ପୋଲସରା,୧୦/୬ :  ଗଞ୍ଜାମ ଜିଲ୍ଲା ପୋଲସରା ଥାନା ମାଳତେନ୍ତୁଳିଆ ନୁଆଁସାହିରେ ବିଦ୍ୟୁତ ଆଘାତରେ ଜଣେ ମହିଳାଙ୍କ ମୃତ୍ୟୁ ଘଟିଥିବାବେଳେ ଦୁଇ ଜଣ ଆହତ ହୋଇଛନ୍ତି l ମୃତ ମହିଳା ଜଣଙ୍କ ନମିତା ସାହୁ ହୋଇଥିବାବେଳେ ଅଭିମନ୍ୟୁ ସାହୁ ଶ୍ୱଶୁର ଓ ଶାଶୁ ଆହତ ହୋଇଛନ୍ତି l 

ପ୍ରକାଶ ଯେ, ନମିତା ନିଜ ଘର ବାରଣ୍ଡାରେ କାମ କରିବା ସମୟରେ ଶ୍ୱଶୁର ଲୁହା ଗ୍ରୀଲରୁ ବିଦ୍ୟୁତ ଆଘାତର ଶିକାର ହୋଇଥିଲେ l ପାଖରେ ବସିଥିବା ବୋହୁ ଓ ଶାଶୁ ତାଙ୍କୁ ବଞ୍ଚାଇବାକୁ ଚେଷ୍ଟା କରିଥିଲେ l ଉଭୟଙ୍କ ମଧ୍ୟରୁ ବୋହୁ ଗୁରୁତର ହୋଇଥିବାବେଳେ ଶାଶୁ ଆହତ ହୋଇଥିଲେ l ସମସ୍ତଙ୍କୁ ସ୍ଥାନୀୟ ଲୋକେ ଉଧାର କରି ଚିକିତ୍ସା ଲାଗି ପୋଲସରା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଛନ୍ତି । ସେଠାରେ ଡାକ୍ତର ବୋହୁ ନମିତାଙ୍କୁ ମୃତ ଘୋଷଣା କରିଥିବାବେଳେ ଶ୍ୱଶୁର ଆହତ ହୋଇ ଚିକିତ୍ସିତ ହେଉଛନ୍ତି l 

ଖବରପାଇ ସ୍ଥାନୀୟ ବିଧାୟକ ତଥା ମତ୍ସ୍ୟ, ପଶୁ ସମ୍ପଦ ବିଭାଗ ମନ୍ତ୍ରୀ ଗୋକୁଳାନନ୍ଦ ମଲ୍ଲିକ ମେଡ଼ିକାଲରେ ପହଞ୍ଚି ଥିବାବେଳେ ପୋଲସରା ପୋଲିସ ତଦନ୍ତ ଆରମ୍ଭ କରିଛି l ତେବେ ଗତକାଲିଠାରୁ ଗାଁରେ ବିଦ୍ୟୁତ କାଟ୍ ରହିଥିଲା l ନମିତାଙ୍କ ଘରର ବିଦ୍ୟୁତ ତାର ଛିଣ୍ଡି ଗ୍ରୀଲରେ ଲାଗିଥିବାବେଳେ ଆଜି ମଧ୍ୟାହ୍ନରେ ଗାଁରେ ବିଦ୍ୟୁତ ଆସିବା ସମୟରେ ଏହି ଅଘଟଣ ଘଟିଥିବା କୁହାଯାଉଛି l