ରାୟପୁର,୧୦ /୦୩ : ଚତିଶଗଡ ମଦ ଦୁର୍ନୀତି ମାମଲାରେ ଆକ୍ସନ ମୁଡରେ ଇଡି । ମନି ଲଣ୍ଡିଂ ମାମଲା ନେଇ ୧୪ ସ୍ଥାନରେ ରେଡ୍ କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ । ଛତିଶଗଡ ପୂର୍ବତନ ମୁଖ୍ୟମନ୍ତ୍ରୀ ତଥା କଂଗ୍ରେସ ନେତା ଭୂପେଶ ବଘେଲ ଓ ତାଙ୍କ ପୁଅଙ୍କ ଘରେ ଇଡି ଛାପା ମାରିଛି । ପୂର୍ବତନ ମୁଖ୍ୟମନ୍ତ୍ରୀଙ୍କ ସମେତ ରାଜ୍ୟର ୧୪ ଠିକଣାରେ ପିଏମଏଲଏ ଆକ୍ଟ ଅଧୀନରେ ରେଡ୍ କରିଛି ଇଡି ।
ଇଡି ସ୍କାନରରେ ଭୂପେଶ ବଘେଲ- ଛତିଶଗଡରେ ଭୂପେଶ ବଘେଲ ମୁଖ୍ୟମନ୍ତ୍ରୀ ଥିବା ସମୟରେ ମଦ ଦୁର୍ନୀତି ହୋଇଥିବା ଅଭିଯୋଗ ହୋଇଥିଲା । ମାମଲାରେ ଏବେ ପୂର୍ବତନ ମନ୍ତ୍ରୀଙ୍କ ସମେତ ବହୁ ଅଧିକାରୀ ଗିରଫ ହୋଇ ସାରିଛନ୍ତି । ଏବେ ଇଡି ସ୍କାନରରେ ଭୂପେଶ ବଘେଲ । ଆଜି ସକାଳୁ ସକାଳୁ ପୂର୍ବତନ ମୁଖ୍ୟମନ୍ତ୍ରୀ ଭୂପେଶଙ୍କ ଘରେ ଇଡି ରେଡ୍ କରିଛି । ଏହି ଲିଙ୍କରେ ଚତିଶଗଡରେ ପାଖାପାଖି ୧୪ଟି ସ୍ଥାନରେ ସର୍ଚ୍ଚ ଅପରେସନ ହୋଇଛି । ୨୦୧୮ରୁ ୨୦୨୩ ଯାଏ ଭୂପେଶ ଛତିଶଗଡ ମୁଖ୍ୟମନ୍ତ୍ରୀ ଥିଲେ । ୨୦୨୩ ବିଧାନସଭା ନିର୍ବାଚନରେ ତାଙ୍କ ନେତୃତ୍ବାଧୀନ କଂଗ୍ରେସ ହାରି ଯାଇଥିଲା ।
ଭୂପେଶ ବଘେଲଙ୍କ ପୁଅଙ୍କ ଘରେ ରେଡ୍- ସୁତ୍ର ଅନୁସାରେ ଛତିଶଗଡ ମଦ ଦୁର୍ନୀତି ମାମଲାରେ ପୂର୍ବତନ ସିଏମ ଭୂପେଶ ବଘେଲଙ୍କ ସମେତ ତାଙ୍କ ପୁଅଙ୍କ ଘରେ ମଧ୍ୟ ରେଡ୍ ହୋଇଛି । ଭୂପେଶଙ୍କ ପୁଅ ଚୈତନ୍ୟ ରିୟଲ ଷ୍ଟେଟ୍ କାରବାର କରନ୍ତି ।
କଣ ମାମଲା ? ରିପୋର୍ଟ ଅନୁସାରେ ୨୦୧୭ରେ ମଦ କିଣିବା ଓ ବିକ୍ରି ନେଇ ସିଏସଏମସିଏଲ ପ୍ରସ୍ତୁତ ହୋଇଥିଲା । ମାତ୍ର ସରକାର ଏହାକୁ ବଦଳାଇ ସିଣ୍ଡିକେଟର ଏକ ଟୁଲ ପରି କାମ କରିଥିଲେ । ସିଏସଏମସିଏଲ ସହିତ ଜଡିତ କାମ ପାଇଁ ସବୁ କଣ୍ଟ୍ରାକ୍ଟ ଏହି ସିଣ୍ଡିକେଟ୍ ସହ ଜଡିତ ଲୋକଙ୍କୁ ଦିଆଯାଇଉଥିବା ଅଭିଯୋଗ ହୋଇଛି । ସିଣ୍ଡିକେଟ ଅବୈଧ ମଦ ବିକ୍ରି ସହ ଅଧିକ କମିଶନ ନେଉଥିବା ଇଡି ଦାବି କରିଛି । ଏହି ଦୁର୍ନୀତିରେ ଛତିଶଗଡ ରାଜସ୍ବ ଅଧିକ କ୍ଷତି ସହିଥିଲା । ପାଖାପାଖି ୨,୧୦୦ କୋଟି ହେରଫେର ହୋଇଥିବା ଅଭିଯୋଗ ହୋଇଥିଲା । ଇଡି ଏହି ମାମଲାର ତଦନ୍ତ କରୁଛି ।
ED is conducting searches under PMLA at 14 locations (in Durg district) in relation to the liquor scams in Chhattisgarh. Search premises are related to former Chhattisgarh CM Bhupesh Baghel, including the residence of his son Chaitanya Baghel and his close associates. ED has…
— ANI (@ANI) March 10, 2025
ଷଡଯନ୍ତ୍ର କହିଲେ ଭୂପେଶ- ଇଡ଼ି ରେଡକୁ ନେଇ ସୋସିଆଲ ମିଡିଆ ଏକ୍ସରେ ଭୁପେଶ ବଘେଲ କହିଛନ୍ତି, ୭ ବର୍ଷ ହେବ ଚାଲି ଆସୁଥିବା ମିଛି ମାମଲାକୁ କୋର୍ଟ ରଦ୍ଦ କରିଛନ୍ତି । ଏହା ପରେ ଆଜି ଇଡି ଅତିଥି ପୂର୍ବତନ ମୁଖ୍ୟମନ୍ତ୍ରୀ, କଂଗ୍ରେସ ମହାସଚିବଙ୍କ ଭିଲାଇ ଘରେ ପ୍ରବେଶ କରିଛି । ଏହି ଷଡଯନ୍ତ୍ରରେ କିଏ ପଞ୍ଜାବରେ କଂଗ୍ରେସକୁ ଅଟକାଇବାକୁ ଚାହୁଁଛି ତେବେ ଏହା ଭୁଲ ହେବ ।
