ରାୟପୁର,୨୬/୦୩: ଇଡି ପରେ ଏବେ ଆକ୍ସନ ମୁଡରେ ସିବିଆଇ । ୧୫ ଦିନ ପରେ ଆଉ ଥରେ ଭୂପେଶ ଘରେ ଚଢାଉ ହୋଇଛି । ଛତିଶଗଡ଼ ପୂର୍ବତନ ମୁଖ୍ୟମନ୍ତ୍ରୀ ଭୂପେଶ ବଘେଲଙ୍କ ଘରେ CBI ରେଡ୍ ହୋଇଥିବା ସୂଚନା ମିଳିଛି । ସକାଳୁ ସକାଳୁ ରାୟପୁର ଓ ଭିଲାଇରେ ଥିବା ଭୂପେଶଙ୍କ ବାସଭବନରେ ସିବିଆଇ ଚଢାଉ ହୋଇଛି । ୨୦୧୭ର ଏକ ମାମଲା ମହାଦେବ ବେଟିଂ ଆପରେ ଇଡି ପରେ ଏବେ ସିବିଆଇ ଏଣ୍ଟ୍ରି କରିଛି । 

ମହାଦେବ ବେଟିଂ ଆପରେ ଚଢାଉ- କୁହାଯାଉଛି କି  ଏହି ରେଡ଼ ବହୁ ଚର୍ଚ୍ଚିତ ମହାଦେବ ବେଟିଂ ଆପ୍ ମାମଲାରେ ହୋଇଛି । ଏହି ଆପ୍ ଜରିଆରେ ଅନଲାଇନରେ ବେଟିଂ ହୋଇଥାଏ । ଛତିଶଗଡ଼ର ଚର୍ଚ୍ଚିତ ଏହି ବେଟିଂ ଆପ୍ ମାମଲାରେ ଗତ ଦେଢ ବର୍ଷ ହେଲା ଇଡିର ଲାଗାତାର ରେଡ୍ ଓ ଜେରା ଜାରି ରହିଛି । ବର୍ତ୍ତମାନ ସୁଦ୍ଧା ୧୨୦୦ କୋଟିରୁ ଅଧିକ ସମ୍ପତ୍ତି ଖୁଲାସା ହୋଇସାରିଛି । ଏହି ବେଟିଂ ଆପରେ ଭୂପେଶ ବାଘେଲ ୫୦୮ କୋଟି ଟଙ୍କା ନେଇଥିବା ଅଭିଯୋଗ ହୋଇଥିଲା । ଭୂପେଶ ବଘେଲଙ୍କ ବାସଭବନ ସମେତ ତାଙ୍କର ଜଣେ ଘନିଷ୍ଠଙ୍କ ଘରେ ମଧ୍ୟ ରେଡ୍ ହୋଇଥିବା ସୂଚନା ମିଳିଛି ।

Raipur | CBI raids underway at the residence of former Chhattisgarh CM Bhupesh Baghel in a case related to the Mahadev betting app https://t.co/MG5m1yLNNR

— ANI (@ANI) March 26, 2025

ଏବେ ସିବିଆଇ ଆସିଛି- ରେଡ଼ ନେଇ ଭୂପେଶ ବାଘେଲଙ୍କ କାର୍ଯ୍ୟାଳୟ ପକ୍ଷରୁ ସୋସିଆଲ ମିଡିଆରେ କୁହାଯାଇଛି କି, ଏବେ ସିବିଆଇ ଆସିଛି । ଆସନ୍ତା ୮ ଓ ୯ ତାରିଖରେ ଗୁଜରାଟରେ ହେବାକୁ  ଥିବା ଏଆଇସିସି ବୈଠକ ହେବାକୁ ଯାଉଛି । ଏହା ପୂର୍ବରୁ ସିବିଆଇ ରାୟପୁର ଏବଂ ଭିଲାଇ ନିବାସରେ ପହଞ୍ଚିଯାଇଛି ।

अब CBI आई है.

आगामी 8 और 9 अप्रैल को अहमदाबाद (गुजरात) में होने वाली AICC की बैठक के लिए गठित “ड्राफ़्टिंग कमेटी” की मीटिंग के लिए आज पूर्व मुख्यमंत्री भूपेश बघेल का दिल्ली जाने का कार्यक्रम है.

उससे पूर्व ही CBI रायपुर और भिलाई निवास पहुँच चुकी है.

(कार्यालय-भूपेश बघेल)

— Bhupesh Baghel (@bhupeshbaghel) March 26, 2025

ଅଧିକ ପଢନ୍ତୁ...ମଦ ଦୁର୍ନୀତିରେ ଇଡି ଆକ୍ସନ; ପୂର୍ବତନ ମୁଖ୍ୟମନ୍ତ୍ରୀ ଭୂପେଶ ବଘେଲଙ୍କ ଘରେ ରେଡ୍

କହି ରଖୁଛୁ କି, ଗତ ମାର୍ଚ୍ଚ ୧୦ ତାରିଖରେ ମଦ ଦୁର୍ନୀତି ମାମଲାକୁ ନେଇ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଛତିଶଗଡ଼ର ଦୁର୍ଗ ଜିଲ୍ଲାରେ ମୋଟ ୧୪ଟି ସ୍ଥାନରେ ଚଢଉ କରିଥିଲା । ଏଥିରେ ରାଜ୍ୟର ପୂର୍ବତନ ମୁଖ୍ୟମନ୍ତ୍ରୀ ତଥା ଏଆଇସିସି ମହାସଚିବ ଭୂପେଶ ବାଘେଲ ଓ ତାଙ୍କ ପୁଅ ଚୈତନ୍ୟ ବାଘେଲଙ୍କ ବାସଭବନ ଥିଲା  । ମଦ ଦୁର୍ନୀତିରେ ମୋଟ୨,୧୬୧ କୋଟି ଟଙ୍କାର ଜାଲିଆତି ହୋଇଥିବା ନେଇ ଅଭିଯୋଗ ରହିଛି । ଚଢଉକୁ ନେଇ ସୋସିଆଲ ମିଡିଆ ଏକ୍ସରେ ଏହା ଷଡ଼ଯନ୍ତ୍ର ବୋଲି କହିଥିଲେ ଭୂପେଶ ବାଘେଲ ।