ନୂଆଦିଲ୍ଲୀ – ମୋଦି ସରକାରରେ ସବୁ ମନ୍ତ୍ରୀଙ୍କ ବିଭାଗର ବଣ୍ଟନ ହୋଇ ସାରିଛି। ପୂର୍ବରୁ ଚାଲୁ ଥିବା ଚର୍ଚ୍ଚା ମୁତାବିକ ବିଜେପି ସବୁ ପ୍ରମୁଖ ବିଭାଗ ନିଜ ପାଖରେ ରଖିଛି। ଗୃହ , ପ୍ରତିରକ୍ଷା ଓ ଅର୍ଥ ସମେତ ଅନେକ ବଡ଼ ବଡ଼ ମନ୍ତ୍ରଣାଳୟରେ ପରିବର୍ତ୍ତନ କରିନାହିଁ।
ଯଦି ଆମେ ଏନଡିଏର ସହଯୋଗୀ ଦଳଙ୍କ କଥା କହିବା ତ, ସେମାନଙ୍କୁ କିଛି ବିଶେଷ ଦିଆଯାଇ ନାହିଁ। ୧୬ଟି ସିଟ୍ ସହ ଏନଡିଏରେ ସାମିଲ ଟିଡିପିର ରାମ ମୋହନ ନାଇଡୁଙ୍କୁ ବେସାମରିକ ବିମାନ ଚଳାଚଳ ଦିଆ ଯାଇଛି। ଟିଡିପିର ଚନ୍ଦ୍ର ଶେଖର ପେମ୍ମାସାନୀଙ୍କୁ ଗ୍ରାମୀଣ ବିକାଶ ଓ ସଞ୍ଚାର ମନ୍ତ୍ରଣାଳୟର ରାଜ୍ୟ ମନ୍ତ୍ରୀ କରାଯାଇଛି। ଜେଡିୟୁର ଲଲନ ସିଂହଙ୍କୁ ପଞ୍ଚାୟତି ରାଜ ମନ୍ତ୍ରଣାଳୟ ମିଳିଛି। ଜେଡିୟୁର ରାମ ନାଥ ଠାକୁରଙ୍କୁ କୃଷି ଓ କୃଷକ କଲ୍ୟାଣ ମନ୍ତ୍ରଣାଳୟର ରାଜ୍ୟ ମନ୍ତ୍ରୀ କରାଯାଇଛି।
ପ୍ରମୁଖ ମନ୍ତ୍ରଣାଳୟ ବିଜେପି ପାଖରେ – ମୋଦି ସରକାରରେ ପ୍ରମୁଖ ମନ୍ତ୍ରଣାଳୟ ବିଜେପି ନିଜେ ରଖିଛି। ଏଥିରେ ପ୍ରତିରକ୍ଷା , ଗୃହ , ସ୍ୱାସ୍ଥ୍ୟ, ବିଦେଶ , ଅର୍ଥ , ଶିକ୍ଷା , କପଡ଼ା , ଶକ୍ତି , ସହରୀ ବିକାଶ , କୃଷି , ବାଣିଜ୍ୟ , ବନ୍ଦର, ପରିବହନ ଓ ଜଳପଥ, ଉପଭୋକ୍ତା ନବୀକରଣ ଉର୍ଜା ,ଦୂରସଞ୍ଚାର ମନ୍ତ୍ରଣାଳୟ, ପରିବେଶ ମନ୍ତ୍ରଣାଳୟ, ପର୍ଯ୍ୟଟନ , ମହିଳା ଏବଂ ଶିଶୁ ବିକାଶ ମନ୍ତ୍ରଣାଳୟ , ଶ୍ରମ ମନ୍ତ୍ରଣାଳୟ, ଖେଳ ମନ୍ତ୍ରଣାଳୟ,କୋଇଲା ଓ ଖଣି , ଜଳଶକ୍ତି ମନ୍ତ୍ରଣାଳୟ ସାମିଲ ଅଛି। ରାମଦାସ ଆଠବଲେଙ୍କୁ ସାମାଜିକ ନ୍ୟାୟ ବିଭାଗର ରାଜ୍ୟ ମନ୍ତ୍ରୀ କରାଯାଇଛି। ଅନୁପ୍ରିୟା ପଟେଲଙ୍କୁ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟରେ ରାଜ୍ୟ ମନ୍ତ୍ରୀ ଓ କେମିକାଲ ଫର୍ଟିଲାଇଜର ବିଭାଗର ରାଜ୍ୟ ମନ୍ତ୍ରୀ ରହିବେ।