ନୂଆଦିଲ୍ଲୀ: ଦିଲ୍ଲୀରେ ଖୁବ୍ଶୀଘ୍ର ବିଜେପି ସରକାର ଗଠନ କରିବାକୁ ଯାଉଛି । ଏହା ସହିତ ଜଡିତ ଏକ ବଡ଼ ଖବର ଏବେ ସାମ୍ନାକୁ ଆସିଛି। ଆସନ୍ତାକାଲି (ସୋମବାର) ଅପରାହ୍ନ ୩ଟାରେ, ଦିଲ୍ଲୀ ବିଜେପି ରାଜ୍ୟ କାର୍ଯ୍ୟାଳୟରେ ବିଜେପି ବିଧାୟକ ଦଳର ଏକ ବୈଠକ ହେବ, ଯେଉଁଥିରେ ଦିଲ୍ଲୀର ନୂତନ ମୁଖ୍ୟମନ୍ତ୍ରୀ ନିର୍ବାଚିତ ହେବେ। ଶପଥ ଗ୍ରହଣ ଉତ୍ସବ ଫେବୃଆରୀ ୧୮ ତାରିଖରେ ଅନୁଷ୍ଠିତ ହେବ। ସୂଚନାରୁ ଜଣାପଡିଛି ଯେ, ଶପଥ ଗ୍ରହଣ ଉତ୍ସବ ବହୁତ ବଡ଼ ଏବଂ ଭବ୍ୟ ହେବ ନାହିଁ।
ସୂଚନାଥାଉକି,ଦିଲ୍ଲୀ ବିଧାନସଭା ନିର୍ବାଚନରେ ବିଜେପି ବିଜୟୀ ହୋଇଛି ଏବଂ ଆମ ଆଦମୀ ପାର୍ଟି ପରାଜୟର ସାମ୍ନା କରିଛି। ଦିଲ୍ଲୀରେ, ବିଜେପି ୭୦ଟି ବିଧାନସଭା ଆସନରୁ ୪୮ଟି ଜିତିଛି ଯେତେବେଳେ କି, ଆପ ମାତ୍ର ୨୨ ଟି ଆସନ ପାଇଛି । ଅରବିନ୍ଦ କେଜରିୱାଲ ଏବଂ ମନୀଷ ସିସୋଦିଆଙ୍କ ଭଳି ବଡ଼ ନେତା ନିର୍ବାଚନରେ ପରାସ୍ତ ହୋଇଛନ୍ତି।
ଏପରି ପରିସ୍ଥିତିରେ, ଏହା ସ୍ପଷ୍ଟ ଯେ ଏବେ ଦିଲ୍ଲୀରେ ବିଜେପି ମୁଖ୍ୟମନ୍ତ୍ରୀ ପାଇବ । ୨୭ ବର୍ଷ ପରେ, ବିଜେପି ଦିଲ୍ଲୀରେ କ୍ଷମତାକୁ ଫେରିଛି କିନ୍ତୁ ଏପର୍ଯ୍ୟନ୍ତ ମୁଖ୍ୟମନ୍ତ୍ରୀ ପଦ ପାଇଁ କୌଣସି ନାମ ଚୂଡ଼ାନ୍ତ ହୋଇନାହିଁ। ଏପରି ପରିସ୍ଥିତିରେ, ଫେବୃଆରୀ ୧୭ ତାରିଖରେ ବିଜେପି ବିଧାୟକ ଦଳ ବୈଠକରେ ବିଜେପି କାହାକୁ ମୁଖ୍ୟମନ୍ତ୍ରୀ ଘୋଷଣା କରିବ ତାହା ଉପରେ ସାରା ଦେଶର ନଜର ରହିଛି।
