ସାନଖେମୁଣ୍ଡି, ୧୭/୬ : ରାସ୍ତା କଡକୁ ଓଲଟିଲା ବୋରୱେଲ୍ ଗାଡି। ୨ ଶ୍ରମିକ ଆହତ ଜଣେ ଗୁରୁତର । ମଙ୍ଗଳବାର ସକାଳେ ଗଞ୍ଜାମ ଜିଲ୍ଲା ଦିଗପହଣ୍ଡି ଥାନା ମୌଲାଭଣଜା- ଗୁମ୍ମା ମୁଖ୍ୟ ରାସ୍ତା ଚାଞ୍ଚଡ଼ାପଲ୍ଲୀ ଗାଁ ନିକଟରେ ଏହି ଦୁର୍ଘଟଣା ଘଟିଛି। ଗୁରୁତର ଶ୍ରମିକଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।
ସୂଚନାନୁଯାୟୀ, ମଙ୍ଗଳବାର ସକାଳେ ଏକ ବୋରୱେଲ୍ ଗାଡ଼ି ଦଶରୁ ଉର୍ଦ୍ଧ୍ଵ ଶ୍ରମିକଙ୍କୁ ନେଇ ମୌଲାଭଣଜାରୁ ଗୁମ୍ମା ଅଭିମୁଖେ ଯାଉଥିଲା। ଚାଞ୍ଚଡ଼ାପଲ୍ଲୀ ରାସ୍ତାର ଏକ ମୋଡ଼ ନିକଟରେ ଗାଡ଼ିଟି ଭାରସାମ୍ୟ ହରାଇ ରାସ୍ତା କଡ଼କୁ ଓଲଟି ପଡ଼ିଥିଲା। କିଛି ଶ୍ରମିକ ଗାଡ଼ିରୁ ଡେଇଁ ପଡ଼ିଥିବା ବେଳେ ତିନି ଜଣ ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ଜଣେ ଗୁରୁତର ଆହତଙ୍କୁ ଦିଗପହଣ୍ଡି ଡାକ୍ତରଖାନାରେ ଭର୍ତ୍ତି କରାଯାଇଛି। ଦିଗପହଣ୍ଡି ପୁଲିସ ତଦନ୍ତ କରୁଛି।
