ନୂଆଦିଲ୍ଲୀ : ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଦ୍ୱାରା ଶନିବାର ଉପସ୍ଥାପିତ କରାଯାଇ ଥିବା କେନ୍ଦ୍ରୀୟ ବଜେଟ୍ ୨୦୨୫-୨୬ରେ ଅଲଗା ଅଲଗା ସେକ୍ଟର ପାଇଁ ଅନେକ ପ୍ରମୁଖ ଘୋଷଣା କରାଯାଇଛି। ଅର୍ଥମନ୍ତ୍ରୀ ସରକାରୀ କର୍ମଚାରୀଙ୍କ ପାଇଁ ମଧ୍ୟ ବଜେଟ୍ ଆଲଟ୍ କରିଛନ୍ତି। ଏହାର କାରଣ କଣ , ଆସନ୍ତୁ ଜାଣିବା।
କାର୍ମିକ ମନ୍ତ୍ରଣାଳୟକୁ ୩୩୪ କୋଟି ଆଲଟ୍ –
ବଜେଟରେ ଦେଶ-ବିଦେଶରେ ସରକାରୀ କର୍ମଚାରୀଙ୍କୁ ପ୍ରଶିକ୍ଷିତ କରିବା ଓ ଇନଫ୍ରା ଷ୍ଟ୍ରକଚର ସହ ସମ୍ୱନ୍ଧିତ ଜରୁରୀ ଟ୍ରେନିଂ ମାମଲାରେ ଆଗାମୀ ଆର୍ଥିକ ବର୍ଷ ପାଇଁ କାର୍ମିକ ମନ୍ତ୍ରଣାଳୟକୁ ୩୩୪ କୋଟି ଟଙ୍କାରୁ ଅଧିକ ଆବଣ୍ଟିତ କରାଯାଇଛି। ଏହା ବ୍ୟତୀତ ପ୍ରଶାସନିକ ସୁଧାର ପାଇଁ ୧୦୦କୋଟି ଟଙ୍କାର ରାଶି ନିର୍ଦ୍ଧାରିତ କରାଯାଇଛି। ଏହି ପ୍ରାବଧାନ ସରକାରୀ କାର୍ଯ୍ୟାଳୟର ଆଧୁନିକୀକରଣ , ପ୍ରଶାସନିକ ସୁଧାର ସହ ଜଡ଼ିତ ପାଇଲଟ ପ୍ରକଳ୍ପ ଗୁଡ଼ିକ ପାଇଁ ରହିଛି, ଯେଉଁଥିରେ ଇ-ଗଭର୍ଣ୍ଣାନ୍ସ ,ସୁଶାସନକୁ ପ୍ରାଧ୍ୟାନ୍ୟ ଦେବା ଓ ଜନ ଅଭିଯୋଗ ଆଦିର ନିବାରଣ ପାଇଁ ବ୍ୟାପକ ପ୍ରଣାଳୀ ସାମିଲ ରହିଛି।
କେଉଁ ବିଭାଗ ପାଇଁ କେତେ ବଜେଟ୍-
ଆର୍ଥିକ ବର୍ଷ ୨୦୨୫-୨୬ ପାଇଁ ମୋଟ ୩୩୪.୪୫କୋଟି ଟଙ୍କାର ଆବଣ୍ଟନ ମଧ୍ୟରୁ ୧୦୫.୯୯ କୋଟି ଟଙ୍କା ପ୍ରଶିକ୍ଷଣ ପ୍ରଭାଗ , ସଚ୍ଚିବାଳୟ ପ୍ରଶିକ୍ଷଣ ଓ ପ୍ରବନ୍ଧନ ସଂସ୍ଥା (ଆଇଏସଟିଏମ) ଓ ଲାଲ୍ ବାହାଦୂର ଶାସ୍ତ୍ରୀ ରାଷ୍ଟ୍ରୀୟ ପ୍ରଶାସନ ଅକାଦେମୀ (ଏଲବିଏସଏନଏଏ) ସମ୍ୱନ୍ଧୀୟ ବ୍ୟୟକୁ ପୂରା କରିବା ପାଇଁ ଅଛି। ଏହା ବ୍ୟତୀତ ୧୧୮.୪୬ କୋଟି ଟଙ୍କା ପ୍ରଶିକ୍ଷଣ ଯୋଜନା ଓ ୧୧୦ କୋଟି ଟଙ୍କା ରାଷ୍ଟ୍ରୀୟ ସିଭିଲ ସେବା କ୍ଷମତା ନିର୍ମାଣ କାର୍ଯ୍ୟକ୍ରମ ପାଇଁ ।
ଟ୍ୟାକ୍ସ ଉପରେ ସରକାରୀ କର୍ମଚାରୀଙ୍କୁ କଣ ମିଳିଲା?
ନୂଆ କର ବ୍ୟବସ୍ଥା ଅନୁସାରେ , ଆର୍ଥିକ ବର୍ଷ ୨୦୨୫-୨୬ରେ ୧୨ ଲକ୍ଷ ଟଙ୍କା ବାର୍ଷିକ ଆୟ କରୁଥିବା ଲୋକଙ୍କୁ ୮୦,୦୦୦ଟଙ୍କାର ରିହାତି ହେବ। ଅର୍ଥମନ୍ତ୍ରୀ ନିର୍ମଳା ସୀତାରମଣ ନିଜ ବଜେଟରେ ୧୨ ଲକ୍ଷ ଟଙ୍କା ଯାଏ ବାର୍ଷିକ ଆୟକରୁଥିବା ବ୍ୟକ୍ତିଙ୍କୁ ଆୟକରରୁ ମୁକ୍ତି ଦେବା ଓ ନୂଆ କର ବ୍ୟବସ୍ଥା ଅନୁସାରେ କର ସ୍ଲାବ୍ରେ ଅଦଳବଦଳ କରିବାକୁ ଶନିବାର ଘୋଷଣା କରିଛନ୍ତି। ଏହାର ଫାଇଦା ସେହି ସରକାରୀ କର୍ମଚାରୀଙ୍କୁ ମଧ୍ୟ ମିଳିବ, ଯାହାଙ୍କର ଆୟ ୧୨ ଲକ୍ଷ ଟଙ୍କା ବା ଏହା ଠାରୁ ଅଧିକ। ସୀତାରମଣ ନିଜର ୨୦୨୫-୨୬ର ବଜେଟ୍ରେ ନୂଆ କର ସ୍ଲାବ ପ୍ରସ୍ତାବିତ କରିଛନ୍ତି , ଯାହା ଅନୁସାରେ ୧୨ ଲକ୍ଷ ଟଙ୍କାଯାଏ ଆୟ କରୁଥିବା ଲୋକଙ୍କୁ କୌଣସି କର ଦେବାକୁ ପଡ଼ିବ ନାହିଁ , ବେତନଭୋଗୀ ବର୍ଗଙ୍କ ପାଇଁ ୭୫,୦୦୦ଟଙ୍କାର ମାନକ ରିହାତି (ଷ୍ଟାଣ୍ଡାର୍ଡ ଡିଡକ୍ସନ )କୁ ଧ୍ୟାନରେ ରଖି ଏହି ସୀମା ୧୨.୭୫ ଲକ୍ଷ ଟଙ୍କା ରହିବ।
