ଫୁଲବାଣୀ,୯/୧୦ : ରାଇକିଆ ଥାନା ଅନ୍ତର୍ଗତ ମକବାଲି ଠାରେ ଏକ ବାଇକ ଦୁର୍ଘଟଣା ଗ୍ରସ୍ତ ହେବା ଫଳରେ ଜଣେ ଦୁଇ ବର୍ଷର ଝିଅର ମୃତ୍ୟୁ ହୋଇଛି। ଦୁର୍ଘଟଣାରେ ବାପା ମା ଗୁରୁତର ହୋଇଛନ୍ତି। ମୃତ ଶିଶୁକନ୍ୟା ହେଲେ ଜିଡିସି ସାହିର ବିରିଷି ଦିଗାଲ ଝିଅ ବର୍ଷିକା ।
ରାଇକିଆ ଥାନା ଅନ୍ତର୍ଗତ ଜିଡିସି ସାହିର ବିରିଷି ଦିଗାଲ ଓ ତାଙ୍କ ସ୍ତ୍ରୀ ଦିବ୍ୟଶ୍ରୀ ଦିଗାଲ ଦୁଇ ବର୍ଷର ଝିଅ ବର୍ଷିକାକୁ ଧରି ମକବାଲି ନିକଟସ୍ଥ ବେଞ୍ଜାମାହା ଠାରେ ଥିବା ଝୁଲାପୋଲ ଦେଖିବା ପାଇଁ ଯାଇଥିଲେ।ଅପରାହ୍ନରେ ସେଠାରୁ ଫେରିବା ସମୟରେ ମକବାଲି ନିକଟରେ ଏକ ପୋଲ ଉପରେ ଭାରସାମ୍ୟ ହରାଇ ପ୍ରାୟ ୨୦ ଫୁଟ ତଳକୁ ଖସି ପଡିଥିଲେ। ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ରାଇକିଆ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। ତେବେ ଅବସ୍ଥା ଗୁରୁତର ଥିବାରୁ ସେମାନଙ୍କୁ ଫୁଲବାଣୀ ଜିଲ୍ଲା ମୂଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା। ସେଠାରେ ଚିକିତ୍ସିତ ଅବସ୍ଥାରେ ବର୍ଷିକାଙ୍କ ମୃତ୍ୟୁ ହୋଇଛି। ମା’ ଦିବ୍ୟଶ୍ରୀଙ୍କ ଅବସ୍ଥା ସଂକଟାପନ୍ନ ହେବାରୁ ତାଙ୍କୁ ବ୍ରହ୍ମପୁର ସ୍ଥାନାନ୍ତର କରାଯାଇଥିବା ବେଳେ ବାପା ଏଠାରେ ଚିକିତ୍ସାଧୀନ ଅଛନ୍ତି।
