ଉଦଳା ୨/୬ ଥଣ୍ଡା ବୋତଲରେ ଦେଶୀ ମଦ। ସମସ୍ତଙ୍କ ଆଖିରେ ଧୂଳି ଦେଇ ବ୍ୟାଗରେ ଭର୍ତ୍ତି କରି ଯାତ୍ରୀବାହି ବସରେ ଚାଲାଣ କରୁଥିଲେ ଦୁଇ ଯୁବକ। ବସରୁ ଦୁଇ ଯୁବକଙ୍କୁ ଗିରଫ କରିବା ସହିତ ମଦ ଜବତ କରିଛି ପୋଲିସ। ଉଦଳାରୁ ଭୁବନେଶ୍ୱର ଯାଉଥିବା ଶାନ୍ତିଲତା ନାମକ ଯାତ୍ରୀବାହି ବସରେ ଉଦଳା ଥାନା ଅମ୍ବିକାଦେଇ ପୁର ଗ୍ରାମର ଦୁଇ ଜଣ ଯୁବକ ୬ ଗୋଟି ବ୍ୟାଗରେ ଥଣ୍ଡା ବୋତଲରେ ଦେଶୀ ମଦ ଭର୍ତ୍ତି କରି ଭୁବନେଶ୍ୱର ସାଲିଆସାହି ନେଇ ଯାଉଥିଲେ। ଖବର ପାଇ ଉଦଳା ପୋଲିସ ବସଷ୍ଟାଣ୍ଡରୁ ଦୁଇ ଜଣ ଯୁବକଙ୍କୁ ଗିରଫ କରିବା ସହିତ ସେମାନଙ୍କ ନିକଟରୁ ୫୫ ଗୋଟି ଥଣ୍ଡା ବୋତଲରେ ଥିବା ୧୧୦ ଲିଟର ଦେଶୀ ମଦ ଜବତ କରିଛି। ଗିରଫ ଦୁଇ ଜଣ ଯୁବକ ହେଲେ ଲବ ସିଂ ଏବଂ ଭୋଳାନାଥ ସିଂ। ମଦ ସାଲିଆସାହିରେ ପହଞ୍ଚାଇ ଦେଲେ ୫ଶହ ଟଙ୍କା ଲେଖାଏଁ ତାଙ୍କୁ ମଦ ମାଫିଆ ଦେଇଥାନ୍ତା ବୋଲି କହିଛନ୍ତି ଗିରଫ ଯୁବକ।