍ରକାଶିତ କରିଥାନ୍ତି।

ସେଭଳି ଯଦି ସ୍ଲିପର ସେଲ୍ ବିଷୟରେ କଥା ହେବା ତେବେ   ସେମାନେ ନିଷ୍କ୍ରିୟ ଏଜେଣ୍ଟ ଭାବରେ କାର୍ଯ୍ୟ କରନ୍ତି। କିନ୍ତୁ ଯେତେବେଳେ କୌଣସି ସ୍ଥାନରେ ବିସ୍ଫୋରଣ କିମ୍ବା କାହାକୁ ହତ୍ୟା କରିବା ଭଳି ଆତଙ୍କବାଦୀ କାର୍ଯ୍ୟକଳାପ କରିବାକୁ ପଡ଼େ, ସେତେବେଳେ ଏହି କାମ କେବଳ ସ୍ଲିପର ସେଲ୍ ଦ୍ୱାରା କରାଯାଇଥାଏ। ସ୍ଲିପର ସେଲ୍ ହେଉଛି ଆତଙ୍କବାଦୀମାନଙ୍କର ଏକ ଗୋଷ୍ଠୀ ଯେଉଁମାନେ ସେମାନଙ୍କ ମାଲିକଙ୍କଠାରୁ ନିର୍ଦ୍ଦେଶ ପାଇବା ପରେ ହିଁ ସକ୍ରିୟ ହୁଅନ୍ତି। ଏଭଳି ଆତଙ୍କବାଦୀଙ୍କୁ ଧରିବା ସବୁଠାରୁ ଚ୍ୟାଲେଞ୍ଜପୂର୍ଣ୍ଣ କାମ, କାରଣ ସେମାନେ ସାଧାରଣ ଲୋକଙ୍କ ମଧ୍ୟରେ ଦୀର୍ଘ ସମୟ ଧରି ରହିଥାନ୍ତି। ଏହି ବ୍ୟକ୍ତି ଜଣେ ଛାତ୍ର, ଚାକିରିଆ, ରାସ୍ତା କଡର ବିକ୍ରେତା, ବ୍ୟବସାୟୀ କିମ୍ବା ଶିକ୍ଷକ ମଧ୍ୟ ହୋଇପାରନ୍ତି। ସେମାନେ ନିଜ ଜୀବନକୁ ବଳିଦାନ ଦେବାକୁ ମଧ୍ୟ ପଛଘୁଞ୍ଚା ଦିଅନ୍ତି ନାହିଁ। ଆତଙ୍କବାଦୀମାନେ ସେମାନଙ୍କୁ ସକ୍ରିୟ କରି ଦେଶକୁ କ୍ଷତି ପହଞ୍ଚାନ୍ତି।

ସ୍ଲିପର  ସେଲ୍‌  କାମ ବିଭିନ୍ନ ପ୍ରକାରର ରହିଛି। ପ୍ରାଥମିକ ସ୍ତରରେ, ସେମାନେ କେବଳ ଗୁପ୍ତ  ସୂଚନା ସଂଗ୍ରହ କରନ୍ତି। ସେମାନଙ୍କର ଏକ ଗୁରୁତ୍ୱପୂର୍ଣ୍ଣ କାମ ହେଉଛି ଆତଙ୍କବାଦୀ ସଂଗଠନର ଲୋକଙ୍କୁ ଆଶ୍ରୟ ଦେବା। ଆତଙ୍କବାଦୀଙ୍କ ବୈଠକ ପାଇଁ ସ୍ଥାନ ଆୟୋଜନ କରିବା, ଆକ୍ରମଣ ପାଇଁ ସହରଗୁଡ଼ିକରେ ବୋମା ରଖିବା, ଆତଙ୍କବାଦୀ ଆକ୍ରମଣରେ ସହାୟତା କରିବା ଏବଂ ନୂତନ ନିଯୁକ୍ତିରେ ସାହାଯ୍ୟ କରିବା ସେମାନଙ୍କର କାମ। ସେମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନେବାରେ NIA ଏକ ବଡ଼ ଭୂମିକା ଗ୍ରହଣ କରିଥାଏ।