ରାଇରଙ୍ଗପୁର, ୨୬।୬ : ବିଜେପି ରାଜ୍ୟ ସମ୍ପାଦକ ନବୀନ ରାମ  ଘର ଉପରକୁ ଦୁର୍ବୃତ୍ତମାନେ ବୁଧବାର ରାତିରେ ବୋମାମାଡ଼ କରିଛନ୍ତି।  ୨ ଜଣ ଦୁର୍ବୃତ୍ତ ବାଇକରେ ଆସି ବୋମାମାଡ କରି ଫେରାର ହୋଇଯାଇଛନ୍ତି। 

ନବୀନ ରାମ ଥାନାରେ ଦେଇଥିବା ଅଭିଯୋଗ ମୁତାବକ ବୁଧବାର ରାତିରେ  ସେ ଶୋଇବାକୁ ଯାଉଥିବା ବେଳେ ଏକ ଶବ୍ଦ ଶୁଣିଥିଲେ।  ଛାତରୁ କିଛି ପଡ଼ିଥିବା ଶବ୍ଦ ଭାବି ଶୋଇ ପଡିଥିଲେ l  ସକାଳୁ ଉଠି ଯେତେବେଳେ ସେ କବାଟ ଖୋଲିଥିଲେ ଦେଖିବାକୁ ପାଇଥିଲେ କିଛି ଅପରିଷ୍କାର ଯୁକ୍ତ ଦୁର୍ଗନ୍ଧ ପଦାର୍ଥ ପଡ଼ିଛି।  ଘର ମାଲିକ ଆସି ଭାବିଲେ ବିଲେଇ କିମ୍ବା କୁକୁରର ଏ କାମ  କରିଥିବ ଭାବି ପାଣି ଢ଼ାଳି ସଫା କରିଥିଲେ l ସଫା କଲାବେଳେ ସେଥିରେ କିଛି ଲୁହା କଣ୍ଟା ତଥା କାଚ ଗୁଣ୍ଡ ଥିବା ଦେଖିବାକୁ ମିଳିଥିଲା l ମନରେ  ସନ୍ଦେହ ହେବାରୁ ପଡୋଶୀଙ୍କୁ ଡାକିଥିଲି। ପଡୋଶୀଙ୍କ ସିସି କ୍ୟାମେରା ଦେଖିବାରୁ ଜଣା ପଡିଥିଲା ଯେ ରାତ୍ର ୧୧ଟା ୩୦ ରୁ ୧୧ଟା୪୦ ମଧ୍ୟରେ ଦୁଇଜଣ ଦୃର୍ବୁତ୍ତ ବୋମାମାଡ କରି ପଳାଇଛନ୍ତି l 

ଏ ସମ୍ପର୍କରେ ନବୀନ ରାମ, ମୟୁରଭଂଜ ସାଂସଦ ନବ ଚରଣ ମାଝି,ବିଧାୟକ ଜଳେନ ନାଏକ,ମନୋଜ ଦାସ,ସୁରଥ ପଟ୍ଟନାୟକ୍ ସମେତ ବହୁ ଶୁଭେଚ୍ଛୁ ରାଇରଙ୍ଗପୁର ଟାଉନ ଥାନାକୁ ଯାଇ ଏକ ଲିଖିତ ଅଭିଯୋଗ କରିଥିଲେ। ରାଇରଙ୍ଗପୁର ଟାଉନ ଥାନା ଅଧିକାରୀ ଏକ ମାମଲା ରୁଜୁ  କରି ତଦନ୍ତ ଆରମ୍ଭ କରିଛନ୍ତି l