ନୂଆଦିଲ୍ଲୀ : ସୋସିଆଲ ମିଡ଼ିଆ ପ୍ଲାଟଫର୍ମ ଏକ୍ସର ମାଲିକ ଏଲନ ମସ୍କ ଆମେରିକୀୟ ନିର୍ବାଚନରେ ଡୋନାଲ୍ଡ ଟ୍ରମ୍ପଙ୍କର ଖୋଲାଖୋଲି ସମର୍ଥନ କରି ଥିଲେ। ଏହାର କାରଣରୁ ଆମେରିକାରେ ପାଖାପାଖି ଦେଢ ଲକ୍ଷ ଲୋକ ଏକ୍ସର ବ୍ୟବହାର କରିବା ଛାଡ଼ି ଦେଇଛନ୍ତି। ଏବେ ସେମାନେ ଦ୍ୱିତୀୟ ପ୍ଲାଟଫର୍ମକୁ ଶିଫ୍ଟ ହେଉଛନ୍ତି। ଏହି ମଧ୍ୟରେ ଖବର ରହିଛି କି, ଟ୍ୱିଟରର ସଂସ୍ଥାପକ ରହିଥିବା ଜ୍ୟାକ୍ ଡୋର୍ସିଙ୍କ ଦ୍ୱାରା ଆରମ୍ଭ କରାଯାଇଥିବା ନୂଆ ସୋସିଆଲ ମିଡ଼ିଆ ପ୍ଲାଟଫର୍ମ ବ୍ଲୁ ସ୍କାଇର ଲୋକପ୍ରିୟତା ବଢିବାକୁ ଲାଗିଛି। ଏକ ମିଡ଼ିଆ ରିପୋର୍ଟରେ କୁହାଯାଇଛି ଯେ ଆମେରିକୀୟ ନିର୍ବାଚନ ଫଳାଫଳ ଆସିବା ଓ ଡୋନାଲ୍ଡ ଟ୍ରମ୍ପଙ୍କ ରାଷ୍ଟ୍ରପତି ଚୟନ ପରେ ସୋସିଆଲ ମିଡ଼ିଆ ବ୍ଲୁ ସ୍କାଇରେ ପାଖାପାଖି ୧୦ ଲକ୍ଷ ନୂଆ ୟୁଜର୍ସ ନିଜର ଆକାଉଣ୍ଟ ଖୋଲିଛନ୍ତି।
ସିଏନଏନର ଏକ ରିପୋର୍ଟରେ କୁହାଯାଇଛି ଯେ,ଏଲନ ମସ୍କଙ୍କ ସୋସିଆଲ ମିଡ଼ିଆ ପ୍ଲାଟଫର୍ମ ଏକ୍ସକୁ ଛାଡ଼ି ଏବେ ଲୋକେ ଖୁବ୍ ଜୋରରେ ବ୍ଲୁ ସ୍କାଇକୁ ଶିଫ୍ଟ ହେଉଛନ୍ତି। ରିପୋର୍ଟରେ କୁହାଯାଇଛି ଯେ, ଆମେରିକୀୟ ନିର୍ବାଚନର ପରଦିନ ହିଁ ୧,୧୫,୦୦୦ରୁ ଅଧିକ ଆମେରିକୀୟ ୟୁଜର୍ସ ନିଜର ଏକ୍ସ ଆକାଉଣ୍ଟକୁ ଡିଆକ୍ଟିଭେଟ୍ କରି ଦେଇଥିଲେ। ଏହି ସଂଖ୍ୟା କେବଳ ୱେବସାଇଟ୍ ମାଧ୍ୟମରେ ଏକ୍ସ ଛାଡ଼ୁଥିବା ଲୋକଙ୍କର। ଏଥିରେ ଆପ୍ର ସଂଖ୍ୟା ସାମିଲ ନାହିଁ। କହି ରଖୁଛୁ କି ,ଏଲନ ମସ୍କ ଟ୍ୱିଟରକୁ ୨୦୨୨ରେ କିଣି ଥିଲେ ଏବଂ ଏହାର ନାମ ବଦଳାଇ ଏକ୍ସ କରି ଦେଇ ଥିଲେ।
କୁହାଯାଉଛି କି,ଏଲନ ମସ୍କଙ୍କ ଆମେରିକୀୟ ନିର୍ବାଚନରେ ଟ୍ରମ୍ପଙ୍କ ସମର୍ଥନ କରିବା କାରଣରୁ ଅସନ୍ତୁଷ୍ଟ ଲୋକେ ଏହି ପଦକ୍ଷେପ ଉଠାଇଛନ୍ତି। ମାଇକ୍ରୋ ବ୍ଲିଗିଂ ସାଇଟ୍ ବ୍ଲୁ ସ୍କାଇ ବୁଧବାର କହିଛି, ଏହାର ୟୁଜରଙ୍କର ସଂଖ୍ୟା ୧.୫ କୋଟି ଅତିକ୍ରମ କରିଯାଇଛି , ଯାହା ସେପ୍ଟେମ୍ୱରରେ ପାଖାପାଖି ୯୦ ଲକ୍ଷ ଥିଲା। ରିପୋର୍ଟରେ କୁହାଯାଇଛି ଯେ, କେବଳ ଏକ ସପ୍ତାହରେ ବ୍ଲୁ ସ୍କାଇ ୟୁଜରଙ୍କ ସଂଖ୍ୟା ୧୦ ଲକ୍ଷ ଯାଏ ବଢିଛି। ବ୍ଲୁ ସ୍କାଇକୁ ଆସିବା ପଛରେ ସବୁଠୁ ବଡ଼ କାରଣ ଏଲନ ମସ୍କ।
