ନୂଆଦିଲ୍ଲୀ,୧୧/୧୧: ଆତଙ୍କୀକୁ ମିଳିବ କଡା ଜବାବ । ପାନେ ପାଇବ ଶତ୍ରୁ । ପଣ୍ଡ ହେବ ସବୁ ଯୋଜନା । ଆତଙ୍କୀ ଗଡରେ ପଶି ଆଟାକ କରିବ ବ୍ଲାକ ହରନେଟ ମାଇକ୍ରୋ ଡ୍ରୋନ । ଶତ୍ରୁକୁ ଚକମା ଦେବାକୁ ଇସ୍ରାଇଲର ପ୍ଲାନ ଆପଣେଇଛି ଭାରତୀୟ ସେନା । ବ୍ଲାକ ହରନେଟ ମାଇକ୍ରୋ ଡ୍ରୋନ ବ୍ୟବହାର କରି ଶତ୍ରୁ ଗଡରେ ପଶିବ ଭାରତୀୟ ସେନା । ଏହି ଡ୍ରୋନ ଭାରତୀୟ ସେନା ପାଇଁ ବେଶ୍ ଉପଯୋଗୀ ହେବ ।
ଦେଖିବାକୁ ଏକଦମ ଛୋଟ ହେଲେ ବଡ ବଡ କାମ କରିବ ବ୍ଲାକ ହରନେଟ ଡ୍ରୋନ । ଛୋଟିଆ କିଟ୍ ପରି ଦେଖିବାକୁ ହେଲେ ଶତ୍ରୁକୁ ଚମକା ଦେବ ବ୍ଲାକ ହରନେଟ । ସେନାକୁ ଆତଙ୍କବାଦୀ ବିରୋଧୀ ଅଭିଯାନରେ ବେଶ ସହାୟକ ହେବ । ସୂଚନା ଏକଠା କରିବା ସହ ଲାଇଭ ଭିଜୁଆଲ ପଠାଇବ ଏବଂ ଗୁଳିବିନିମୟ ସମୟରେ ସଠିକ ଲକ୍ଷ୍ୟର ସୂଚନା ମଧ୍ୟ ଦେବ ।
ଇସ୍ରାଇଲ ଏହି ପରି ଡ୍ରୋନ ବ୍ୟବହାର କରି ତାର ଶତ୍ରୁକୁ ପରାସ୍ତ କରିଛି । ମାତ୍ର ୩୩ ଗ୍ରାମ ଓଜନ ବ୍ଲାକ ହରନେଟ ଶତ୍ରୁ ପାଇଁ ମହଙ୍ଗା ସାବ୍ୟସ୍ତ ହେବ । ଭାରତୀୟ ସେନାର ରାଷ୍ଟ୍ରୀୟ ରାଇଫଲ ଏବଂ ସ୍ବତନ୍ତ୍ର ସେନାବଳୟ ଏହି ଡ୍ରୋନର ବ୍ୟବହାର କରୁଛି । ଛୋଟ ହେଲିକାପ୍ଟର ପରି ଦେଖା ଯାଉଥିବା ଏହି ଡ୍ରୋନ ଟ୍ରବିନ ରୋଟର ଲାଗିଛି । ଏହାର ରେଞ୍ଜ ପାଖାପାଖି ୨ କିଲୋମିଟର ରହିଛି । ଏଥିରେ ଏକ ଆଣ୍ଟିନା ଲାଗିଛି ଯାହାକୁ ହାତରେ ନିୟନ୍ତ୍ରମ କରାଯାଇପାରିବ । କୌଣସି ଏକ ଘର ଭିତରେ ପଶି ସହଜରେ ସୂଚନା ସଂଗ୍ରହ କରିପାରିବ । ଯେଉଁଠି ବଡ ଡ୍ରୋନର ବ୍ୟବହାର ଅସମ୍ଭବ ହେବ ସେଠି ଏହାର ବ୍ୟବହାର ଖୁବ ସହଜରେ ହେବ ।
